YEREMIA 17:8 - ALLAH NIHYET MEM TUNGWATU NYA

⁸ Noni dem kep nok biei ndig di hei simin minyei pmem di biam ba, nigau huk kikau ug bipek kin minyei ngeisi. Noni ttin tut ngei-ndung bi. Nimeng ngun-ngau bijo kikau. Mbro nok gino ngei-ndung tot nide minu bibindei ba, hagom mui bingwig lo, ningon giku no tut bi lewo ngat ningat bijo kikau.

YEREMIA 17:8 ပူးပေါင်းရင်းမြစ်များ

AYUB 29:19

Dinok biei di com nigau ug ei minyei nibiamti ba, nggou kui nindati bindot cem.

AYUB 8:16

Nisibut Tut Yok Cig nya idem kep nok mintu-minta di mpia com ndei lene hei ba, nimeng nggrou leu api ninggrupti dwim bidem miaisi dima hagom.

MAZMUR 1:3

No dima ne ningat di kei ntun nide midyai nya hagom him noyam kin biei di hei ei minyei ntig dip ba, ngat ningat di kei bidem nijam hagom. Nimeng cem nggrou kei lene ngoi hanyen bi sren.

NIPINGOK NINGONTI 11:28

No di ba ningon com mun di nyeng tut nya micut nok biei nimeng nimui di dimbos. Noro no di ningon sren mibong kei migwam kei noyam kin biei meng di nnum kei.

YESAYA 58:11

Midibie tut je bidibindei ba, jingon llei bibor tirigi jingat rin ei iggum ndigsi. Midinyohou je leu binhyepo jinghuisi kwes bijiyai nisindemti. Mijinok beisi di minyei dem ba, ngat ningat di kei kin minyei bousi di pingge hanyen bi sren.

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

YEREMIA 39:18

igyai nimai bina bi. Miditeu nani ba, angwes ngun leu inda nsi. Angwes ngun bitut ayaisi cem lewo aba angon com Da. Da di tuhan disimbot dat tu.”

YEHEZKIEL 31:3

Adem kep buom minu Libanon di nddong kei bimpung tut ninda di tti tut nimeng di nggrou kei ba, kei bibor kei cem. Ninjem sren kei ba, ninggrupti di sren kei dima kui sur bumbuhui nijunti.

YEHEZKIEL 47:12

Bikwop biei nyeng di ngat ningat nya hagom hei ei mam bei cin di ug ninno dima. Biei dima nimeng mimbriong bi sren. Ningat nya mintun him bijo ninno bijo kikau. Ningat di nijep mintun biei dima him bikwop bed tug hon minyei di yai ningei bak bibiam kwei leu tuhan De Ig a. Ningat nya nok njita mem tungwatu nya ba, indung nimeng binok obat.”