YEREMIA 17:11 - ALLAH NIHYET MEM TUNGWATU NYA

¹¹ No di ba ningon di sren bi bitug ndei ndigban noyam kin ha di bong kep ha hiter nidinggwei. Nide njap ug ei nahacanti he apino nide ndigban di nyeng tut nya sar ningwig leu no. Mpe di nide njap ngwig hon lene mijo nibreisi bipia ningon mbum bibor.

YEREMIA 17:11 ပူးပေါင်းရင်းမြစ်များ

NIPINGOK NINGONTI 28:20

tuhan mibindei ba, no di ningon gom ningon nggei-hi-nggei noro no di bipbur ba, nibou ngwak sibui sut gi nyeng tut ndigban kin mitiei ningwes ngun leu hukum bi.

NIPINGOK NINGONTI 21:6

Ndigban di tungwatu nya itug ndei tug hon nisinati di igbit bi mipror yon bibuwak yok ug ei jui nimai nimbou huigya.

YEREMIA 22:17

Noro na di Yoyakim ne ayai munti ter. Anggok tut ningat di bukum eisi mem nanti he. Ayai nimai bak yo di ingon ngun nya lene aba ambuk bico kep ade limwa nya cem.

YEREMIA 22:13

Buhun bibor mem no di ba ningon di gom bi bingot nide ig lene ba ningon di sren bi bibindei ig dima bres. Buhun bibor mem no di cuk yo di ninttig-tta nya bigyai midyai lo, kwas imuhup tut yok bi a.

NIPINGOK NINGONTI 28:8

No di nyeng tut mitiei nindig bibor tug hon gino kak tut tungwatu nya ba, suar ikum ei mitiei nibitug nindig biborti lene no di ngondut nuhui mbum nya miba nokep no dima nide mitiei hagom.

NIPINGOK NINGONTI 15:27

Gino aris mun ei tungwatu nyati leu binhyepo abipek mitiei ne gima mibindei ba, mun di buhun micut igkep ade ig bei nsi nya yahagom. Ma asindui sut ba, hi ngot kep na au. Leu api ade njap jei ei dihyeisi dini.

PETRUS GI NICAN 2:14

Ingon nghen leu nibon kep sisarti bi. Igyai bong kep sop sundal nya lene iba ighyet di mmau biris yo di ingon nddong bi nya ba, idrui bou ngwak cem. Allah mbriom yok tu!

TITUS 1:11

Suar asok kep yo dima ngkiem leu binhyepo ikimut yuhug hak ug. Lewo iba nihyet minyei binggek tut mbusyamei ninsi de nya imang bibor ba, ibipek mitiei nindig bibor leu yok. Igyaisi dima igbit bi!

NIPINGOK NINGONTI 28:22

No di drui bou ngwak bipbur ba, nibou ngwak sibui sut gi nyeng tut ndigban kin mitiei. Noni kan tut nuhui mbumti di jei bi micut igkep noni kros bi.

NIPINGOK NINGONTI 13:11

Gino krop kei mem gima atug ndei mitiei ne jei bi mitiei dima mingwig leu na. Gino nggruk bibor mem gima atug ndei mitiei lene mitiei dima mikum eisi bu.

MAZMUR 55:23

Ma jikes jingon ku jentiti bak tuhan leu api Noni miya srak ko hagau je. Lewo Noni sindui sut ba, siceu nya ibindei timek yo di ingon sren nya bi sren.

LUKAS 12:20

Noro Allah pai binoni ‘Angon mbum yo! Himmun di ariman ne ade njap ngwig hon ug ri. Lene tou riba nokep mun di anyeng tut di nindig bibor di anju ei ade ig gudanti nya dima i?’

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.

TIMOTIUS GI NIGOM 6:9

Lewo yo di ibisau sut ninyeng biborti ibiam bon di srou yok. Ba, bon dima ribindei dino iba yoho rok mun di bon ninyeng bi kin mun di binggek yok cem ba, gima hagom ngot kep yok lene bindei timek yok bingwig hak.

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

ZAKHARIA 5:4

tuhan Di Sindem Bibor pai bipia nisigionti dima micut igkep bikwop ninggimang mun cig kin neheng ugwai-gwai tug hon Nonti ninyeng cig ide ig a. Nisigionti dima micut igkep ig dima yok kikau bitimek biwer igkum kroi kep.”

MIKHA 7:3

Nibon kep mun di mbuk cig nya riyoni. Yo di inyeng jei kin nikei nya yahara mem mitiei dima ibingot kep yok. No di ninyeng jei brim ningkek kep yok bitig dino yuhum yam nsi.

MIKHA 2:9

Jijji Ditde limwa di sop nya leu ide ig bei di ingon ngakei nya lene jipos mun di kei di dinjei bak imunggwom bat nya leu yok gingga.

AMOS 3:10

tuhan pai “Timiei minu ndig Samaria iba mun di igyai tunggwei sut yam bipos ndigban nindig bibor leu tungwatu nya binju hagom ei ig nibou ndig nya ide. Bit bon iba ingon gom biyai mun nyeng gom kan bi.

NIPINGOK NINGONTI 28:16

Nibou ndig di hwen bit nide limwa nya nintin kiek. Nibou ndig di ningon mpo tut sisar ninyeng mitak kep bijo ninno.

NIPINGOK NINGONTI 23:5

Lewo bon mun di anyeng tut dima hagom ngwig kros leu na dem kep nok mun di ninyehei ntun him ba, nok hacam krubri di mba ug ei mpia-bbed him bihigom cem.

MAZMUR 49:13

Bit bon tungwagom de mun di nyeng tut nya cuon niyaisi leu nimai kan bi. Suar noni kin mindhe-ndhe nya hagom cem itug ndei nimai.

YEREMIA 6:13

Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

YEREMIA 8:10

Gima rino yo di hiter migyai ide ngoi dumti nya nok ide dihyei ninda rom bu. Midikes itnem bat nya bak yo di hiter bu. Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

AYUB 20:21

Gino yem njita lene duhwen hagom bingwig hak. Jei bi lene nibong kei nigwam keisi mingwig hon nohonti.