YEREMIA 17:14 - ALLAH NIHYET MEM TUNGWATU NYA

¹⁴ tuhan e, ma angget da leu binhyepo dikei hanyen. Ateu da bidingwes ngun. Dikon Nangkom he anyeng bijo nai!

YEREMIA 17:14 ပူးပေါင်းရင်းမြစ်များ

MAZMUR 6:2

tuhan e, ma aba Ade niggati bittem da lene bikes hukum ei da dip cem au.

NINDAT KEP TUHAN NICUKTI NYA 32:39

Jingat i! Dani ne Allah Di Nijit ri. Allah hiter hi bi lewo Dangkom ngat he rino Allah. Dihwen tungwatu nya ba, imai. Diwin nimai hanyen bidibindei ba, tungwatu nya ibok leu api ibokti dima jut hanyen ba, bit bon hi bigen ser diyai munti nya kan bi.

MAZMUR 106:47

Nyende tuhan Allah e, ateu nye biningwes ngun. Anduk nye kwei leu ngkiai nya ikieti leu binhyepo nipai sigyo ba, nikon anyeng di kwes-kwau cem.

LUKAS 4:18

“Allah Ninnei ningat rin bit Da lewo Noni ta Da leu binhyepo ditri tut Nihyet Di Kei bak yo di yuhui mbum nya. Noni cuk Da kwei leu binhyepo dibon nituti mem yo di isima nya bigyati kwes hanyen kin yo di igyai tu nya bigyai da hanyen kin awak nya bingwes ngun leu yo di imbuk nya cem ba,

NINDAT KEP TUHAN NICUKTI NYA 10:21

Ma jinggei sut Noni lewo Noni ne tuhan di nok jide Allah ri. Noni bibon mun di mindur nindig bibor kin mun di bindei ba, jinga leu Noni tut mem je bou jiyai him tu.

MAZMUR 109:1

Doia Daud mem no di bie tut doia nimpung. Allah di dikon-kon nyen anyeng e, ma agwam ba, ammou hak au.

MAZMUR 6:4

tuhan e, dingon tai-tai bou. Akes da ei bipek apig bu i?

YEREMIA 15:20

Midibindei ba, anok ngug ngkimom-tembaga bou yo dima igyai him. Mbro nok gino ihwen bit na lo, ibindei timek na kan bi. Lewo midingat rin bit na leu binhyepo diya srak ko hagau na. Miditeu na ba, angwes ngun.

MATIUS 14:30

Noro tirigi noni ngat hou di nimig ten bibor ei minyei ngwa dip rino ningon ttin. Apino minyei ngwa sindi krup tut bisar minyei noro noni hara “Tuhan e, ateu da o!”

YEREMIA 31:18

Dimiap Ditde limwa mben Israel tirigi iba ingon di buhun hara Da ‘tuhan e, nyeni ninoyam kin mindhe di hi pijuk bigyo noro apingok nyeni ningonti ba, nibit ahyet tu. Nogindini nitin ei mem ningkwei hanyen ndam Na. Gima rino nyende tuhan Allah e, ma aya um nye.

YESAYA 6:10

Noni pai bida “Ma abindei ba, yo dini ingkek ndok cem idat kep itingou cem imut igyai cem ser nhyema iba igyai ngat mungkun cem iba itingou miap mungkun cem iba ingon bisrip huk cem leu api ingkwei hanyen ndam Da bidibindei ba, ikei hanyen cem au.”

MATIUS 8:25

Leu api yo di ibit Yesus yuug win Noni ba, yahara “Andigpoi e, ampu nye leu isar minyei ug ri!”

MAZMUR 148:14

Noni ribindei dino Nide limwa nya inok mben di isindem bibor leu binhyepo Nide limwa di ningon kieti nya minggei sut Noni. Jikwei ba, inggei sut tuhan!

MAZMUR 60:5

Asindui sut Ade limwa nya ba, icut ei ninghuisi wei di buhun biborti. Nibou ngwak sibui-sibui nyen nok no di dut pes di pu no pimo.

MAZMUR 12:4

tuhan e, akimut anda kep yo di iba ighyet di mmau biti mun. Idem kep yo di insi bbed-bau di ipai,

MBEN ISRAEL IMBUT-MBUT NYEN 12:13

Gima rino Musa hara bak tuhan “Allah e, dahara bipia ma ayai ningkek ngun eisi hanyen binoni!”

MAZMUR 54:1

Doia nibingginau di Daud pai ei mem no di bie tut doia nimpung. Ipai doia dini ba, ibibit nggong mbrei nibimbiti.

YEREMIA 3:23

Gi ninduk yam ug ei nungug dip nya binikuk nye bak kwar nya ne mikui-kausi he. Nyende tuhan Allah Nongkom mimpu nye di mben Israel.

YEREMIA 30:17

Mbro nok gino jide siceu nya isimbot dat ‘tuhan com mben Sion tu leu api hi dima nyohou yok bu bi.’ ‘Lo, midibindei ba, jinghuisi kwes bidiba obat bidip jibokti nya hanyen.’ ”

YEREMIA 33:6

Noro ei nidipti bu lene dibindei minu ndig dini kin timiei nya bikei hanyen nok gi nipou pima bu. Yoni migyai nisindemti hanyen bu. Midibindei ba, nibong kei nigwam keisi kin ningon jo nyahanti kieng kep idihyei hanyen.

MAZMUR 6:3

tuhan e, angondut dani lewo nisindemti ngwig leu da tu. Ayai nisindemti bida lewo dinghuisi jet-jop.

MAZMUR 119:94

Dijem diceu bit Na. Gima rino ma ateu da bidingwes ngun. Dibingon mem gima dibit Ade nikos tutti nya tu.