YEREMIA 16:4 - ALLAH NIHYET MEM TUNGWATU NYA

⁴ Ninggwen di buhun bibor mihwen yok bimai ba, imai nimbiam ei pranti cem imai ninggum cem. Tungwa hi dima pim tut yok ba, tig yok cem bi. Ingut jo sinsiou ei dihyei ninjek dip bidem kep mun di kroi di hwen dihyei ba, inok mun di ha nya kin mindhe di niten-pos nya igyem.

YEREMIA 16:4 ပူးပေါင်းရင်းမြစ်များ

NIBOU NDIG NYA GI NICAN 9:10

Tut Izebel ne tungwatu nya mitig bi. Noro nsien nya mibriug ningut bigyem bingwig ei hanjop Yizreel ug ri.’ ” Nabi di pilei yo dima ndat kep nihyet dima hagom bak Yehu leu lene bipbur ba, nang leu.

MAZMUR 78:64

Ide siceu nya iba singau simeda biyai nimai bak imam nya noro kibom di imai leu yok nya bon nituti mem gima ipim tut yok bi.

MAZMUR 83:10

Abibon yok noyam kin gino abibon mben Midian ba, noyam kin Sisera kin Yabin ei Minyei Kisyon nyai

YESAYA 18:6

Yo dima mikes tentara di ide di imai nya ingut bijo hak binok ha nya ide mun di igyem kep ei nijam di ngei-ndung cut binok mindhe-ndhe di iten pos nya ide mun di igyem mem nijam di hou es cut.”

YESAYA 5:25

tuhan gga nide limwa nya bitin ei mem gima kes hukum ei yok dip. Nungug nya mporo ugwa-kwei. Nimbiam ngut mijo-jo wai bidem kep mumpiang di jo-jo wai ei puigsi nya. Mbro nok gima lo, tuhan gga yok bikes hukum ei yok dip kikau.

YEREMIA 19:7

Miditte tut timiei Yehuda kin timiei minu ndig Yerusalem nya yahagom ingon kanti ei mpia dini. Midisindui sut ba, ide siceu nya mikon pran bit yok leu api ibindei timek yok bingwig. Midisindui sut ba, ha nya mipuk ide nimbiam leu api mindhe di niten-pos nya mibriu yok nok ide mun di igyem.

YEREMIA 21:6

Midiyai nimai bak timiei di ibong minu ndig dini yahagom. Tungwatu kin mindhe-ndhe cem mimai tug hon nsuwer ajar di buhun bibor.

YEREMIA 25:33

Njap dima dem lene yo di tuhan yai nimai biyok nya ingut mijo sinsiou ei dihyei ninjek dip bidem dihyei nisurti-nipekti. Hi dima pim tut yok buug sut yok bitig yok bi. Noro isindui bijo hak ei dihyeisi bidem kep mumpiang di tungwatu nya injei di yem mpia ei a.

YEREMIA 34:17

Gima rino Da di tuhan disimbot dat bipia apo jigimiap kep dihyet ba, jigikwek je di mben Israel gom leu nuubon yok nok awakti bi e? Gima rino nogindini ditri tut gi dikwek je leu nuubon je nok awakti tug hon gi jitug ndei nimai ei pranti kin nsuwer ajar di hwen jeti kin gi jimai ninggumti. Dibibon jeni bit leu nok gi jibibon sapi di jibui nok mikwau. Dibindei ba, ngkiai nya ei dihyeisi dini hagom igyai ttin tirigi ingat Ditde niyai munti di bitut jeni bou igyai him a.

YEREMIA 36:30

Gima rino Da di tuhan dipai brei bak na di Nibou Ndig Yoyakim bipia ade nintun him yamti di bram yam nya migya luei ahoti ba, inyeng mitak kep yo di intun Nibou Ndig Daud him bu bi sren. Tirigi igyai nimai bina ne tungwatu nya minjei angut ug ei nisai hek mpia mem njap kin nggou mmun.

YEREMIA 44:12

Lene gino timiei Yehuda niken-ken di igyaijo nya no ibungwam ndam gima yuug bibong ei minu Mesir lene yo dima yahagom misar. Ndigpoi nya kin munggwom nya yahagom mimai ei minu Mesir tug hon pran kin ninggum. Tirigi tungwatu ingat yok lene igyai ttin cem ighyet kinei sut yok cem ba, iba inyeng bisigion yam.

YEREMIA 44:27

Midibindei ba, jitug ndei mun di buhun ba, jibong kei jigwam kei bi kikau bibou jahagom jimai ningwig ug e. Jimai ei pranti ba, jimai tug hon nsuwer ajar cem.

YEREMIA 7:33

Ha nya kin mindhe-ndhe di niten-pos nya mikwei yem nimai ngut dima bingwig lewo hi di mijji yok leu bu bi.

YEREMIA 9:22

Nimai ngut jo sinsiou dem kep nok mumpiang di kui sur mpia kin gandum nintam di ikos di ikes ei beisi noro hi kam bi. Gini ne tuhan nicuk dati rin ba, suar ditri tut bak tungwatu nya.”

NIBWOS-BWOS NYENTI 4:9

Yo dima icut ei nikineiti ba, inyohou tug ndei nimai poi mien bijo kep yok kikau lewo ide njita hi bi bibor o! Yo di igyai nimai didiyam tug hon nikon pranti nya itug ndei mun di kei dor njiriek yo di imai inggum nya o!

YEHEZKIEL 24:21

bidipai sut nisokti dini bije: Jinggei sut tuhan De Ig nisindemti. Jijoi sut jimian huk nggilun ba, jibicem kep cem. Noro tuhan mibindei bimap kui Nide Ig. Leu api Noni miyai nimai bak jide nimpung ig bei nsi di ipilei yo ndi igyaijo nya di ibong ei minu ndig Yerusalem ei pranti.

YEHEZKIEL 5:12

Ade timiei nya nittou nsi gom mimai tug hon nsuwer ajar kin ninggum di buhun di hwen minu ndig dima. Lene siceu nya miba singau simeda bitot timiei ade nya nittou nsi gom bu ei minu ndig nisai. Lene midibindei nittou nsi gom bintek gimahap nima ug-nima ug bidiba singau simeda buhuk yok nyen-nyen.

ZEFANYA 1:17

tuhan pai “Midikes mun di buhun mang bibor ei tungwatu nya dip lene gima bindei ba, itibap-tibap nyen noyam kin yo di igyai tu. Ibon sisar tut Da apino nogindini inggrom siber bidem minyei di biam ba, nimbiam ngut mpiei ei dihyei njek dip.”

NINDAT KEP TUHAN NICUKTI NYA 28:22

tuhan mibindei ba, ninggwenti di kieng kep tungwatu nya yahagom micut igkep jeni ba, jidwoi-dwoi nyen ba, jingkek dut bibor cem. Noni mibindei ba, ngei ndung cut bihwen mun di hagom bi ngak-cai cem hou di bindei ngkiong mun nyeng hagom mihwen jide gandum di ningat ntun him tu hagom bikinei bingwig. Mun di buhun bibor dima yok micut igkep je kikau ba, jibisar kep.

NINDAT KEP TUHAN NICUKTI NYA 28:26

Tirigi jimai drek dip lene jide nimbiam minok njita mem ha nya kin mindhe di niten-pos nya lene hi di mijji mindhe-ndhe dima yok bi.