YEREMIA 19:2 - ALLAH NIHYET MEM TUNGWATU NYA

² dibie tut yok kak Dimbou Pmem Den Sra ug ei Mbang Briep Hinom. Noni pai bida bipia ditri tut nihyet di Noni pai bida.

YEREMIA 19:2 ပူးပေါင်းရင်းမြစ်များ

NIBOU NDIG NYA GI NICAN 23:10

Noni bindei ba, map kui Tofet ei Mbang Briep Hinom di nok mpia di mem ibon midut bak kwar Molokh eisi ser nhyepo hi ndig nimunggwom kep hum eisi bak kwar dima bu bi.

NIBOHON MBEN ISRAEL GI NICAN 28:3

bindig biei nggrai di ui-gwang kei ei Mbang Briep Hinom cem. Noni bui nonti nipmot bindig ei nimbar hum dokti ba, bikuk no bak kwar nya. Bon nok gima ba, bibit leu yo po tuhan jji yok leu minu Kanaan pima ibon kepti di kinei bibor nya. tuhan jji yok mpe di po mben Israel icoi bikieng kep minu Kanaan.

NIBOHON MBEN ISRAEL GI NICAN 33:6

Noni bui munggwom nide nya bikes bak kwar nya ei Mbang Briep Hinom dem kep nok mun di ibui bindig titut ei nimbar hum dokti ba, brim ningkek mem nung nya igyai kepti nya kin nipui mun tut nibirop hanyenti tug hon ham mpia-bbed him ba, bikan huk mun di ingat bou igyai him bi nya binggok tut ninnei di sibut nya leu binhyepo indo bindo binoni cem. Manasye bindei ba, tuhan gga bibor tug hon nide sisar nindig bibor di noni bibon tut tuhan.

YEREMIA 1:7

Noro tuhan buhup “Ma apai sut nanti bipia amahan bigyo nok au. Gino dipinak na ndam tungwatu nya lene ma ambut hak ug ba, atri tut nihyet di disok ei nani dip hagom biyok.

YEREMIA 11:6

Leu api tuhan pai bida “Aug ei minu ndig ngot di jo ei minu Yehuda. Aug ei simpak bou ngot di jo minu ndig Yerusalem ba, atri tut dihyet di disok ei na dip dini bak yo di ingat rin ei sirima. Asok kep yok bipia suar ingig itingou mem dihyet bibit Ditde gi preu pima nidimigsi di suar yahati tut nya hagom.

YEREMIA 18:2

“Aug ngat noop kep igtuyap cig ei nide ig leu api midipai sut dingon kanti bina ei sirima.”

YEREMIA 26:2

tuhan pai bida “Ma aug ya ei ninsi di jo bas hak ei tuhan De Ig leu api atri tut dicuk nati nya hagom bak tungwatu nya di ikwei leu minu mien nya ei minu Yehuda di ikwei kuk yok biDa. Ma akos dicuk nati dima poi mien cem leu au.

YEREMIA 3:12

tuhan cuk da ba, suar duug pai bak mben Israel “Je di mben Israel di jingon gom tut Da bi e, ma jingkwei hanyen ndam Da. Dingondut je nindig bibor ba, midigga je kikau bi.

YEREMIA 32:35

Ba, iwin nimbar hum dok nya mem ibikuk yok bak Baal ei Mbang Briep Hinom bibui munggwom di ide nya bindig ei nimbar hum dokti dima yok ba, ibikuk yok bak Kwar Molokh. Digicuk yok mem gima ibon sisar di kinei bibor dima ba, ibindei dino ide limwa di mben Yehuda nya cem ibon sisar dima bi sren. Dikan-kan nyenti di nok gima hi jo dibou ngwakti bi sren.”

YEREMIA 7:2

buug biya kui dimbou pmem ei tuhan De Ig lene tri tut biyok “Je di timiei minu Yehuda di jicoi ug jicoi kwei nyen ei dimbou pmem dini bijikuk je bak tuhan e, ma jingig jitingou mem tuhan nihyet.

YUNUS 3:2

bipai binoni “Akiju ba, aug ei minu ndig Niniwe lene ma aba acot pai bak timiei nya tut mun di dicuk na tut nya hagom.”

MATIUS 10:27

Mun di dimbot kep bije ei nidinditi lene ma jitri tut hanyen brei bak tungwatu nya. Ba, mun di tibim nyahan ei jitingou nsi lene ma jitri tut hanyen ei simpak nahau yamti!

KISAH 20:27

Lewo dingon tak kep Allah nihyet tut ningon kanti gom leu je bi sren.

KISAH 5:20

“Ma juug coi ei Tuhan De Ig hanyen bijitri tut puig di bie ndam niyaijo nijep bak tungwatu nya di ingat rin ei mpia dima.”

YOSUA 15:8

Lene minu niya kwas yamti dima mbut kak Mbang Briep Hinom ba, sir mbigdip gom nibiho di birok kik mben Yebus ide minu ndig di Yerusalem. Lene jo leu sirima ndam mbigdip dima ninggram him ei Mbang Briep Hinom nite bei mpia nicutti hammi Mbang Briep Refaim nohon keti bei mpia nijjai.