YEREMIA 15:9 - ALLAH NIHYET MEM TUNGWATU NYA

⁹ Sop ndig di nipmot bat nya ibou muhwindacan imai bingwig leu noni ba, ninghuisi mbris bram yok lewo ninnei cun. Nide njap di niyaijo niti nya wer mmun ken leu api ningon buhun tut yo di ingwes om noni. Midicuk jide siceu nya leu binhyepo ihwen yo di imai bingwig bigyo ei jikieti. Da di tuhan disimbot dat tu.”

YEREMIA 15:9 ပူးပေါင်းရင်းမြစ်များ

YESAYA 47:9

Noro mun nyeng can dini micut igkep nani ba, hacem mibit yam mbigom ngat mem njap gom ngat. Mbro nok gino asindui sut nung di nihyet dut kui na lo, nimai maham ajjep kin amunggwom bat nya kindok.

YEREMIA 19:7

Miditte tut timiei Yehuda kin timiei minu ndig Yerusalem nya yahagom ingon kanti ei mpia dini. Midisindui sut ba, ide siceu nya mikon pran bit yok leu api ibindei timek yok bingwig. Midisindui sut ba, ha nya mipuk ide nimbiam leu api mindhe di niten-pos nya mibriu yok nok ide mun di igyem.

YEREMIA 21:7

Midisindui sut ba, Nibou Ndig Nebukadnezar om ningon tut je bingondut je bi sren. Noni kin nide limwa nya migyai nimai bina kin yo di igya kui na kin yo di ingwes ngun leu pran kin ninggum kin nsuwer ajar cem jahagom. Da di tuhan disimbot dat tu.”

YEREMIA 44:27

Midibindei ba, jitug ndei mun di buhun ba, jibong kei jigwam kei bi kikau bibou jahagom jimai ningwig ug e. Jimai ei pranti ba, jimai tug hon nsuwer ajar cem.

YEREMIA 50:12

Noro mijinok mben di ibon inyeng bi bibor ei mben nindigsi nya ikieti ri. Yo dima ighyet kinei sut jide minu ndig ba, ibiyai nimmai cem bije. Jide minu dem kep iggum ndigsi di ngoi-nga bingak cai ri.

YEREMIA 6:4

Nibou tentara mipai bak nide limwa nya “Jikwei ba, itin ei mem icoi bihwen minu ndig Yerusalem! Jikwei binjei bihwen mem mpia ngket dini ug!” Noro jei bi lene ipai biyam “Mbenjen, ibinyen ba, mpia mmunti tu ba, dindi ug ri. Ingwes nya cem jei tu.

YEREMIA 7:19

Noro ibindei ba, dingon buhun bi. Ibindei ba, yonti ingon buhun apino ibimmai sut yonti.

NIBWOS-BWOS NYENTI 1:1

Minu ndig Yerusalem di nipou yo timiei nya illei bibor lo, tini bu ne nok mpia ntus ba, mpia mbum-bra bibor cem. Nipou yo ne ninyeng jei ei ngkiai nya igyai him noro nogindini wer kibom. Minu ndig di nipou yo ikon ninyeng dima tini bu ne wer awak tu.

NIBWOS-BWOS NYENTI 4:10

Mun di buhun di cut igkep ditde limwa nya buhun bibor apino sop ndig di isingat kei sut imunggwom bat nya ikwen yonti imunggwom bat nya bigyem kep inghop di wam bibor ug o!

YEHEZKIEL 5:12

Ade timiei nya nittou nsi gom mimai tug hon nsuwer ajar kin ninggum di buhun di hwen minu ndig dima. Lene siceu nya miba singau simeda bitot timiei ade nya nittou nsi gom bu ei minu ndig nisai. Lene midibindei nittou nsi gom bintek gimahap nima ug-nima ug bidiba singau simeda buhuk yok nyen-nyen.

YEHEZKIEL 5:13

Mporo atug ndei diggati kin dingon mpo tut nati kikau kep dingon bibou dingon cut ug e. Tirigi mun dima yok hagom cut igkep na leu su lene aba angon com bipia Da di tuhan dimbrap bit na ba, digga bibor drek dip ade ningon di gom tut Dati bi.

SAMUEL GI NIGOM 2:5

Tini bu lene yo po igyem njita ninyeng hagom bindei yo tu pima inggok ser no di mindo midyai biyok leu binhyepo ibitug ndei imuhup ba, ibipek njita. Tini bu lene yo po inggum nipou su pima igyem njita nok gi dem bindei yok tu. Sop di pijet srek tut nimunggwom bat nya ibou muhwindacan noro sop di bon nimunggwom bat nya imang gwam binongkom lewo yahagom ingwig leu noni tu.