YEREMIA 2:19 - ALLAH NIHYET MEM TUNGWATU NYA

¹⁹ Jide sisar mibindei ba, hukum cut igkep je. Jitug ndei nihwen bit jeti drek dip gi jikou sut Da di dinok jide Allah. Nogindini jitug ndei niwei kin nidut drek dip gi jiba jinghim bak Dani bijikon dinyeng bi. Da di tuhan dinok jide Allah Di Ninyeng Jei Bibor ba, Disindem Bibor cem disimbot dat tu.”

YEREMIA 2:19 ပူးပေါင်းရင်းမြစ်များ

YESAYA 3:9

Ikon yontiti dima bindo tut ide nibon munti di kinei ri. Ibon sisar brei hak noyam kin gi mben Sodom ibon di nipou cem. Buhun bibor mem yok! Yonti ibindei ba, mun di buhun cut igkep yonti hanyen.

YEREMIA 4:18

Je di timiei Yehuda e, jenti rino jibindei di mun di buhun dima cut igkep je ug a. Jide niyaijoti di kinei kin jide nibon munti di kinei rino bindei di ninghuisi wei dima biam jingonti a.

YEREMIA 2:17

Jenti jibindei ba, mun dini yok hagom cut igkep je. Jikes Da di tuhan di dinok jide Allah ei ba, jiba jinghim bak Dani tirigi dinyohou bie tut je kak jimbutti ei pui sinon.

MAZMUR 36:1

Doia Daud di tuhan de awak mem no di bie tut doia nimpung.

HOSEA 5:5

Ingon di jei bibor jo nibreisi bou diyai him nok mun di bindo tut igyai munti di kinei bibor nya. Ide sisar bindei ba, icut leu api mben Yehuda icut bram yok bu cem.

AMOS 8:10

Midibindei ba, pesta di jibon kep jide njap nindig minoyam kin njap di jingon ngguk tut nimai ba, doia di jiba jingon di llei bipai minoyam kin yo di ipim kep nimai ighyet. Mijikak jibou bijijuk sinsun kron di bindo tut jingon di ngguk bijinok andigpoi kin nitnem di ingon ngguk bram ipmot di nimig gom ngat. Mun di cut igkep je mem njap dima hagom mibindei ba, jingon ngguk bibor.”

HOSEA 11:7

iba ingkek di ndok bikiek yoho ter leu Da cem. Gima rino yoni mitug ndei mun di buhun di micut igkep yok. Mbro nok gino yahara hiter mem gima kwei mpu yok lo, bit bon hi teu yok bingwes ngun kan bi.”

YEREMIA 5:6

Gima rino singa di lus-lus nyen kwei leu bigbehei nya mikwei ttem yok biyai nimai biyok. Lene nsien bigbehei di lus-lus nyen kwei leu iggum ndigsi nya mikrau nikwai tut yok birik-rik nyen ingkek. Macan di nillikti mimbut-mbut wai binggok mun di yem dideu minu ndig nya. Ba, mindhe macan dima mittem bikwop no di hei leu minu ndig. Mun dima yok hagom cut igkep yok lewo ibon sisar mang bibor ba, iba inghim bak Allah nyen-nyen cem tu.

ROMA 3:18

iba ingwes mien bikuk yonti nyahan ei Allah Noho bei bi sren.”

ZAKHARIA 7:11

Noro Ditde limwa nya ingkek ndok ba, idat kep itingou ser leu ba, igimiap dihyet bi.

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

YEREMIA 8:5

Nggon rino je di jinok Ditde limwa nya jikriek leu pui di nijit ba, jiba jinghim biDa bijo kikau i? Jikrau kep jide kwar nya di jikuk je bak bingkiem ba, jikou sut gi jingkwei hanyen ndam Da.

HOSEA 4:16

Je di mben Israel e, jingkek ndok bibor! Notou midinyohou je ei abris nghousi nok domba nya i?”

YEREMIA 5:22

Dani ne tuhan ri. Nggon rino jittin tut Da bi i? Suar jidigit tut Da! Dani rino dipai tes muk nintig dip di bikkin ser muk ngei di dwoi njiriek bi bijo ninno bijo kikau. Muk dwoi nindig biroi lo, njiriek hanjop niya kwas yamti dima bi.

YEREMIA 3:22

Je di jiba jinghim bak tuhan jahagom e, ma jingkwei hanyen ndam Noni! Noni mibindei ba, jikei hanyen bijingon gom tut Noni. Leu api jipai “I, nogindini nikwei ndam tuhan lewo Noni ne nyende Allah ri.

YESAYA 50:1

tuhan pai bak mben Israel “Ditde limwa jen, jikan bipia dikou sut je noyam kin pinai di kou sut nitnem e? Gi nok lene ma jindo srat di bindo tut gi dikou sut ditnem biDa. Jikan bipia ditri je noyam kin no di ba nimunggwom bat nya bibirop ningwam di noni bon bak hiter e? E bi. Jide siceu nya ikat je bibuwak je ug ei jingkiaisi drek dip jide sisar kin jingon di mbuk biborti!

YESAYA 5:5

Gima rino dibibon miai ba anggur dima nok gini. Dinggek ngug di bikrop ttai mpia dima hagom leu api disindui sut mindhe-ndhe di ipijuk bi nya igyem ningat bitem dihyei tut.

NIPINGOK NINGONTI 5:22

Yo di isibut ide sisar di ibon nya dem kep bon di srou yonti hanyen.

NIPINGOK NINGONTI 1:31

Gima rino mijibiang jiyai munti kin jingon kanti nya nibuhunti.

NIPINGOK NINGONTI 1:32

Yo di ingkek ndok nya mitug ndei nimai drek dip gi ikou sut da. Yo di ingon mbum cem mitug ndei nimai drek dip gi ingig itingou mem dihyet bi.

YEREMIA 5:24

Mbro nok gino Dani rino dikes biget mem je ei nijam biget nimbie him kin ningwigsi ba, diyai nijam nikos gandum bikwop ari bingwam mem je cem lo, jikuk je bijibou cut biDa bi sren.

YEHEZKIEL 39:24

Dibibon yok dem igbit map di kui yokti kin ide nibon mun kineisi. Leu api dikes yoni hak ei.”

HOSEA 7:2

Wer ingon dorti tut bipia diyok ngon kep mun di kinei bibor di ibon dima yok hagom cem bi sren. Noro ide sisar ngot di ibon nya kieng kep yok apino dingat hagom mungkun kei bou diyai him.”

HOSEA 13:9

Je di mben Israel e, midibindei ba, jitimek bijingwig! Lene tou rikwei mpu je i?

MIKHA 1:5

Mun dini yok hagom micut igkep mben Israel drek dip sisar di ibon kikep kin ide naham nimbuk kep Allahti cem. Tou ribindei dino mben Israel ibon sisar i? Gima ne ide minu ndig pmem di Samaria rin bi e? Tou ribindei dino mben Yehuda ikuk yok bak kwar nya i? Gima ne ide minu ndig pmem di Yerusalem rin bi e?

NEHEI LEUSI 33:6

Gima rino tirigi mben Israel ijo leu Nungug Sinai lene indei ide mas kin mitingou him mas bu bi sren.

NIJAM NIKEI NYA 10:13

Mbro nok gino diteu je bijingwes ngun tu lo, no jiba jingha bak Dani kikau ba, jiba joho rok kwar nya yo. Gima rino gi mbun dikwek je bijingwes ngun hanyen leu yo dima inda nsi kan bi.

NIBOU NDIG NYA GI NIGOM 18:18

Noro Elia buhup “Dani rino dibindei di minu Israel hagom kinei bibor bi! Na di Andigpoi kin acig jeni rijibindei di minu Israel hagom kinei tirigi jikuk je bak kwar Baal bijibit tuhan nicuk jeti nya bi.

NIBOHON MBEN ISRAEL GI NICAN 12:5

Mpe dima lene Nibou Ndig Rehabeam kin nibou timiei Yehuda nya imang bibor di idem yam ei minu ndig Yerusalem lewo yahagom ikuk yam binang leu Sisak. Lene Nabi Semaya kwei ngat yok bipai biyok “tuhan pai bije ‘Jiba jinghim bak Dani gima rino Dani cem diba dinghim bak jeni. Bitig dino Sisak co kep jeni ug a.’ ”

NIBOHON MBEN ISRAEL GI NICAN 21:10

Hon kep njap dima kwei lene nibou ndig mben Edom nya ibou cut bak nibou ndig timiei Yehuda nya bu bi. Ei nijam dima ne timiei minu ndig Libna cem yaham imbuk kep nibou ndig timiei Yehuda nya. Mun di buhun dini hagom cut igkep Yehoram lewo ba ninghim bak tuhan Allah di nidigup bat-nidigai bat nya ikuk yok bak.

NIBOHON MBEN ISRAEL GI NICAN 25:16

Lene Amazia mbrua kep nihyet bipai “Akes ahyet hak. Leu gi bi ne miniyai nimai bina! Nita nani nok no di pingok kep nibou ndig ningonti bi sren.” Leu api nabi dima kes nihyet lo, bon nituti gom di pai bak “Nogindini dikan tut bipia Allah kos tut mem gima bindei sar Na Di Andigpoi drek dip abon munti nya dima ba, arok dipingok nati cem dima.”

YEREMIA 1:16

Midikes hukum ei Ditde limwa nya dip drek dip ide sisar. Yoni iba inghim bak Dani ba, ibon midut bak nung di ikuk yok bak cem ibon kwar bou inda him bikuk yok bak cem tu.

YEREMIA 7:19

Noro ibindei ba, dingon buhun bi. Ibindei ba, yonti ingon buhun apino ibimmai sut yonti.

YEREMIA 13:22

Hi rima jihig ser bipia nggon rino mun dini yok hagom cut igkep je i? Nggon rino siceu nya irik sinsun jide leu je dino ikat je di icut tut je i? Ma jiyok ngon kep bipia jitug ndei mun di buhun dima yok hagom drek dip jide sisar di nindig bibor.

YEHEZKIEL 23:30

mun di buhun dini micut igkep nani a. Anok sop krar igkei mem ngkiai nya yahagom ba, abindei bimap kui nati tug hon ide kwar di akuk na bak cem.

HOSEA 9:1

Mben Israel e, ma jibon midut kep jide njap nindig nya noyam kin ngkiai nya au. Jikes jide Allah ei ba, jingon gom tut Noni bi kikau tu. Bikwop mpia di jico kep gandum eisi ne jitri jenti bijinok nikrar jut cig nya mem kwar Baal. Jingon kei sut gi jitug ndei gandum di jikan bipia Baal yai nok jimuhup bije!