YEREMIA 16:7 - ALLAH NIHYET MEM TUNGWATU NYA

⁷ Tungwa hi dima migwam ser yo di ingon ngguk pima ingon ba, ngei njita mem yok cem bi. Tungwa hi miningon ngguk bit yo di icig kin ipmem imai leu yok cem bi.

YEREMIA 16:7 ပူးပေါင်းရင်းမြစ်များ

HOSEA 9:4

Bit bon jittei jide ba anggur ngei kin mindhe di jindig ei nimbar hum dokti mem jibipwoi tuhan ningon ei jingkiaisi dima kan bi. Jide njita di jiyem ei mpia dima mibindei ba, map kui jahagomti noyam kin njita di igyem ei midut nitig nimai ngutti. Njita dima kei mem gima ndei jinggumti he. Jigittei njita dima poi mien ug ei tuhan De Ig mem gima jibikuk je biDa bi.

YEHEZKIEL 24:17

Ma asindui sut ba, hi miap tut annei di kui-juk nyen cem au. Ma ayai bram yo di yuum ningon nggukti igyai munti au. Aba minghas binggai kep abou ba, aba amig ngwak bimbut-mbut nyen au. Ma anggai kep aimaisi ba, ayem roti ningon nggukti cem au.”

NINDAT KEP TUHAN NICUKTI NYA 26:14

Niyem njita dima ndrim hi tirigi ningon ngguk tut nimai bi. Lene nikon hi ba, nuug sut ug ei nisai tirigi nyeni nipuig kinei bi. Lene nikwas ndrim hi nok mun di ipigig ser mem ibigo nimai bi. tuhan e, nibit Ade nicuk nyeti nya tut njita gom leu ningot gom, gom leu ningot gom lene nok bidem tu.

AYUB 42:11

Ayub nikindig bat-nikinjoi bat nya kin nikwohop bat nya ikwei cem kep noni ba, yahagom ibon pesta nindig bibor. Yoni indo ingon di ngguk tut mun di buhun bibor di tuhan bindei di cut igkep Ayub hagom leu api igwam ser ningona. Lene bikwop tungwagom-gom yai mitiei kin siban mas bak noni.

NIBA NINGON SRIP HUKTI 4:1

Leu api diba dingon bisrip huk yo di isindem ei dihyeisi dini nya ide nimbuk tut yo di isindem bi nyati. Yo di isindem nya ico kep yok bibindei ba, ipim lo, hi di mpu yok bi. Tungwahi cem gimpu yok bi. Lewo yo di isindem nya ide nisindemti di nindig om kep yok.

YEREMIA 22:10

Je di timiei Yehuda nya e, ma jingon ngguk tut Nibou Ndig Yosia nimaisi au. Noro ma jipim tut nipmot Yoahas he. Lewo siceu nya ikat Yoahas biyuug sut ug ei ningkiaisi tu. Noni mingkwei hanyen kwei bingat nitimieisi bou niyai him bu bi sren.

NIBWOS-BWOS NYENTI 1:9

Nimap di kui noti jo nibreisi kei lo, gihig ningon ei mun di micut igkep no ei nidipti ug bi! Noni nggek bitti nindig bibor lo, hi di gwam ser ningon bi o! Gima rino hara tuhan bingondut no lewo siceu nya ibindei timek no tu o!