YEREMIA 17:4 - ALLAH NIHYET MEM TUNGWATU NYA

⁴ Suar jikes jidihyei di diyai bije ei leu api dibindei ba, joom jenti nok awak mem jide siceu nya ei jingkiaisi di jingat bou jiyai him bigyo. Gima hagom nok lewo digga biborti dem kep hum di sror di bit bon hi mu kep kan bi.”

YEREMIA 17:4 ပူးပေါင်းရင်းမြစ်များ

NIBOU NDIG NYA GI NIGOM 9:7

lene midijji Ditde limwa nya leu ide minu di diyai biyok dini ba, midikes Ditde Ig di didimig ei mem tungwatu nya ikuk yok biDa eisi dini ei. Apino tungwatu dihyeisi dini hagom mporo ingwes moom kep mben Israel ba, mipa tut yok.

NIBOU NDIG NYA GI NICAN 25:21

minu ndig dima jo ei hanjop Hamat. Lene nibou ndig bindei ba, nide tentara nya ibui yahagom binem-nnai leu api igyai nimai biyok. Ide siceu nya ikat timiei Yehuda nya bibuwak yok leu itimieisi kikau ug ei ingkiaisi.

NEHEMIA 9:28

Tirigi ibong kei igwam kei hanyen tu lene ibon sisar sindam apino asindui sut yok ba, icut bak ide siceu nya hanyen bu. Noro ittin ser ide sisar dima ba, yahara Na ei gwamti leu binhyepo ateu yok bingwes ngun leu api angig atingou mem ighyet nyen-nyen ba, angondut yok cem leu api ateu yok bingwes ngun cem.

YESAYA 14:3

tuhan mikwek mben Israel leu ide ninggwenti nya kin niweisi di itug ndei kin midyai di buhun di siceu nya ibidip huk yok di igyai cem.

YESAYA 30:33

tuhan tin ei mpia di mem nindig hum eisi mem nibou ndig Asyur ningut habiei nipou yo tu. Mpia dima jut cem nyan cem ba, mpung tut biei nindig di kui sur mpia eisi tu. tuhan miba ninnei di miep dem kep aspal ngei di biam bipindei biei dima binjeng.

YESAYA 5:25

tuhan gga nide limwa nya bitin ei mem gima kes hukum ei yok dip. Nungug nya mporo ugwa-kwei. Nimbiam ngut mijo-jo wai bidem kep mumpiang di jo-jo wai ei puigsi nya. Mbro nok gima lo, tuhan gga yok bikes hukum ei yok dip kikau.

YESAYA 50:11

Je di jaham jimbuk kep nindigsi nya e, jingon kanti di jitin ei su mibindei sar jenti hanyen. tuhan Nonti ribindei di mun dima cut igkep je ba, mijitug ndei ninghuisi wei di buhun bibor.

YESAYA 66:24

Mpe di ikiju bingkwei hanyen ug ei ide ig lene mingat nimbiam di ikiek imig jou tut Da bou igyai him. Njingwoi di bipio ingut dima yok mimai ba, hi dima mu hum di yem yok kan bi. Gima ne mun di biyai yo di ikriau bicap kep nya yahagom igyai di ttin bibor ri.”

YEREMIA 12:7

tuhan pai “Dikes Ditde Ig ei su. Dikou sut mben Israel di didimig yok tu. Dikes Ditde limwa di dingon ngakei yok nya ei ide siceu indati tu.

YEREMIA 15:14

Midibindei ba, inok awak mem ide siceu nya ei ingkiaisi di ingat bou igyai him bigyo. Lewo Ditde nigga biborti noyam kin hum di cig-cai bijo ninno bijo kikau.”

YEREMIA 16:13

Gima rino midicok tut je leu minu dini bidicom je ug ei jingkiaisi di jeni kin jidigup bat-jidigai bat nya jingat bou jiyai him bigyo. Mijikuk je bak mbrei nya ide nung nya mem mmun-njap ei minu dima noro midingondut je bi.’ ”

YEREMIA 18:23

Noro tuhan e, akan bidem tut ide nuhum yam nsi mem gima igyai nimai bida. Ma akos ser igyai munti di kinei kin ide sisar au. Ma abui yok ba, anjei yok bibou icut ug e. Ma aba angon sibut biborti biyai yok.”

YEREMIA 2:14

“Mben Israel inok awak ba, intun awak nya him cem bi. Nggon rino ide siceu nya yuhuk yok noyam kin yuhuk mindhe i?

YEREMIA 21:12

tuhan pai “Je di jintun Daud him e, ma jiyai jibou tut gi jiba ningon srenti bikos tut munhyet bikwop njap-njap. Jikwek no di yo di isibut nya ikes nibittemti nindig bibor ei ninghat dip dima leu inda nsi. Gi bi ne jiyai munti dima mibindei ba, Ditde nigga biborti cig-cai noyam kin hum di bit bon hi mu kan bi.”

YEREMIA 22:28

Da di Yeremia dipai “Nibou Ndig Yoyakhin dem kep nok dibijig di kimbo di icom ba, ikou sut tu e? Tug hon nisinati dima icom noni kin nimunggwom bat nya ug ei ingkiaisi di ingat bou igyai him bigyo e?”

YEREMIA 5:19

Yeremia e, gino ihig ser na tut nggon rino diba mun dima yok hagom bihwen yok i? Lene ma apai biyok bipia diba mun dima yok bihwen yok drek dip gi ikou sut Da ei ide minu bikes Da ei leu api yoom yok binok awak mem ngkiai nya ide kwar nya. Gima rino yoni minok awak mem ngkiai nya ei ingkiaisi.”

YEREMIA 5:29

Noro Da di tuhan midikes hukum ei yok dip drek dip mun dima yok hagom. Midibuhup mben dini ide niyai munti nya hagom.

YEREMIA 7:20

Gima rino Da di tuhan Di Dinyeng Jei Bibor midisiber Ditde nigga biborti ug ei Ditde Ig dini kin tungwatu nya kin mindhe-ndhe nya kin biei ninjem nya kin njita beisi hagom dip. Ditde nigga biborti nok hum di cig-cai leu api bit bon hi mu kan bi.”

NIBWOS-BWOS NYENTI 1:12

“Je di jikriau da kak puigsi nya e, jingat bijiyok ngon kep da o! Hi dima yai niwei-nidut nindig bibor di ditug ndei nogindini bi! tuhan kes ninghuisi wei dini ei da dip drek dip nigga biborti o!

NIBWOS-BWOS NYENTI 5:2

Nyende ndigban ninda rom cut ug ei yo di hiter indati ba, ngkiai nya ibong ser nyende ig nya cem o!

YEHEZKIEL 21:31

Midikes Ditde niggati di cig-cai ei je dip lene midikes je ei nibindei sar mun cig nya indati.

YEHEZKIEL 7:24

Midinduk ngkiai nya di isibut bibor nya kwei ba, ibong bidem jide ig hagom. Tirigi disindui sut ba, yo dima ibindei timek jide mpia di jikuk je bak Allah eisi nya lene jide pinai di mimbri kui ingkek nya migwam nidigitti drek dip.

NINDAT KEP TUHAN NICUKTI NYA 28:25

Gino jibit jide tuhan Allah nicuk jeti nya bi lene Noni mibindei ba, jide siceu nya ibindei timek jeni. Mijibrim jimig sindem bibor ug ndam yok leu binhyepo jicut igkep yok noro mijinang sinsiou leu yoho bei. Tungwatu dihyeisi dini hagom di ingat mun di buhun di cut igkep je dima midigit tut.