YEREMIA 2:21 - ALLAH NIHYET MEM TUNGWATU NYA

²¹ Dita je bijinok ba anggur nikioi di kei bibor. Noro tini bu ne jinok ba anggur di ngoi-nga di bit bon ngat ningat kan bi.

YEREMIA 2:21 ပူးပေါင်းရင်းမြစ်များ

YESAYA 5:4

Notou dinyohou miai ba anggur dima bu i? Lewo dimpig bou kep bidicom dahanggwap tut wer ninno tu. Nggon rino anggur dima ngat ningat di hyenha lene ngat ningat di nyop kei hi biDa bi i?

NEHEI LEUSI 15:17

Abie tut mben Israel ug ei gumihyep dino apek hanjop eisi mem gima abong bit yok. Ata yok ei Ade nungug di kwes-kwau keiti ba, ei Ade Ig di angot ei su cem.

YOHANES 15:1

“Dani ne ba anggur ninjem di ningat-ngat ri. Dicig ne No di nyohou miai ba anggur nghousi ri.

MAZMUR 44:2

Allah e, nimiap tut ayai munti di mindur nya di ayai kep ei nijam gi nipou pima di nidigup bat-nidigai bat nya ipui sut binye ei nitingou nsi tu.

MAZMUR 80:8

Allah Di Sindem Bibor e, ma awin kep nyende nisindemti. Angondut nye ba, ateu nye leu nyende siceu nya!

NINDAT KEP TUHAN NICUKTI NYA 4:37

Noni dimig je ei su lewo ningon ngakei jidigup bat-jidigai bat nya leu api buwak je bijingwes ngun leu minu Mesir tug hon Nide nisindemti di nindig bibor.

LUKAS 20:9

Yesus ba nihyet nibiti nindati bingginau tungwatu nya bipai “Mpe di gom ne miai ceu gom ug yai midyai ei nide ba anggur kioisi. Noni ndo midyai dima bak yo di inyohou ba anggur kan nya leu api mbut ug ei minu ting leu lene gwam ninno ei sirima.

MARKUS 12:1

Leu api Yesus ba nihyet nibiti nindati bingginau yok bipai “Mpe di gom ne miai ceu gom ug yai midyai ei ba anggur kioisi leu api bon ngug ser ba, heu huk nindig bibor mem gima ipot ba anggur ningei eisi. Lene hok ig jibei cem ser. Leu api noni ndo midyai dima bak yo di inyohou ba anggur nghousi kan ba, ibitug ndei imuhup leu api noni mbut ug ei minu ting leu.

NINDAT KEP TUHAN NICUKTI NYA 32:32

Yo dima imbuk bibor dem kep nok mben Sodom kin mben Gomora. Inok ba anggur di mpo-mpam di ngat ningat di bindei nimai,

MATIUS 21:33

Yesus pai biyok “Dipai dihyet nibiti nindati gom kin bu bije. Mpe di gom ne miai ceu gom ug yai midyai ei ba anggur kioisi leu api bon ngug ser ba, heu huk nindig bibor mem gima pot ba anggur ningei eisi. Lene hok ig jibei cem ser. Hagom put tu lene noni ndo midyai dima bak yo di inyohou ba anggur kan ba, ibitug ndei imuhup leu api noni mbut ug ei minu ting leu.

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

YESAYA 60:21

Ade limwa nya mibrim ingkek mem mun di igbit. Yoni miba yo kep minu dima bijo ninno bijo kikau. Inoyam kin biei kioi gom di dipai tes bidita leu binhyepo bindo tut Ditde nikei-kau-keisi ei nibreisi.

YESAYA 41:8

Noro je di mben Israel e, jinok Ditde awak nya ba, didimig je ei nok Ditde limwa nya tug hon gi jintun Abraham di disut him.

YESAYA 1:21

Nipou ne minu ndig Yerusalem mpung tut yo di ingon gom nya. Noro tini bu ne minu ndig dima niyai munti nya dem kep nok sop di nibou buwei! Nipou ne timiei nya yahagom ingon sren kei noro tini bu ne minu ndig dima mpung tut nihwen kep mun cig nya.

MAZMUR 105:6

ma jiyok ngon kep Nide mindur di bibon nya. Ma jingon prion ser Nide nikos tutti nya au.

YOSUA 24:31

Mben Israel ikuk yok bak tuhan bibit nihyet kikau mem nijam di Yosua niyaijo. Niabiati bu lene igyai nok gima bu kikau mem nijam di nibou nindigsi nya cem igyaijo. Lewo nibou nindigsi nya ingat mindur po tuhan bibon mem mben Israel bou igyai him pima tu.

NIBWOS-BWOS NYENTI 4:1

Mas pimbai di jimjit kei pima pimber tu o! Tig di ibingot tuhan De Ig pima cut biyem mpia ei simpak o!

NITRITI 32:28

Lene no dima pai “Anyeng rino Yakub bu bi. Adahat kukwei Allah kin tungwatu nya cem ba, abindei timek yok tu. Gima rino suar ijem anyeng Israel bu.”

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

YESAYA 27:2

Mpe dima lene tuhan mipai “Ma jiba doia bikiek Ditde miai ba anggur nghousi di kei-kau kei a.

YEREMIA 11:17

Da di tuhan Di Disindem Bibor rino diwin minu Israel kin Yehuda. Noro tini bu ne dikos tut bak yoni bipia midikes mun di buhun bibor ei yok dip. Yonti rino ibindei di mun dima cut igkep yok lewo ibon kep mun di kinei tug hon ide midut nindig mindhe titut kep humti ba, ibikuk yok bak Baal. Apino digga yok ug a.”

MAZMUR 80:9

Nyeni ne ba anggur ninjem di ahom leu minu Mesir rin ba, apwoi ba, ambut tut. Tirigi ajji ngkiai nya bingwig leu itimieisi lene ata ba anggur ninjem dima ei mpia dima hanyen.

YEREMIA 5:10

Midicuk siceu nya ba, inggek yo dini ide ba anggur nghousi nya lo, inggek bisar ningwig hak bi. Midicuk siceu dima yok ba, ikos yo dini ide ba anggur ninda leu. Lewo ninda dima yok ne Ditde bi.

YEREMIA 11:16

Nipou pini jug ne dijem mben dima inyeng biei zaitun di nggrou di ningat di kei hun tut. Noro tini bu ne diba nihyet di nok kru nindig bibor bindig nimeng ba, didahat ninda nya hagom cem.

YEHEZKIEL 15:2

“Na di tungwatu di ayaijo kikau bi e, notou abinai ba anggur ninjem kin biei nindigsi nya i? Gino abinai ba anggur ninjem kin biei bigbehei ninjem lene ma ando gi hi di bon ninyeng dor njiriek hiter nya.