YEREMIA 17:18 - ALLAH NIHYET MEM TUNGWATU NYA

¹⁸ Handei kon ba, ayai nimmai bak yo di yuhuk-huk nyen da bico kep da. Abindei ba, ingon ttin bibor. Noro tuhan e, ma ayai nok gima tut dani au. Akes mun di buhun bibor ei yok dip bibou isar bingwig hak ug e.

YEREMIA 17:18 ပူးပေါင်းရင်းမြစ်များ

MAZMUR 35:4

Handei kon ba, hi bindei timek yo di ijoi sut igyai nimai bida leu binhyepo immai sut yonti hak ug. Handei kon ba, yo di igyok ingon gom mem gima ihwen bit da isu jou kep inghim dip ba, ingon tai-tai bou cem.

YEREMIA 20:11

Noro Na di tuhan asindem bibor ba, atti kin da tu. Yo di ihwen bit da micut lewo isindem bi. Leu api immai sut yonti kikau lewo ingon kanti dima cut igkep da bi. Yo di hiter mingon prion ser ide nimmai sut yontiti bi sren.

YEREMIA 11:20

Leu api dingat nadi bidipai “tuhan Di Sindem Bibor e, Nani ne nikei di ningon gom ri. Nani rino abingon tungwatu nya ikan-kan nyenti kin tungwatu ingonti. Dikes munhyet dini bak Nani. Nnaba abindei ba, dingat Ade nibuhup biyokti drek dip ide nibon munti dima yok bou diyai him.”

MAZMUR 40:14

tuhan e, abipbur ba, ateu da ba, ampu da cem!

MAZMUR 35:8

Handei kon ba, itug ndei nisar ningwig krosti ba, ibiam ide bon leu api icut bisar hak ug.

NINGAT-HI-NGAT NYA 18:6

Ma jibibon noni bit leu nok noni bibon je ba, jibirop binoni hanyen mbican bram yam tut niyai munti nya hagom. Ma juhug ningei di mpo-mpam ei nide mokti ba, nimpo-mpamti dor tunggwei ningei di noni hug ei jide mokti.

YEREMIA 17:16

Noro tuhan e, dibidip huk Na tut gima akes hukum kwei ei yok dip bi sren yo. Dijoi sut gima itug ndei mun di buhun bibor cem bi. tuhan e, akan tut gini ba, akan tut mun di tibim ei duhui him.

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

MAZMUR 71:1

tuhan e, digwam coi anda nsi. Ma asindui sut ba, nimmai kui dati au.

MAZMUR 70:2

Allah e, ateu da bidingwes ngun. tuhan e, abipbur ba, ampu da.

AYUB 16:14

Noni cut igkep da bihwen da noyam kin nihwen kep mun cig di bindei ba, dibok-ba nyen.

YEREMIA 14:17

tuhan cuk da ba, ditri tut dingon di buhun bibor bak Nide limwa nya. Suar dipai biyok, “Nna ba diyai nggwei kibor ug hon nohonti bidikes hon kan bi lewo ditde limwa nya ibok-ba ba, inghuisi wei nindig bibor.

YEREMIA 1:17

Yeremia e, ma atin ei! Aug ngat yok ba, atri tut dicuk nati nya hagom biyok. Ma attin tut yok au. Leu binhyepo dibindei ba, attin yok nindig bibor bu tirigi aya ei yoho bei bi.

YEREMIA 12:3

Noro tuhan e, akan tut dani. Angat diyai munti nya ba, akan tut bipia dingon gom tut Na. Ma akri yo di isibut dima yok bit leu nok domba di ijem ug ei mpia di ibui nok mikwau kikep eisi. Aya ser yok kikau ug bipek njap ngon bou dima ibui yok dem ug e.

YEREMIA 17:13

tuhan e, Ade limwa di mben Israel iba ingon com Nani. Yo di iba inghim bak Nani yahagom migwam nimmaiti. Hi mingat yok ei dihyeisi dini bu bi lewo yuug ei minu nimai nya ide leu su. tuhan e, Nani ne minyei niyaijo nibousi di yo dima ikes ei su ri.

YEREMIA 17:19

tuhan pai bida “Yeremia e, aug ei Dimbou Pmem Limwa Nya di nibou ndig minu Yehuda nya icoi-coi nyen kak nuhui ei minu ndig dini ba, aug ei dimbou pmem gi nindigsi nya hagom nuhui ei minu ndig Yerusalem cem.

NINDAT KEP TUHAN NICUKTI NYA 33:11

tuhan e, ampu keret dini leu binhyepo igyai nisindemti leu api ajoi sut ide midyai nya. Lene ma abindei ba, ide siceu nya yahagom imai bingwig leu api ikiju hanyen bi.”