YEREMIA 16:12 - ALLAH NIHYET MEM TUNGWATU NYA

¹² Noro tut jeni ne jibon munti kinei bibor bidor njiriek yok. Jingkek ndok ba, jibit jingon kanti di kinei bibor. Jigibit dihyet bi.

YEREMIA 16:12 ပူးပေါင်းရင်းမြစ်များ

YEREMIA 13:10

Mben di isibut bibor dini igibit dihyet bi lewo ingkek ndok bibor. Ikuk yok bak nung di ngkiai nya ide ba, inok awak mem. Gima rino yoni midem kep minghas di nggun dini.

YEREMIA 7:26

Noro jingig jitingou mem ighyet bijiyok ngon kep ide nicuk jeti nya bi. Jengkom dini jingkek ndok ba, jaham jimbuk kep Da nindig bibor dor njiriek jidigup bat-jidigai bat nya.”

YEREMIA 9:14

Ingkek ndok ba, ikuk yok bak Baal de kwar nya bit leu nok idigup bat-idigai bat nya ingginau yok tut.

NIBA NINGON SRIP HUKTI 9:3

Ba, mun di Allah kos tut ei mem tungwagom-gom mipek kep mem yok bibikwop yahagom. Gima ne mun nyeng gom di biyai ingon di buhun rin ba, noyam kin mun nindigsi nya di pek kep mem tungwatu dihyeisi dini hagom. Tirigi tungwatu nya ingonti mpung tut mun di buhun ba, ibou ngwakti cem mpung tut ningon mbumti cem mem nijam di igyaijo ei dihyeisi dini. Leu api innei kimbas kros hak.

MARKUS 7:21

Lewo ningon di rom rinok nitriti mem ingon kanti di kinei nya hagom di bindei ba, tungwatu nya icut tut yam cem inggimang mun cem ihwen yam cem,

YEREMIA 7:24

Noro ibit dihyet bi ba, ingkek ndok. Ibit leu yonti ingon kanti lewo ingon ndok bibor ba, imbuk bibor cem ba, niyai munti di kei bibor hi ntun yoni him bi noro igyai munti di mbuk bibor kum eisi bu.

SAMUEL GI NIGOM 15:23

Lewo nibit nihyet bi pima kinei ba, noyam kin nibon midut nikrau kep nihyet di dut lene nikon nonti kinei bibor noyam kin nikuk nok bak kwar cem. Allah kou sut gima anok nibou ndig lewo angkek ndok tut Nide nicuk nati.”

NIJAM NIKEI NYA 2:19

Noro niabiati nibou pima mai leu yok tu lene yo dima ingkwei hanyen ndam igyai kepti di kinei nya lene ikou sut gi inggek tut igyai munti nya. Lewo ikuk yok bak nung nya kindi-kindok hanyen bu ba, ingkek ndok bibor.

IBRANI 3:12

Disut bat jen, ma jisok kep jenti ser nhyema jigom ningon rom ba, ningkek ndokti bindei mbres nonti ei minu ting leu Allah di Niyaijo au.

2 TIMOTIUS GI NICAN 3:13

yo di isibut kin yo di iris mun ei hiterti nya mibikum ei ide mun di kineiti ba, ibiris bak tungwatu nya kikau lo, yonti cem micut bak yo di iris mun biyok nya ri.

YEREMIA 17:9

Tou riningon dorti tut mun di jo ningon bei i? Ningon ki tut niris mun igkeisi dor njiriek mun nyeng hagom ba, ninggwenti buhun bibor.

NIBA NINGON SRIP HUKTI 8:12

Mbro nok gino no di sibut bon sisar nimangti sratus gom ba, nide njap cem jei lo, dikan tut bipia no di bit Allah nihyet bikuk no biNoni mimbrek-mimbrek mporo bong kei gwam kei.

NINDAT KEP TUHAN NICUKTI NYA 29:19

Gino tungwa hi leu jikieti miap tut tuhan nicukti di buhun bibor dima lene ma kan bipia mbro nok gino rom no kep nonti ningon kanti lo, mun di pek kep mem niyaijoti nya hagom mimbut nok gi kei mem noni. Noni mikan nok gima au. Mun dima mibindei sar jeni bitut yo di ingon rom kin yo di ingon sren cem jahagom.

NINDAT KEP TUHAN NICUKTI NYA 9:27

Ma ayok ngon kep Ade awak di Abraham kin Ishak kin Yakub lene ma ayok ngon kep yo dini ide ningkek ndokti kin ide nisibut biborti kin ide sisar au.

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

NITRITI 6:5

Tirigi tuhan ngat lo, tungwatu dihyeisi dini yahagom imbuk bibor ba, ingon kanti titut yam kinei bibor kikau lene,

YEREMIA 18:12

Noro yo dima mibuhup ‘Nittin ser sisar mem mindei i? Minibit nyenti ningon kanti kikau! Bikwop nahagom ningkek ndok ba, niyai kep mun di mbuk bibor bit leu nyenti ningon kanti!’ ”

NIBWOS-BWOS NYENTI 5:7

Nidigup bat-nidigai bat nya ibon sisar bimai leu nye nipou su noro tini bu ne suar nyeni nitug ndei ninghuisi wei drek dip ide sisar di ibon nya o!

YEHEZKIEL 20:30

Gima rino ma atri tut mun di Da di tuhan Di Dinyeng Jei Bibor dipai biyok ‘Nggon rino jibon sisar noyam kin gi jidigup bat-jidigai bat nya ibon kep pima i? Nggon rino jikuk je bak kwar di bindei ba, tungwatu nya igyai ttin ningat pima noyam kin jidigup bat-jidigai bat nya pima i?

AMOS 2:4

tuhan pai “Timiei minu Yehuda ibon sisar ninyen. Ide sisar bindei ba, dikes hukum ei yok dip. Lewo itunggwei Ditde nicuk yokti nya bingkek ndok tut Ditde nipingokti nya. Nung nya di idigup bat-idigai bat nya ikuk yok bak ibindei ba, mben Yehuda israwir.

MALEAKHI 3:7

Jikiek je leu Ditde niggai serti nya lene jiba jingon di gom bibrim jingkek mem dihyet bi noyam kin jidigup bat-jidigai bat di nipou nya. Ma jenti jingkwei hanyen ndam Da leu api midingkwei hanyen ndam je. Noro jihig ser Da ‘Nibon mindei di bindei ba, ningkwei hanyen ndam Na i?’

YEREMIA 22:28

Da di Yeremia dipai “Nibou Ndig Yoyakhin dem kep nok dibijig di kimbo di icom ba, ikou sut tu e? Tug hon nisinati dima icom noni kin nimunggwom bat nya ug ei ingkiaisi di ingat bou igyai him bigyo e?”