YEREMIA 2:17 - ALLAH NIHYET MEM TUNGWATU NYA

¹⁷ Jenti jibindei ba, mun dini yok hagom cut igkep je. Jikes Da di tuhan di dinok jide Allah ei ba, jiba jinghim bak Dani tirigi dinyohou bie tut je kak jimbutti ei pui sinon.

YEREMIA 2:17 ပူးပေါင်းရင်းမြစ်များ

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

AYUB 34:27

drek dip gi ibit ningon kanti bigyok ngon kep nicukti nya cem bi.

AYUB 4:8

Dingat bou diyai him bipia yo di ikkin dihyei ei miai sisarti kin yo di yahap mun di sibut bibor di noyam kin njita ngan ei dihyei suti yahagom igyai ningat di kinei kin ningat di suwok cem!

MAZMUR 107:7

Lene Noni bie tut yok kak puig di sren kei ug ei minu ttou nsi gom leu binhyepo ibong nyahan eisi.

MAZMUR 136:16

Noni bie tut Nide limwa nya ba, ite-te nyen ei iggum ndigsi. Nide ningon ngakeisi jo ninghig-niker.

MAZMUR 77:20

Ambut ei muk di tti bibor ningwa dip. Asigon muk di jut bibor lo, hi gingat amig ceti nya bi.

NIPINGOK NINGONTI 15:10

No di bon mun di mbuk mitug ndei hukum. No di kou sut nisok kep noti mitug ndei nimai.

YESAYA 1:4

Je di jirom ndok ba, jimbuk e, mun di binggek micut igkep je drek dip jide sisar! Lewo jide sisar buhun tak je bibindei ba, jimig buhun. Jirok tuhan ei jitta ba, jiba jinghim bak No Di Kwes-Kwau di suar jikuk je bak cem.

YESAYA 59:13

Nikon Nani nok nyende tuhan bi ba, naham nimbuk kep Na binikou sut Na cem lene nikou sut gi nibit nyende Allah tu. Nico kep yo di hiter ba, nico tunggwei puig di nijit cem tu. Nikan-kan nyenti srawir ba, nisuglai munti hei leu nuhui him.

YEREMIA 13:22

Hi rima jihig ser bipia nggon rino mun dini yok hagom cut igkep je i? Nggon rino siceu nya irik sinsun jide leu je dino ikat je di icut tut je i? Ma jiyok ngon kep bipia jitug ndei mun di buhun dima yok hagom drek dip jide sisar di nindig bibor.

YEREMIA 19:4

Dibibon je nok gini drek dip Ditde limwa nya di iba inghim bak Dani. Yoni ibindei ba, map kui mpia dini drek dip midut di ibon bak ngkiai nya ide kwar nya di yoni kin idigup bat-idigai bat nya kin nibou ndig minu Yehuda nya yahagom ingon dorti tut bi. Yoni yuhug yo di ingon ngun nya inggrom ba, ut ei mpia dini tu.

YEREMIA 2:13

Lewo Ditde limwa nya ibon sisar ninyeng can tu. Mbro nok gino dinok minyei niyaijo nijep nibousi mem tungwatu nya lo, iba inghim biDa leu api ibon ide bak di ki ei dip di bit bon minyei ut eisi kan bi.”

YEREMIA 2:19

Jide sisar mibindei ba, hukum cut igkep je. Jitug ndei nihwen bit jeti drek dip gi jikou sut Da di dinok jide Allah. Nogindini jitug ndei niwei kin nidut drek dip gi jiba jinghim bak Dani bijikon dinyeng bi. Da di tuhan dinok jide Allah Di Ninyeng Jei Bibor ba, Disindem Bibor cem disimbot dat tu.”

YEREMIA 4:18

Je di timiei Yehuda e, jenti rino jibindei di mun di buhun dima cut igkep je ug a. Jide niyaijoti di kinei kin jide nibon munti di kinei rino bindei di ninghuisi wei dima biam jingonti a.

YEREMIA 44:3

Mun di buhun dima cut igkep yok lewo timiei di ibong eisi ibon sisar apino sisar dima bindei ba, digga yok. Ibon midut nindig mindhe-ndhe ei humti mem gima ibikuk yok bak kwar nya di nipou ne yonti kin jeni kin jidigup bat-jidigai bat nya jahagom jikuk je bak bi sren.

YEREMIA 5:25

Noro jide sisar dima yok rino bigen ser mun di kei dima yok hagom dino jingat jingwes eisi bi a.

YEHEZKIEL 39:24

Dibibon yok dem igbit map di kui yokti kin ide nibon mun kineisi. Leu api dikes yoni hak ei.”

HOSEA 13:9

Je di mben Israel e, midibindei ba, jitimek bijingwig! Lene tou rikwei mpu je i?

MIKHA 1:5

Mun dini yok hagom micut igkep mben Israel drek dip sisar di ibon kikep kin ide naham nimbuk kep Allahti cem. Tou ribindei dino mben Israel ibon sisar i? Gima ne ide minu ndig pmem di Samaria rin bi e? Tou ribindei dino mben Yehuda ikuk yok bak kwar nya i? Gima ne ide minu ndig pmem di Yerusalem rin bi e?

MBEN ISRAEL IMBUT-MBUT NYEN 32:23

Noro ma jiyok ngon kep bipia gino jiyai bipek kep mun di jipreu ei pima bi lene jibon sisar tut tuhan ba, mijitug ndei hukum drek dip.

NINDAT KEP TUHAN NICUKTI NYA 32:10

Noni tau kep yok tirigi imbut-mbut nyen ei iggum ndigsi di kinei bibor ba, hou nindig bibor kui yokti ei sirima. Lene Noni ya srak ko hagau yok binyohou yok nok Nide limwa nya.

NINDAT KEP TUHAN NICUKTI NYA 32:19

Tirigi tuhan ngat gini hagom tu lene ningon sibui sut yok leu api ba ningha bak imunggwom bat nya.