YEREMIA 17:2 - ALLAH NIHYET MEM TUNGWATU NYA

² Limwa jide nya ikuk yok bak nimbar hum dok kin cou dihim nya di itas mem gima ibikuk yok bak Kwar Sop Asyera cem. Mun dima jo bidem biei di nimeng nggrou nibehei hagom kin mbigdip ninggram him hagom,

YEREMIA 17:2 ပူးပေါင်းရင်းမြစ်များ

NIBOHON MBEN ISRAEL GI NICAN 24:18

Gima bindei ba, limwa nya idem yam ei idigup bat-idigai bat nya ide tuhan Allah De Ig ba, ikuk yok bak Noni eisi bu bi. Noro ikuk yok bak kwar nitu nya kin kwar Nisop Asyera. Ide sisar dima bindei ba, tuhan gga timiei Yehuda kin timiei minu ndig Yerusalem nya.

NIBOHON MBEN ISRAEL GI NICAN 33:19

Manasye de nadi di ngat bak Allah bitut Allah nibuhup hanyenti bak kin nipai jit nide sisar di bon nya nipou tirigi ttin ser sisar di bon bigyo nya kin mpia di mem nikuk no bak kwar eisi di nonti ngot nya kin kwar ngot di nonti tas ei mem kwar Sop Asyera nya kin kwar nindigsi di kuk no bak nya cem nipas kepti hagom jo ei srat Nibohon Nabi Nyati.

NIBOHON MBEN ISRAEL GI NICAN 33:3

Noni win mpia di tungwatu nya ikuk yok bak kwar eisi nya po nicig Hizkia cok tut tu pima biwin hanyen ba, win nimbar hum dok nya cem mem gima tungwatu nya ikuk yok bak Baal eisi. Noni bibon kwar Sop Asyera nya bikuk no bak ham mpia-bbed him nya cem.

MAZMUR 78:58

Isrep huk Allah tug hon ide mpia di iwin mem ibikuk yok bak kwar nya. Ibindei ba, ningwak mbriu sut yok tug hon ide kwar di ikuk yok bak nya.

NEHEI LEUSI 34:13

Noro suar jinggek ide kwar di ikuk yok bak nya ba, jitam binnir-wap ba, jinggek ide cou tig di ipigig sut ei mem ide kwar di ikuk yok bak nya cem. Lene ma jiwim ide biei di ipigig sut ei mem kwar nisop di ninyeng Asyera cem.

YESAYA 1:29

Yoni mimmai sut yonti tut gi ikuk yok bak biei ndig nya bipigig sut ide miai nittou nsi nya hi ei mem kwar nya cem.

YESAYA 17:8

Yoni miba ingon com mun di ibon bou inda him di nok nimbar hum dok di indig mun di ui-gwang kei eisi nya kin Kwar Sop Asyera nya cem bu bi.

YEREMIA 2:20

tuhan Di Ninyeng Jei Bibor pai “Je di mben Israel e, jikou sut gi jinok Ditde limwa nya. Jibit dihyet bijikuk je biDa cem bi ninno tu. Noro jikuk je bak kwar di ninyeng kwar Ningat Ntun Himti bidem mbigdip nya kin biei ndig di nggrou kei nibehei nya hagom.

YEREMIA 3:23

Gi ninduk yam ug ei nungug dip nya binikuk nye bak kwar nya ne mikui-kausi he. Nyende tuhan Allah Nongkom mimpu nye di mben Israel.

YEREMIA 3:6

Mpe di Nibou Ndig Yosia ninyeng tak kep limwa nya lene tuhan pai bida “Angat mun di mben Israel di inok sop di ningon gom bi dima ibon tu e? Ikes Dani ei leu ba, icut ei sisar nicut tut yamti bikwop mbigdip di anai kin bikwop biei ndig di nimeng nggrou nibehei cem hagom.

YEREMIA 7:18

Munggwom nya irop biei ba, pinai nya ibindig hum. Leu api sop nya ibon tepun nok roti mem ide kwar di ikuk yok bak di ijem ninyeng bipia Nibou Ndig Sop Gwamti. Lene ibon midut nisiber ba anggur ningei bak nung nindigsi nya cem leu binhyepo ibindei ba, dingon buhun.

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

NINDAT KEP TUHAN NICUKTI NYA 12:2

Tirigi jikieng kep minu jep dima lene suar jicok tut mpia ttou nsi di ngkiai dima yok ikuk yok bak ide nung nya eisi bitut gi hi di jo ei mbigdip nya kin nungug tou nya kin biei di nimeng nggrou ninghousi hagom.

NIJAM NIKEI NYA 3:7

Jei bi lene mben Israel ibon sisar tut ide tuhan Allah. Ibbwe ser Noni apino ikuk yok bak kwar di inyeng Baal kin Asyera.