YEREMIA 17:12 - ALLAH NIHYET MEM TUNGWATU NYA

¹² Ide tuhan De Ig dem kep nibou ndig de banggo mbrei di dia-diau kei di iwin ei nungug dip di anai habiei nimbie him kwei su.

YEREMIA 17:12 ပူးပေါင်းရင်းမြစ်များ

MAZMUR 96:6

Nikei-kau-keisi kin ninyeng di jei biborti bikrop ttai Noni. Nide Ig mpung tut Nide nisindemti kin nidia-diau keisi.

YEHEZKIEL 43:7

“Na di tungwatu di ayaijo kikau bi e, gini ne Ditde banggo mbrei ri. Midibong ei sirini ei limwa Israel ikieti ba, dinyeng mitak kep yok bijo ninno bijo kikau. Yoni kin ide nibou ndig nya mibindei ba, map kui dinyeng kwesti tug hon kwar di ikuk yok bak ba, itig nibou ndig nya ei mpia dini bu bi.

YEREMIA 3:17

Mpe dima lene tungwatu nya mindat minu ndig Yerusalem ninyeng ‘tuhan De Banggo Mbrei.’ Ngkiai nya yahagom minduk yam ei minu ndig dima mem gima ikuk yok biDa. Yoni mibit yonti ingon kanti di mbum ba, kinei dima bu bi.

YEHEZKIEL 1:26

Lene dingat mun di iba tig permata nilam bibon nok banggo mbrei di jo anai niban dip ba, mun di nok tungwatu gwam dip.

YEREMIA 14:21

Ma ayok ngon kep Ade nipreu ei mem nyeti ba, angwes om nye cem au. Ma aluei angonti tut apreu ei mem nyeti au. Ma angwes pri gau minu ndig Yerusalem au lewo Ade banggo mbrei di kei-kau-kei jo ei minu ndig dini.

NINGAT-HI-NGAT NYA 3:21

Midisindui sut yo di ibindei cut sisar nisindemti bigwam kui Da ei Ditde banggo mbrei bit leu nok Dani cem dibindei cut sisar nisindemti ba, nogindini digwam kui Dicig ei Nide banggo mbrei.

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

IBRANI 4:16

Gima rino ma ibrim ingkek kep Allah ei Nide banggo mbrei lewo Noni singat tut nye. Noni ngondut nye bisingat tut nye cem leu binhyepo itug ndei nimpu nye dem igbit nikwesti.

YESAYA 6:1

Ari bingwam di Nibou Ndig Uzia mai eisi ne dingat-hi-ngat bidingat tuhan. Noni gwam ei Nide banggo mbrei di jo nai ba, kei-kau-kei. Nide sinsun ninda jei nggai kep tuhan De Ig ninsi titut yam.

MATIUS 25:31

“Tirigi Munggwom Tungwatu Nipmot mikwei hanyen nok Nibou Ndig bitut malaikat nya yahagom cem lene Noni migwam ei Nide banggo mbrei di kei-kau-keiti.

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

MAZMUR 103:19

tuhan ta nide banggo mbrei ei gwamti. Ninyeng tak kep mun nyeng hagom.