YEREMIA 17:13 - ALLAH NIHYET MEM TUNGWATU NYA

¹³ tuhan e, Ade limwa di mben Israel iba ingon com Nani. Yo di iba inghim bak Nani yahagom migwam nimmaiti. Hi mingat yok ei dihyeisi dini bu bi lewo yuug ei minu nimai nya ide leu su. tuhan e, Nani ne minyei niyaijo nibousi di yo dima ikes ei su ri.

YEREMIA 17:13 ပူးပေါင်းရင်းမြစ်များ

NINGAT-HI-NGAT NYA 7:17

Lewo Domba Pmot di ya niyati ei banggo mbrei ninggimau minyohou yok nok gembala di bie tut yok ug ei minyei yaisi di bindei niyaijo. Allah midip tut igyai nggwei hagom bingwig leu igyai njep.”

NINGAT-HI-NGAT NYA 22:1

Malaikati dima ndo minyei di biyai niyaijo bida. Minyei dima pimbai kei dem kep kristal di biam kwei leu Allah kin Domba Pmot ide banggo mbrei,

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 4:10

Yesus buhup “Gino akan igbit tut mun di Allah yai bak tungwatu nya ba, angat igbit Da di dahara na tut minyei dini lene nanti ma ahara Da leu api duhug minyei niyaijo nijep hi bina ba, adut.”

NINGAT-HI-NGAT NYA 21:6

Noni pai bu “Hagom put tu! Dingat rin ei nimbie him kin ningwig honti. Dani ne Tuhan ei nimbie him kikau ug ei nohon keti ri. Midibindei ba, yo di inggobiau nya idem mem gima idut minyei leu minyei bousi di bindei bigyai niyaijo mikuisi.

YESAYA 1:28

Noro Noni micok tut yo di ibon sisar kin yo di ikiek imig jou tut Noni biyai nimai bak yo di ikes Noni bihigom ei yahagom.

LUKAS 10:20

Noro ma jiyai ningon di llei drek dip ninnei rom nya di ibit jihyet au. Gi kei rino jiyai ningon di llei sut gino Allah pas kep jinyeng ei gwamti.”

YEREMIA 14:8

Nye di mben Israel niyok ningon mem Nangkom. Nangkom rino ateu nye ba, ningwes ngun leu mun di buhun bibor. Nggon rino abon Nanti nok ngkiai ei nyende minu dini i? Nggon rino anok no di mbut binggi minu ba, kwei bong bit nye mem mmun gom ngat he i?

NINGAT-HI-NGAT NYA 20:15

No dima com yo dino inyeng jo ei Srat Yo Di Igyaijo Nyati bi nya ei muk humti.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

MAZMUR 73:27

Jo nibreisi bipia yo di ikes Na ei mitug midut. Mporo abindei sar yo di ingon gom tut Na bi nya.

YEREMIA 2:13

Lewo Ditde limwa nya ibon sisar ninyeng can tu. Mbro nok gino dinok minyei niyaijo nijep nibousi mem tungwatu nya lo, iba inghim biDa leu api ibon ide bak di ki ei dip di bit bon minyei ut eisi kan bi.”

YOEL 3:16

tuhan ba niyau-yau nyenti bikwei leu Nide mbigdip di Sion. Nihyet di tibim kwei leu minu ndig Yerusalem noyam kin kru di nisu bong bibindei ba, dihyeisi kin mpia-bbed him ugwa-kwei. Noro Noni miya hacan mem Nide limwa nya biya srak ko hagau mben Israel.

YEREMIA 2:17

Jenti jibindei ba, mun dini yok hagom cut igkep je. Jikes Da di tuhan di dinok jide Allah ei ba, jiba jinghim bak Dani tirigi dinyohou bie tut je kak jimbutti ei pui sinon.

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.

TIMOTIUS GI NIGOM 1:1

Srat dini leu da di Paulus ba, diyai dinyeng nok no di ya kui Yesus tug hon Allah di teu nye leu sisar biyai niyaijo nijep binye nicuk dati kin Kristus Yesus di iba ingon com nicuk dati.

KISAH 28:20

Gima rino disok dihyet bije leu binhyepo jikwei mbrap bit da. Lewo ningat ne yo dima iba lante dini biteu da drek dip No Di Teu Tungwatu Nya Biyai Niyaijo Nijep Biyok di nye di mben Israel yahagom itum ingon mem ninno tu.”

DANIEL 12:2

Imang bibor di imai nipou su nya igyai niyaijo hanyen bu ba, bihi itug ndei niyaijo kikau lo, hiter bu itug ndei nimmai sut yonti bijo ninno bijo kikau.

YEHEZKIEL 36:32

Je di mben Israel e, ma jiyok ngon kep bipia jenti rino jibindei di dibon mun dini yok hagom bi. Suar jimmai sut jenti ba, jiba jingon bisrip huk jenti nok nikinei-kinau nya drek dip jiyai munti nya. Da di tuhan Di Dinyeng Jei Bibor disimbot dat tu.’ ”

YEHEZKIEL 16:63

Midikos ser ade nitunggweisi nya hagom. Noro bit bon abbwe ser gima yok bi ba, ahap aji ba, apai jit ade nitunggweisi nya cem kan bi. Da di tuhan Di Dinyeng Jei Bibor disimbot dat tu.”

YEREMIA 17:17

Mpe dino mun di buhun bibor cut lene Nani ne mpia di dinang coi ri. Gima rino ma abon Nanti nok mun di biyai ningon di ttin bida au.

YEREMIA 17:5

tuhan pai “Disigion no di kes Da di nide tuhan ei leu ba, ba ningon com tungwatu di mipror yon nya kin yonti ide nisindemti nya.

NIPINGOK NINGONTI 14:14

Yo di isibut nya mibiang ide nisibutti nibuhunti noro yo di ingon kwes kei mitug ndei imuhup drek dip igyai munti di kei bibor.

NIPINGOK NINGONTI 10:7

Tungwatu nya mikan kep yo di ingon kwes kei nya ide nibon munti nya ba, ibbwe ser yok bi. Noro ibbwe ser no di sibut haninyai hak.

MAZMUR 97:7

Noni yai nimmai bak yo di ikuk yok bak kwar nya kin yo di illei ngwig sut mun di bon ninyeng bi nya yahagom. Kwar nya yahagom miba ibiau bicom mpia ei tuhan Noho bei bikuk yok bak.

MAZMUR 22:4

Gi nok lo, agwam ei anai nok Nibou Ndig Di Kwes-Kwau ei Ade banggo mbrei dip. Mben Israel ikon anyenga.

MAZMUR 71:5

Lewo diba dingon com Na di tuhan Nangkom he bidiba dingon com Nani habiei leu dipilei kwei tu.

YEREMIA 17:18

Handei kon ba, ayai nimmai bak yo di yuhuk-huk nyen da bico kep da. Abindei ba, ingon ttin bibor. Noro tuhan e, ma ayai nok gima tut dani au. Akes mun di buhun bibor ei yok dip bibou isar bingwig hak ug e.

YEREMIA 19:4

Dibibon je nok gini drek dip Ditde limwa nya di iba inghim bak Dani. Yoni ibindei ba, map kui mpia dini drek dip midut di ibon bak ngkiai nya ide kwar nya di yoni kin idigup bat-idigai bat nya kin nibou ndig minu Yehuda nya yahagom ingon dorti tut bi. Yoni yuhug yo di ingon ngun nya inggrom ba, ut ei mpia dini tu.

YEREMIA 50:7

Ba, yo di ittau kep yok yahagom ihwen yok ba, igyai ninghuisi wei biyok cem. Ide siceu di iba nitok biyok nya ipai ‘Nyeni itunggwei sut mun di ibon biyok nya bi lewo yoni ibon sisar tut tuhan. Idigup bat-idigai bat nya iba ingon com tuhan ba, ningat ne ma suar yoni cem iba ingon di gom bibit Allah kikau.’

YEHEZKIEL 13:9

Je di nabi di jisuglai sut mun di mipek kep ei nidipti kin ningat-hi-ngat di kwei leu jibou ngwakti di kwes bi cem e, midikes hukum ei je dip. Gino Ditde limwa nya di idem yam ei mem gima itri tut ide nikos tutti nya ne mijigwam bit yok bi. Mididip tut jinyeng leu daptar di mben Israel inyeng joti. Jingkwei hanyen ug ei jidihyei hanyen bi sren. Tug hon nisinati dima ne jikan tut bipia Dani ne tuhan Di Ninyeng Jei Bibor ri.

ZAKHARIA 9:12

Je di jisima ei jingkiaisi e, ma jingkwei hanyen kwei lewo No di jiyok jingon mem Nonaha. Ma jikwei gwam coi jitimieisi hanyen. Jimiap e, midinjei mun di kei bak jeni mbican bram yam drek dip ninghuisi wei di cut igkep je ei jingkiaisi.

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

MAZMUR 69:29

Ma adip tut inyeng leu Ade daptar di apas kep Ade limwa di igyaijo nya inyeng eisi hak ug. Ma inyeng tibim kin Ade limwa nya inyeng ei Ade daptarti au.