YEREMIA 2:24 - ALLAH NIHYET MEM TUNGWATU NYA

²⁴ Unta dima nang kikau ug ei iggum ndigsi di nok ha ngunti. Gino nibou buwei nok lene bit bon hi kat noni kan bi. Noro buhun mem unta nikre kat noni bi. Lewo tirigi pri ei niwek dip lene niwek dima kuk no mem nikre.

YEREMIA 2:24 ပူးပေါင်းရင်းမြစ်များ

YEREMIA 14:6

Keledai bigbehei nya cem igya hak bidem nungug dip nya ba, igyai nggrop buhun lewo minta mui bingwig leu su leu api innei sor noyam kin nsien mbrei nya.

HOSEA 5:15

Midikes Ditde limwa nya ei bidimbut leu yok kikau bibou itug ndei inghuisi di wei nindig bibor drek dip ide sisar ug e leu api ingkwei hanyen ba, iba ingon com Da. Mpaba ninghuisi wei di micut igkep yok dima mibindei ba, ibrim ingkek binggok Da hanyen e?”

YEREMIA 2:27

Jahagom mijimmai sut jenti lewo jihig biei ttou gom nok jicig ba, jihig tig nitindak gom nok jipmem. Jikwei kuk je biDa bi noro jikes Da ei. Tirigi mun di buhun cut igkep je lene jahara Da leu binhyepo diteu je bijingwes ngun.

AYUB 11:12

Yo di ingon mbum nya kindi migyai ingon di ki ei mpe dino keledai bigbehei nipmem bep nipmot di muhup kei.

HOSEA 8:9

Mben Israel ibit yonti ingon kanti noyam kin keledai nehek di bit nonti ningon kanti. Yoni yuug hara mben Asyur mem gima ikwei mpu yok. Lene iba mitiei bipek nijem nisut bit mben hi ter nya.

AYUB 39:2

Akan bidem tut nijam di mindhe-ndhe dima nghop nipou tirigi ibep imien bat nya bigyo nijeisi e? Akan tut tto bou mem inghim dut ba, ibep imien bat nya e?

YEHEZKIEL 16:33

Pinai di icut tut sop mmun nya iba mitiei bigo yok. Noro ayai nok gima bi. Nani rino akwas mun di kei tut pinai nya di abou buwei kep yok. Aba mitiei bihwen ingon leu binhyepo ikwei leu nima kwei-nima kwei bicut tut na.