YEREMIA 2:20 - ALLAH NIHYET MEM TUNGWATU NYA

²⁰ tuhan Di Ninyeng Jei Bibor pai “Je di mben Israel e, jikou sut gi jinok Ditde limwa nya. Jibit dihyet bijikuk je biDa cem bi ninno tu. Noro jikuk je bak kwar di ninyeng kwar Ningat Ntun Himti bidem mbigdip nya kin biei ndig di nggrou kei nibehei nya hagom.

YEREMIA 2:20 ပူးပေါင်းရင်းမြစ်များ

NIBOU NDIG NYA GI NIGOM 12:32

Lene noni kinyon ei nibon midut kep njap ndig gom ei njap gi nisimnaimuhwidip mem bed gi nimuhwindaningai di noyam kin timiei Yehuda ide njap ndig. Lene noni bon midut nindig mindhe titut kep humti ba, bikuk no bak sapi nikre di noni ba mas bibon pima. Lene noni ta imam di noni dimig ei su nya ei ig nikuk no bak kwar eisi nya di noni ngot ei minu ndig Betel.

NIBOU NDIG NYA GI NIGOM 14:23

Iwin mpia ttou nsi di mem ikuk yok bak kwar nya eisi ba, iba tig di jei biwin dihim di itas pijum nya di mem ide kwar sop Asyera cem itas kwar nisop dima ei mbigdip nya kin biei di nimeng nggrou nibehei nya cem bikuk yok bak eisi.

MAZMUR 107:14

Noni buwak yok kwei leu nidinditi di dindi-kai dima bibindei ba, ide lante nya tun bingwig.

MAZMUR 2:3

Lewo ipai biyam “Jikwei ba, ikwek nyenti bingwes ngun leu tuhan kin nide nibou ndig ide nisindemti leu binhyepo inyeng tak kep nye bu bi!”

MAZMUR 78:58

Isrep huk Allah tug hon ide mpia di iwin mem ibikuk yok bak kwar nya. Ibindei ba, ningwak mbriu sut yok tug hon ide kwar di ikuk yok bak nya.

NEHEI LEUSI 19:8

Lene mben Israel ikon ighyet nok gi gom bibuhup “Nahagom nice tut binibit tuhan nihyet hagom.” Lene Musa ndat kep ibuhupti hanyen bak tuhan.

NEHEI LEUSI 24:3

Lene Musa ug tri tut tuhan nicukti kin nikos tutti nya hagom bak nide limwa nya apino yahagom ibuhup nihyet nok gi gom bipai “Minibit leu nok tuhan nicuk nyeti hagom hak ug.”

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

YESAYA 1:21

Nipou ne minu ndig Yerusalem mpung tut yo di ingon gom nya. Noro tini bu ne minu ndig dima niyai munti nya dem kep nok sop di nibou buwei! Nipou ne timiei nya yahagom ingon sren kei noro tini bu ne minu ndig dima mpung tut nihwen kep mun cig nya.

YESAYA 10:27

Mpe dima lene miditeu je leu mben Asyur ide nico kep jeti leu api inyeng tak kep je bu bi.”

YESAYA 14:25

Midibindei sar mben Asyur di ingat rin ei Ditde minu Israel. Lene midico kep yo di ingat rin ei Ditde nungug nya nyen-nyen. Midikwek Ditde limwa nya leu yo di ico kep yok nya inda nsi kin mun di buhun di mben Asyur ibidip huk yok di ibiang cem.

YESAYA 9:4

Hum miyem tentara di ikon pran bit Ade limwa nya ide srop kin ide sinsun di ngwoi-ngwau hagom.

YEREMIA 13:27

Dingat igbit je tirigi jibon kep mun nyeng di dingon mpo tut nya tu. Dingat gino juhuk bram nung nya ug ei nungug tou nya kin ngoi dumti nya tu. Jidem kep pinai gom di nibou buwei kep hi nitnem ba, jidem kep kuda nikre di bit niwek igkei. Je di timiei minu ndig Yerusalem e, buhun bibor mem je o! Apig bu leu api mijingon kwes ba, mun di kinei rap je bu bi i?”

YEREMIA 17:2

Limwa jide nya ikuk yok bak nimbar hum dok kin cou dihim nya di itas mem gima ibikuk yok bak Kwar Sop Asyera cem. Mun dima jo bidem biei di nimeng nggrou nibehei hagom kin mbigdip ninggram him hagom,

YEREMIA 2:31

Je di mben Israel e, ma jimiap kep dihyet. Dibon Danti bidinok iggum ndigsi kin nindibutti bou jiyai him e? Gi bi lene nggon rino jingkek ndok ba, jibit jenti jingon kanti lene jingkwei hanyen ndam Da bu bi sren i?

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEREMIA 30:8

tuhan Di Sindem Bibor pai bak Nide limwa nya bu “Gino njap dima dem ne mididahat biei koisi di ibisrou jinggibi dip leu je. Midibindei tun lante di ibiteu je cem leu api jinok awak mem ngkiai nya bu bi.

YEREMIA 5:5

Nna ba duug ngat pinjoi ndig nya bidimbrap bit yok. Lewo ningat ne yoni ikan tut tuhan Allah ningon kanti kin Nide niyok ningon mem yoti.” Diyai nok gima tu noro ningat ne yahagom ikou sut tuhan ninyeng tak kep yokti ba, ikou sut gima ibit nihyet.

YEHEZKIEL 16:28

Noro angon gicut hon bigyo. Gima rino ajop-jop nyen mben Asyur ba, abon nanti nok ide sop sundal. Noro ibindei ba, angon cut hon yoni cem bi.

YEHEZKIEL 16:31

Awin mpia di jo simin puig nghas hagom ei minu ndig nya mem abikuk na bak kwar nya eisi. Noro nani ne sop sundal nitu di suar mitiei he bi ri.

YEHEZKIEL 16:41

Indig ade ig nya hagom lene induk sop nya kwei mem gima ingat hukum di cut igkep na bou igyai him. Tug hon nisinati dima lene dibindei ade nicut tut pinai nyati bikes hon apino ma akwas mun di kei tut pinai di abou buwei kep yok nya bu bi.

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

YEHEZKIEL 23:5

Mbro nok gino Ohola nok ditnem tu lo, bon mun nok sop krar bijo kikau. Lene ba noho rok nikrar kep nisut bat di mben Asyur nya.

HOSEA 1:2

Mpe dino tuhan sok nihyet ei Hosea dip bak mben Israel ei nimbie him ne Noni pai “Ma aug ba, adimig sop di nikrar jut ba, awak noni nok atnem leu api amunggwom bat nya migyai bram ipmem niyai kepti nya. Lewo Ditde limwa nya ikes Da ei ba, inoyam kin sop dima drek dip ingon gom tut Da bisi ba, ikes Da ei su.”

HOSEA 2:5

Jipmem ne sop di nikrar jut di kan nimmaisi bi ri. Noni pai ‘Suug ngat pinai di icut tut sa nya leu binhyepo siyem njita ba, sidut ndia ngei bit yok. Leu api yoni migyai minyahas wol kin linen kin mini zaitun kin ba anggur ngei bisa.’

HOSEA 3:3

Dipai binoni bipia suar noni bet ningon mem da wer ninno. Tirigi bet ningon mem da ne suar noni om no leu nikrar jutti kin nicut tut pinaisi nya. Midingat rin dideu noni cem bi.

HOSEA 4:13

Jindig mindhe-ndhe nya ei kwar nya ide nimbar hum dokti ei mbigdip nya. Jindig biei nggrai di ui-gwang kei ei biei ndig di nimeng nggrou nya nibehei lewo mpia dima bon mpia di mbum-bra. Apino jipmisop bat nya ibon yonti nok sop di ikrar jut nya lene jignyot bat nya ibon yonti nok sop di icut tut pinai nya ariwace.

HOSEA 9:1

Mben Israel e, ma jibon midut kep jide njap nindig nya noyam kin ngkiai nya au. Jikes jide Allah ei ba, jingon gom tut Noni bi kikau tu. Bikwop mpia di jico kep gandum eisi ne jitri jenti bijinok nikrar jut cig nya mem kwar Baal. Jingon kei sut gi jitug ndei gandum di jikan bipia Baal yai nok jimuhup bije!

IMAM NYA IDE MIDYAI 26:13

Dani ne tuhan ba, jide Allah di teu je bijingwes ngun leu minu Mesir leu binhyepo jinok awak bu bi ri. Dibindei dahat nisindemti di co kep je pima tu leu api dibindei ba, jiyati kwes.”

NAHUM 1:13

Nogindini midibindei ba, Asyur ninyeng tak kep jeti kes hon ba, lante ngkimom nitu di ibiteu je bitun hak.”

NINDAT KEP TUHAN NICUKTI NYA 12:2

Tirigi jikieng kep minu jep dima lene suar jicok tut mpia ttou nsi di ngkiai dima yok ikuk yok bak ide nung nya eisi bitut gi hi di jo ei mbigdip nya kin nungug tou nya kin biei di nimeng nggrou ninghousi hagom.

NINDAT KEP TUHAN NICUKTI NYA 15:15

Ma jiyok ngon kep bipia nipou yo lene jeni cem jinok awak ei minu Mesir leu api jide tuhan Allah kwek je. Gima rino diyai nicukti dini bije.

NINDAT KEP TUHAN NICUKTI NYA 26:17

Njap di ammani ne jipai jit bipia tuhan ninyeng tak kep je. Jipreu ei mem Noni bipia mijibit nihyet ba, jiyok ngon kep Nide nicukti nya ba, jiyai hagom bit leu nok nicuk jeti nya cem.

NINDAT KEP TUHAN NICUKTI NYA 4:20

Noro Noni teu je bijingwes ngun leu minu Mesir di nok mpia po jiyai jinghuisi wei nindig bibor eisi pima tu. Lene Noni buwak je kwei ei minu dini bibon je nok Nide limwa nya kikau kwei bipek ammani kep.

NINDAT KEP TUHAN NICUKTI NYA 4:34

Dihig ser je bipia kwar di tungwatu nya ikuk yok bak hi sindem mem gima ug dimig mben gom leu mben nindigsi nya ikieti ei ba, ninyeng tak kep yok e? Noro tuhan di nok jide Allah dimig jeni ei leu mben Mesir ikieti tu. Noni ribindei dino nsuwer ajar kin pran cut igkep yok. Noni bon mun di mindur nya kin bindo nya kin mun di bindei dino tungwatu nya ingon ttin bibor tug hon Nide nisindemti di nindig bibor bou jiyai him tu.

NINDAT KEP TUHAN NICUKTI NYA 5:27

Gima rino Musa e, ma angkwei hanyen ba, amiap kep mun nyeng hagom di ide tuhan Allah mipai binye leu api akwei tri tut mun nyeng di Noni sok ei nani dip hanyen binyeni. Lene minimiap kep ahyet binibit Nide nisok ei na dip dima hagom.’

YOSUA 1:16

Lene ibuhup “Miniyai hagom bit leu nok acuk nyeti ba, minimbut ug ei tirigi tou apinak nye ug eisi ug ri.

YOSUA 24:24

Lene nide limwa nya ibuhup “Minikuk nye bak tuhan di nok nyeni ide Allah ba, minibit Nide nicuk nyeti.”

YOSUA 24:26

Lene noni pas kep nipingok yokti nya pima hagom ei Allah De Srat Nicukti. Gima ngwig lene noni bindei ba, nide awak nya ikon tig di jei bibor bita pijum ei biei nindig bibor gom nitriti simiak tuhan De Prak Meng niyati.

NINGAT-HI-NGAT NYA 17:1

Lene malaikati nya di ikwei sut ide bokor nya igom kwei pai bida “Akwei ba, dindo sundal di ninyeng jei di mitug ndei hukum bina. Noni ne minu ndig bibor di iwin dideu minyei mang biborti ri.

NIJAM NIKEI NYA 10:6

Jei bi lene mben Israel ibon sisar tut tuhan hanyen bu. Iba inghim bak tuhan nihyet lene ikuk yok bak bu bi. Noro ikuk yok bak kwar Baal kin Asytoret kin kwar di mben Siria kin Sidon kin Moab kin Amon kin Filistin ikuk yok bak nya.

NIJAM NIKEI NYA 2:11

Mpe dima lene mben Israel ibon sisar tut tuhan tirigi sindi ikuk yok bak kwar Baal nya.

NIJAM NIKEI NYA 2:13

Lewo ikuk yok biNoni bu bi lo, ikuk yok bak Baal kin Asytoret kin kwar nindigsi nya.

SAMUEL GI NIGOM 12:10

Lo bi lene jidigup bat-jidigai bat nya yahara tuhan bu bipai ‘tuhan e, nibon sisar ba, ningkek ndok tut Na leu api nikuk nye bak kwar Baal kin Asytoret tu. Ma ateu nye biningwes ngun leu nyende siceu nya apino minikuk nye biNani bu!’