YEREMIA 17:5 - ALLAH NIHYET MEM TUNGWATU NYA

⁵ tuhan pai “Disigion no di kes Da di nide tuhan ei leu ba, ba ningon com tungwatu di mipror yon nya kin yonti ide nisindemti nya.

YEREMIA 17:5 ပူးပေါင်းရင်းမြစ်များ

NIBOHON MBEN ISRAEL GI NICAN 16:12

Asa ninyeng tak kep kikau mem ari bingwam ningot ningai ba, muhwindatai lene bicut ei ninggwen di buhun biborti di hwen nimig cin hacem. Mbro nok gima lo, gikiek no hanyen ndam tuhan di mimpu no tut ninggwenti dima bi. Noro ba ningon com yo di inda kan nya leu binhyepo impu noni.

NIBOHON MBEN ISRAEL GI NICAN 32:8

Nisindemti di ningat rin bit noni ne tungwatu nya he. Noro nisindemti di ningat rin bit nyeni ne tuhan Allah rin ba, Noni mimpu nyeni bikon pran bit nibou ndig mben Asyur kin nide tentara nya gau nye.” Tirigi limwa nya imiap ide nibou ndig nihyet dima lene itug ndei mimbri di kui ingkek noyam.

MAZMUR 18:21

tuhan singat tut da lewo dibon mun di igbit. Noni kwas mun di kei cem tut da lewo diyai mun tunggwei bi.

MAZMUR 62:9

Ditde limwa jen e, ma jiba jingon com Allah bikwop mmun-njap hagom. Ma jipai jit mun di jo jingon bei hagom brei biNoni. Lewo Noni ne mpia di igya coi dima ingwes ngun ri.

YESAYA 2:22

Gima rino ma jiba jingon com tungwatu di misar nya au. Lewo tungwatu idem kep nok mun di bon ninyeng bi.

YESAYA 20:5

Yo di iba ingon com mben Sudan ba, inggei sut mben Mesir cem ne minso ba, ide niba ningon com yo dimati mitimek hak.

YESAYA 36:6

Ningat ne jiba jingon com tentara Mesir di mikwei mpu je lo, ide nisindemti dem kep no di ba bika bitom no pimo. Tom dima midahat bidat jinda bia bei ri. Nok gima tut yo di iba ingon com nibou ndig Mesir di mahati tut yok yahagom.’ ”

YESAYA 59:15

Yo di ingon sren nya hi bu bi. Lene no di om no leu niyai munti di kinei nya wer nimbiam drek dip mun di kinei dima sindam.” tuhan ngat tu. Ningon buhun drek dip gi ningon srenti hi jo bu bi.

YEREMIA 11:3

Da di tuhan Allah disigion yo di yahagom di ibit Ditde gi preu dima nidimigsi bi nya.

YEHEZKIEL 6:9

ibong ei ingkiaisi. Tirigi igwam ei ingkiaisi lene yoni migyok ngon kep Da bingon huk niti bipia dikes hukum ei yok dip ba, dibinim kep yok cem drek dip gi ingon gom tut Dani bi ba, iba inghim biDa lene iba kwar di ikuk yok bak nya biluei Da cem. Leu api ingon him wei sut yonti njem hanyen tut mun nyeng hagom di kinei bibor kin gi suwok bibor di ibon tu nya.

HOSEA 1:2

Mpe dino tuhan sok nihyet ei Hosea dip bak mben Israel ei nimbie him ne Noni pai “Ma aug ba, adimig sop di nikrar jut ba, awak noni nok atnem leu api amunggwom bat nya migyai bram ipmem niyai kepti nya. Lewo Ditde limwa nya ikes Da ei ba, inoyam kin sop dima drek dip ingon gom tut Da bisi ba, ikes Da ei su.”