YEREMIA 2:2 - ALLAH NIHYET MEM TUNGWATU NYA

² leu binhyepo duug tri tut nihyet dini bak timiei minu ndig Yerusalem yahagom. “Je di mben Israel e, dikan kep nijam di jinok sop wak cam di ningon gom. Mpe dino sindi siwak yam ne angon ngakei Da nindig bibor. Mpe dima lene abit Da kak puig di bie ug ei iggum ndigsi di bon beisi kin njita hi bi.

YEREMIA 2:2 ပူးပေါင်းရင်းမြစ်များ

MAZMUR 129:1

Doia nikui ug ei Mbigdip Sion. Mben Israel e, ma jipai sut notou jide siceu nya ihwen bit je habiei nijam di jipilei yo kwei ug e.

NEHEI LEUSI 14:31

Tirigi mben Israel ingat tuhan de nisindemti di nindig bibor di bindei ba, mben Mesir yahagom imai bingwig bou igyai him lene inga leu tut nindig bibor bittin tut Noni. Apino iba ingon com Noni kin Nide awak di Musa cem.

NEHEI LEUSI 16:8

tuhan Nonti rino miyai mikwau bije mem mmunti lene miyai roti bije mem njap bigyokti leu gi po jinso-nso nyen bak Noni pima tibim ei nitingou nsi tu. Tirigi jinso-nso nyen bak Harun nyeni lene gima dem kep nok jinso-nso nyen bak tuhan.”

NIPINGOK NINGONTI 1:20

Jimiap e, ningon kiti mbrap tereu nok tungwatu ba, nihyet tibim bidem simpak kin biyati ba,

DIUN MIMUN 3:11

Je di sop gwam nitta pilei minu ndig Yerusalem e, jehei kwei bijitou kep Nibou Ndig Salomo di su no tut topi nibou ndig di nipmem bijuk nibou ei njap di nitnem yoni iwak yamti. Njap dima ne ningon llei nindig bibor!”

DIUN MIMUN 3:6

“Mindei rikwei leu iggum ndigsi dima di kui bidem bumbuhui nggop ei mpia-bbed him i? Nuui di tun dem kep mur kin biei nggrai di ui-gwang kei nuui di ttun ba, noyam kin bedak di nuui tun kei di nitri-nipek mun cig nya ittei kwei bitri.

YESAYA 58:1

tuhan pai “Ma ambrua Ditde limwa nya tignam ba, ando ide sisar brei biyok!

YEREMIA 11:6

Leu api tuhan pai bida “Aug ei minu ndig ngot di jo ei minu Yehuda. Aug ei simpak bou ngot di jo minu ndig Yerusalem ba, atri tut dihyet di disok ei na dip dini bak yo di ingat rin ei sirima. Asok kep yok bipia suar ingig itingou mem dihyet bibit Ditde gi preu pima nidimigsi di suar yahati tut nya hagom.

YEREMIA 19:2

dibie tut yok kak Dimbou Pmem Den Sra ug ei Mbang Briep Hinom. Noni pai bida bipia ditri tut nihyet di Noni pai bida.

YEREMIA 2:1

tuhan cuk da,

YEREMIA 2:6

Mbro nok gino diteu yok ba, ingwes ngun leu minu Mesir lo, ingkek ndok tut Da. Dinyohou yok ei mpia ngoisi di wer iggum dip kin iggum ndigsi di wer mboi-mbang kin ningakti di kinei bibor cem. Tungwatu nya iwin minu ei sirima bi ba, ikriau binjiriek mpia dima.

YEREMIA 3:4

Jipai biDa bipia Dani ne jicig rin bidingon ngakei je habiei jimien kwei.

YEREMIA 7:2

buug biya kui dimbou pmem ei tuhan De Ig lene tri tut biyok “Je di timiei minu Yehuda di jicoi ug jicoi kwei nyen ei dimbou pmem dini bijikuk je bak tuhan e, ma jingig jitingou mem tuhan nihyet.

YEHEZKIEL 16:22

Tirigi ayai bram sop sundal niyai munti di bindei di igyai ttin lene agikan kep tirigi po amien yo po ajou hangwang cem atoi anggrom di ut-ut nyen ei pima poi mien cem bi e?”

YEHEZKIEL 16:60

Noro diyok ngon kep nipreu di dipreu ei bit na mpe di apilei yo. Gima rino midibibon gi preu di jo ninno bijo kikau bit na.

YEHEZKIEL 16:8

Tirigi dimbut ei mpia dima bu lene dingat lo, ade njap dem mem gima apai pinai tu. Diba Ditde sinsun ndok di jei bijuk na ser ade ningat nguti dima. Dipreu ei bina tut Ditde ningon ngakei nati. Gima igbit rin ba, dibon nipreu sut niwak yamti bit na. Ba, Ditde nani tu. Da di tuhan Di Dinyeng Jei Bibor disimbot dat tu.

YEHEZKIEL 23:19

Noni cut tut pinai nyen-nyen bijo noyam kin mpe di pilei po wer no sop krar ei minu Mesir pima cem.

YEHEZKIEL 23:3

Mpe di ipilei yo ne ibong ei minu Mesir ba, ide nipilei ngatti cut leu yok ei minu dima leu api ibon munti nok sop di krar igkei.

YEHEZKIEL 23:8

Noni yai kep midyai sop krar dima bijo kikau noyam kin gi bon ei minu Mesir nipou po nide nipilei ngatti cut leu no bigyo pima. Yo dima ijou noni ba, ibibon noni nok sop krar habiei leu nimien yo kwei su.

HOSEA 11:1

tuhan pai a “Dingondut Israel habiei nimien yo ba, dihig dimunggwom dima kwei leu minu Mesir.

HOSEA 2:15

Midingkwei nide miai ba anggur nghousi hanyen binoni bidibindei ba, nide Mbang Briep Ningon Buhunti luei nitta binok dimbou niyok ningon memti. Noni miya um Da ei sirima noyam kin nijam di noni sindi kwei leu Mesir nok sop gwam nitta pilei.

HOSEA 2:17

Midipai ser noni leu binhyepo noni ndat kwar Baal ninyeng bu bi sren. Apino tungwatu nya migyok ngon kep kwar Baal ninyeng bu bi.

HOSEA 2:7

Noni muhuk bram pinai di icut tut noni noro bit bon hatap yok kan bi. Noni minggok ser yok noro ngat yok bou niyai him cem bi. Noni mikan ‘Nnaba singkwei bisibong bit sijjep ndig hanyen lewo noni nyohou sa nok gi kei dor njiriek yo di icut tut sa pima yok.’

HOSEA 8:1

tuhan pai “Ma jibindei bimbi pun mbrei tut mun di buhun a! Siceu injei bicoi Ditde minu mem gima ihwen ba, ihwenti dima noyam kin hacam di cut di sus mun di yem a! Ditde limwa nya itunggwei Ditde nipreu ei bit yokti bisrep tut Ditde ningginausi nya cem tu.

HOSEA 9:10

tuhan pai “Nimbie him ngat di dittau kep mben Israel ne dingon nggei-hi-nggei bidem kep no di ttau kep ba anggur nghousi ei iggum ndigsi. Nimbie him ngat di dingat jidigup bat-jidigai bat nya ne dingon kei bidem kep no di ngat biei ara ningat gi nimbie him ngat. Noro mpe di yoni yuug krau Nungug Peor ne ikinyon ei nikuk no bak kwar Baalti. Apino map di kui kwar di ingon ngakei dimati kui yokti bu.

YUNUS 1:2

bipai binoni “Akiju ba, aug ei minu ndig Niniwe lene ma aba acot pai bak timiei nya bipia Da di tuhan dikan tut ide sisar di kinei bibor tu.”

MATIUS 11:15

Gino jitingou dile lene ma jiyok ngon kep dihyet!

LUKAS 12:13

Tungwagom di srig yo di ningot ndig dima ikieti pai bak Yesus “Guru e, acuk dikindig leu binhyepo kwas mun di diba dakep tut da lewo nicig mai leu nye tu.”

NINDAT KEP TUHAN NICUKTI NYA 2:7

Ma jiyok ngon kep bipia jide tuhan Allah njei mun di kei bak jeni tut mun di jiyai nya ninyeng hagom tu. Tirigi jimbut-mbut wai ei iggum ndigsi di nyan bibor dini lene tuhan nyohou jeni kikau. tuhan ngkiem ser je kikau ei nijam ari bingwam ningot bitai dini ba, yai mun di jisuar nya hagom bije tu.

NINDAT KEP TUHAN NICUKTI NYA 33:3

Noni ningon ngakei Nide limwa nya biya srak ko hagau yo di ninyeng tak kep yok. Gima rino ikuk nye ei nimig him ba, ibit nicuk nyeti nya.

NINDAT KEP TUHAN NICUKTI NYA 8:2

Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.

YAKOBUS 4:4

Mei! Jingon gom tut Allah bi. Jikan tut bipia yo di inggre kin mun di pror yon ei dihyeisi dini iba nitok bak Allah bi e? Tungwa tou rino nggre kin mun di pror yon ei dihyeisi dini lene noni ba nitok bak Allah.

NINGAT-HI-NGAT NYA 2:4

Noro diwok je drek dip gi jingon ngakei Da nok gi nipou tirigi jingon ngakei Da ei nimbie him pima bi.