YEREMIA 2:27 - ALLAH NIHYET MEM TUNGWATU NYA

²⁷ Jahagom mijimmai sut jenti lewo jihig biei ttou gom nok jicig ba, jihig tig nitindak gom nok jipmem. Jikwei kuk je biDa bi noro jikes Da ei. Tirigi mun di buhun cut igkep je lene jahara Da leu binhyepo diteu je bijingwes ngun.

YEREMIA 2:27 ပူးပေါင်းရင်းမြစ်များ

YESAYA 26:16

tuhan e, akes hukum ei nyeni dip lo, tirigi nitug hon ningkiemti lene nikiek hanyen ndam Nani ba, ningat nadi biNa.

HOSEA 7:14

Ingat nadi mungkun kei biDa bi. Tirigi ingat nadi ne injei yonti ug ei bilen di ibongti ba, iba nipim kui jeisi bingat nadi noyam kin yo di iba ingon com Da bi nya ibon kikepti. Tirigi yahara gandum kin ba anggur ngei ne ibindei yonti bibok noyam kin yo di ikuk yok bak kwar nya ibon kikepti. Ihwen bit Da nijit-jau a!

HOSEA 5:15

Midikes Ditde limwa nya ei bidimbut leu yok kikau bibou itug ndei inghuisi di wei nindig bibor drek dip ide sisar ug e leu api ingkwei hanyen ba, iba ingon com Da. Mpaba ninghuisi wei di micut igkep yok dima mibindei ba, ibrim ingkek binggok Da hanyen e?”

YEHEZKIEL 23:35

tuhan Di Ninyeng Jei Bibor pai “Suar abiang ade nikrar kepti kin ade nicut tut pinai nyati nibuhunti lewo abbwe ser Da ba, aba anghim biDa cem.”

YEHEZKIEL 8:16

Lene Noni buwak da ug ei mpia di jo bas hak gom di jo ei tuhan De Ig ninsi bidingat lo, ibou nyatungwagom muhwi ingat rin ei nimbar hum dok kin bisai di ibicoi kwei ei Ig dima nikieti. Iba inghim bak ninsi di kwes lene iba ibiau bicom mpia bikuk yok biba ingwak bikik mpia ndam bei mpia nipriti ba, ikuk yok bak mpia njap di pri kwei.

YEREMIA 32:33

Mbro nok gino dingginau yok bijo ninno lo, igimiap kep dihyet ba, ingon guhuk niti cem bi. Apino iba inghim biDa.

YEREMIA 22:23

Jibong kei jigwam kei ei tiang di iba buom Libanon bibon ninggreti lo, hammi tirigino ninghuisi wei cut igkep je kros rino mijahara noyam kin sop di ninghim dut tut nisrek tut nimunggwomti.”

YEREMIA 18:17

Midibindei ba, Ditde limwa nya mipri didiei ei ide siceu nya yoho bei dem kep nok hou di kui leu nite bei mpia nipriti di bindei ba, dihyei ntui nindig bibor. Gino mun di buhun bibor cut igkep yok lene midiba dinghim bak yoni ba, dimpu yok bi cem.”

YEREMIA 10:8

Yo dima yahagom ibbwe ba, ingon mbum cem. Lewo iba biei nitu bibon ide kwar di ngginau yok tut mun di bon ninyeng kan bi.

YEREMIA 2:24

Unta dima nang kikau ug ei iggum ndigsi di nok ha ngunti. Gino nibou buwei nok lene bit bon hi kat noni kan bi. Noro buhun mem unta nikre kat noni bi. Lewo tirigi pri ei niwek dip lene niwek dima kuk no mem nikre.

YEREMIA 3:9

Gi mbun immai sut yonti cem kan bi. Ibindei ba, map kui ide minu drek dip ide sisar nikuk no bak tig kin biei nya.

YEREMIA 30:7

Tto bou di kwei sut mun di buhun bibor dideu su. Bit bon hi binai sut njap di buhun bibor dima kin njap hiter kan bi. Njap dima ne njap di bindei ningon mbut-mbut nyenti mem Ditde limwa nya rin noro miditeu yok bingwes ngun.”

YEREMIA 37:3

Zedekia pinak Yukhal di Selemya nipmot kin Imam Zefanya di Maaseya nipmot kwei ba, ibidip huk da leu binhyepo dingat nadi bak tuhan Allah tindei timiei Yehuda nya.

DANIEL 9:7

tuhan e, ayai munti nya hagom igbit. Noro nye di timiei minu Yudea kin minu ndig Yerusalem kin mben Israel di abindei binintek gimahap ug ei ningkiaisi kin minu di dideu nya hagom drek dip ningon gom tut Na bisi lene gima bindei ba, nimmai sut nyenti.

HOSEA 4:12

Jahara biei ttou kin tom leu binhyepo indo puig di kei bije. Bon tom buhup bipingok jingonti e? Jahagom jinok sop wak cam di krar igkei. Jikes Da ei leu api jikes jenti ei nung nya indati.

NIBOHON MBEN ISRAEL GI NICAN 29:6

Idigup bat-idigai bat nya iba ingon di gom bibit tuhan Allah bi. Ba, ikes Noni ei leu api iba inghim bak Nide gumihyep di Ningat rin eisi dini cem.

YEREMIA 42:2

ngat da bipai “Andigpoi e, angat bou ayai him bipia nipou ne nye dini nimang noro tini bu ne nijo poi mien he. Nahara bak na di andigpoi leu binhyepo angat nadi bak tuhan Allah di akuk na bak. Angat nadi tindei nye di niken di nimang bibor bu bi dini,