YEREMIA 18:12 - ALLAH NIHYET MEM TUNGWATU NYA

¹² Noro yo dima mibuhup ‘Nittin ser sisar mem mindei i? Minibit nyenti ningon kanti kikau! Bikwop nahagom ningkek ndok ba, niyai kep mun di mbuk bibor bit leu nyenti ningon kanti!’ ”

YEREMIA 18:12 ပူးပေါင်းရင်းမြစ်များ

YEREMIA 2:25

Je di mben Israel e, ma juhuk bram kwar nya ba, jahara yok au. Leu mbigom ne jimig bok ba, jinnei di sor mibindei ba, jikibou dut. Noro jibuhup ‘E bi! Bit bon nikes kwar nya ei kan bi. Ningat ningwes ei yokti ba, niba noho rok yok kikau.’ ”

NINDAT KEP TUHAN NICUKTI NYA 29:19

Gino tungwa hi leu jikieti miap tut tuhan nicukti di buhun bibor dima lene ma kan bipia mbro nok gino rom no kep nonti ningon kanti lo, mun di pek kep mem niyaijoti nya hagom mimbut nok gi kei mem noni. Noni mikan nok gima au. Mun dima mibindei sar jeni bitut yo di ingon rom kin yo di ingon sren cem jahagom.

YEREMIA 16:12

Noro tut jeni ne jibon munti kinei bibor bidor njiriek yok. Jingkek ndok ba, jibit jingon kanti di kinei bibor. Jigibit dihyet bi.

YEREMIA 7:24

Noro ibit dihyet bi ba, ingkek ndok. Ibit leu yonti ingon kanti lewo ingon ndok bibor ba, imbuk bibor cem ba, niyai munti di kei bibor hi ntun yoni him bi noro igyai munti di mbuk bibor kum eisi bu.

YESAYA 57:10

Jimuhup sar drek dip gi jinggok tut kwar di jikuk je bak nya lo, jingon gingkwei leu bi. Jikan bipia kwar dima yok ibindei sindem je ser nhyepo jinghuisi wei bi.

LUKAS 1:51

Noni ba ninda di sindem bidri yo di ingon jei nya bintek gimahap ningwig ba, binggek tut ide nikos tutti nya hagom cem.

YEREMIA 3:17

Mpe dima lene tungwatu nya mindat minu ndig Yerusalem ninyeng ‘tuhan De Banggo Mbrei.’ Ngkiai nya yahagom minduk yam ei minu ndig dima mem gima ikuk yok biDa. Yoni mibit yonti ingon kanti di mbum ba, kinei dima bu bi.

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

YEHEZKIEL 37:11

Allah pai bida “Na di tungwatu di ayaijo kikau bi e, mben Israel noyam kin nimai njum dini. Yoni ilua sok tut yonti bipai bipia inok nimai ngak-cai cem ingon cut leu su cem njap nituti hi mem yok bu bi cem.

YEREMIA 44:17

Miniyai mun nyeng bit leu nyenti ningon kanti. Minibon midut nindig mindhe ei humti ba, nibikuk nye bak Nibou Ndig Sop Gwamti bijo kikau. Nikiber ba anggur ngei nok mun di nibikuk nye bak kwar dima noyam kin gi po nidigup bat-nidigai bat nya kin nyende nibou ndig nya kin nyende nibou di inyeng jei nya ibon bidem minu ndig ngot di jo ei minu Yehuda kin gi ibon bidem puig di mbut ei minu ndig Yerusalem tu pima. Mpe dima njita dem mem nye ba, nibong kei nigwam kei lene mun di buhun cut igkep nye cem bi.

YEREMIA 23:17

Itri tut bak yo di ikou sut dihyet bipai ‘Dwai! Mijibong kei jigwam kei.’ Lene itri tut bak bikwop no di ningkek ndok bipai ‘Dwai! Mun di buhun bibor micut igkep na bi sren.’ ”

YEREMIA 11:8

Disok kep yok leu binhyepo ibit gi preu dima. Noro igimiap kep ba, igibit kep dihyet bi. Noro ingkek ndok bijo kikau ba, isibutti jo kikau noyam kin gi nipou nya. Gima rino dikes hukum hagom di jo ei gi preu dimati ei yoni dip ug a.”

NIBOU NDIG NYA GI NICAN 6:33

Nipou tirigi Elisa kes nihyet bigyo lene nibou ndig dima kwei krau bipai “tuhan bindei ba, mun di buhun bibor dini cut igkep nye! Nggon rino dibet dingon mem gima Noni yai nibou bingondut nye i?”

NITRITI 6:5

Tirigi tuhan ngat lo, tungwatu dihyeisi dini yahagom imbuk bibor ba, ingon kanti titut yam kinei bibor kikau lene,

MALEAKHI 3:14

Ba, jipai bu ‘Gino ninok awak mem Allah ne gima bon ninyeng bi. Nna ug. Gino nibit nihyet ne nibipek mindei i? Gino nibon midut ningon di ngguk tut niyai munti nya ne nibipek mindei i?

YESAYA 65:2

Ditin ei mem diya um Ditde limwa nya bikwop mmun-njap noro yaham imbuk kep Da ba, ita ibou ei ide mun di mbuk bibor nyati bingkek ndok cem.

YEREMIA 6:17

Lene tuhan ta yo di igya ser nya mbirimang mem gima iwin kep Nide limwa nya ingonti leu binhyepo imiap pun mbrei di tibim di bitto yok. Noro Nide limwa nya ibuhup “Ningig nitingou mem bi.”