YEREMIA 2:25 - ALLAH NIHYET MEM TUNGWATU NYA

²⁵ Je di mben Israel e, ma juhuk bram kwar nya ba, jahara yok au. Leu mbigom ne jimig bok ba, jinnei di sor mibindei ba, jikibou dut. Noro jibuhup ‘E bi! Bit bon nikes kwar nya ei kan bi. Ningat ningwes ei yokti ba, niba noho rok yok kikau.’ ”

YEREMIA 2:25 ပူးပေါင်းရင်းမြစ်များ

NINDAT KEP TUHAN NICUKTI NYA 32:16

Gi ikuk yok bak kwar nya bindei ba, tuhan ibou dut ser yok. Gi icut ei sisarti bindei ba, ningon sibui sut yok.

YEREMIA 18:12

Noro yo dima mibuhup ‘Nittin ser sisar mem mindei i? Minibit nyenti ningon kanti kikau! Bikwop nahagom ningkek ndok ba, niyai kep mun di mbuk bibor bit leu nyenti ningon kanti!’ ”

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

ROMA 8:24

Noni ba ide niyok ningon mem biteu nye leu sisar biyai niyaijo nijep binye. Gino ingat mun di igyok ingon mem bou igyai him ne jo nibreisi bipia gima ne niyok ningon memti di nijit rin bi. Tou riyok ningon mem mun di ngat ningat bou niyai him i?

NIBWOS-BWOS NYENTI 4:4

Bit bon ditde limwa nya igyai ido ngei bak munggwom ngwoi nya kan bi apino munggwom nya imai inggobiau ug o! Itindei hiter indati tut njita bigyem lo, hi di yai njita biyok bi ug o!

YEREMIA 14:10

tuhan pai sut mben dini “Diwok yok lewo inang leu Da ba, yoom kep ingon kan bi. Midingon prion ser ide mun di igyai tunggwei nya bi. Dikes hukum ei yok dip drek dip ide sisar.”

YEREMIA 13:22

Hi rima jihig ser bipia nggon rino mun dini yok hagom cut igkep je i? Nggon rino siceu nya irik sinsun jide leu je dino ikat je di icut tut je i? Ma jiyok ngon kep bipia jitug ndei mun di buhun dima yok hagom drek dip jide sisar di nindig bibor.

YESAYA 57:10

Jimuhup sar drek dip gi jinggok tut kwar di jikuk je bak nya lo, jingon gingkwei leu bi. Jikan bipia kwar dima yok ibindei sindem je ser nhyepo jinghuisi wei bi.

YESAYA 2:6

Allah e, akes Ade limwa di Yakub de nintun him yamti di bram yam nya ei su! Lewo nikan tut mun di jo nding di kwei leu mben ngkiai ei nite bei mpia nipriti nya kin mben Filistin cem kieng kep minu dini tu. Ade limwa nya igyai bram mben ngkiai ide niyai munti di kinei nya.

NIBOHON MBEN ISRAEL GI NICAN 28:22

Mbro nok gino mun di buhun dima bindin Ahas nindig bibor lo, noni bon kep sisar tut tuhan bikum eisi kikau.

NINDAT KEP TUHAN NICUKTI NYA 28:48

Gima rino suar jikuk je bak siceu di tuhan mipinak yok kwei mem gima ihwen bit je. Mijicut ei ninggumti kin ninggobiauti kin ninda ngwakti cem ba, juhui mbum nindig bibor. tuhan mico kep jeni sindem kikau ba, jibisar.

LUKAS 16:24

Gima rino noni hara ‘Arig Abraham e, ma angondut da ba, acuk Lazarus leu binhyepo su ninda pijum ei minyeiti ba, kwei bingget didweb lewo hum di cig-cai dini sror da o!’

LUKAS 15:22

Noro nicig hig nide awak nya kwei bicuk yok ‘Jibipbur ba, juug yai sinsun di nibok kak kwei ba, jijuk ei noniti. Jikes srak mas ei ninda pijumti ba, jikes srop ei nimig jouti.

HOSEA 2:3

Gino noni nikrar jut kikau lene midijuk nide sinsun bingwig leu noni leu binhyepo ningat ngu noyam kin njap di nipmem srek tut noni. Midibindei ba, noni noyam kin iggum ndigsi di ningat ntun him bi leu api mai ninggobiau.

YEREMIA 44:17

Miniyai mun nyeng bit leu nyenti ningon kanti. Minibon midut nindig mindhe ei humti ba, nibikuk nye bak Nibou Ndig Sop Gwamti bijo kikau. Nikiber ba anggur ngei nok mun di nibikuk nye bak kwar dima noyam kin gi po nidigup bat-nidigai bat nya kin nyende nibou ndig nya kin nyende nibou di inyeng jei nya ibon bidem minu ndig ngot di jo ei minu Yehuda kin gi ibon bidem puig di mbut ei minu ndig Yerusalem tu pima. Mpe dima njita dem mem nye ba, nibong kei nigwam kei lene mun di buhun cut igkep nye cem bi.

YEREMIA 2:31

Je di mben Israel e, ma jimiap kep dihyet. Dibon Danti bidinok iggum ndigsi kin nindibutti bou jiyai him e? Gi bi lene nggon rino jingkek ndok ba, jibit jenti jingon kanti lene jingkwei hanyen ndam Da bu bi sren i?

YEREMIA 13:21

Gino yo di jihig jisut bit yok pima ibindei timek je ba, inyeng tak kep je lene mijipai mindei sut yoni i? Ningat ne mijiyai niwei noyam kin sop di sindi ninghim dut tut nimunggwom nisrekti.

YEREMIA 22:20

tuhan pai “Je di timiei minu ndig Yerusalem e, juug ei minu Libanon kin minu Basan ba, jiba jihyet nindig bahara ei minu dima. Jiba jihyet nindig bibor bicot ei nungug him minu Moab lewo siceu ihwen tentara ngkiai nindigsi di yahati tut je yahagom ba, icut tu.

NIBWOS-BWOS NYENTI 1:2

Ningon ngguk bipim mmun jei lene niyai nggwei kibor bisilipti ningyoi. Nisut bat di ningon kieti nya inang leu su ba, hi di joi sut gwam ser ningon bi. Nisut bat nya yaham imbuk kep noni ba, iba nitok bak cem.

YEHEZKIEL 20:32

Jibindei jenti ba, jinoyam kin ngkiai nya kin timiei minu hiter nya di ikuk yok bak biei kin tig. Noro jingon kanti dima mipek kep mem je bi sren.’ ”

HOSEA 2:5

Jipmem ne sop di nikrar jut di kan nimmaisi bi ri. Noni pai ‘Suug ngat pinai di icut tut sa nya leu binhyepo siyem njita ba, sidut ndia ngei bit yok. Leu api yoni migyai minyahas wol kin linen kin mini zaitun kin ba anggur ngei bisa.’

MALEAKHI 3:14

Ba, jipai bu ‘Gino ninok awak mem Allah ne gima bon ninyeng bi. Nna ug. Gino nibit nihyet ne nibipek mindei i? Gino nibon midut ningon di ngguk tut niyai munti nya ne nibipek mindei i?

NIBOHON MBEN ISRAEL GI NICAN 28:23

Ahas bindei ba, mun di buhun bibor cut igkep nonti kin nide limwa nya tug hon gi bui mindhe-ndhe bindig ei nimbar hum dokti bak mben Siria po ibindei timek noni tu pima ide kwar di ikuk yok bak nya hanyen. Lewo kan “Mpaba mben Siria ide kwar nya impu nibou ndig mben Siria. Ba, gino sa sibui mindhe bisindig ei nimbar hum dokti bak kwar dima ne hi rima mimpu sani cem a.”

YEREMIA 22:21

Dimbrap bit je mpe di jibong kei jigwam kei yo pima noro jigimiap kep dihyet bi. Ningat ne jiyai munti nok gima ei nipou pima kikau kwei bipek ammani kep. Jigibit dihyet kan bi sren.