YEREMIA 15:6 - ALLAH NIHYET MEM TUNGWATU NYA

⁶ Jikou sut Da bijikiek jinghim bak Dani tu. Gima rino dikon dinda bidihwen je leu api mijisar lewo bit bon doom dingon tut je bu kan bi.

YEREMIA 15:6 ပူးပေါင်းရင်းမြစ်များ

YESAYA 1:4

Je di jirom ndok ba, jimbuk e, mun di binggek micut igkep je drek dip jide sisar! Lewo jide sisar buhun tak je bibindei ba, jimig buhun. Jirok tuhan ei jitta ba, jiba jinghim bak No Di Kwes-Kwau di suar jikuk je bak cem.

YESAYA 28:13

Gima rino tuhan miba hurup kin kata kin nipuig gom-gom sindam bingginau je. Leu api jindrat mpia ba, jikinoi apino jibok-ba cem jibiam bon ba, jide siceu nya mikat je.

YESAYA 31:3

Mben Mesir ne tungwatu dihyeisi dini he ri. Isindemti noyam kin Allah bi. Ide kuda nya inok mindhe di mipbor ngat bi noro kuda nitu he yo. Mpe dino tuhan brim ningkek ne mben di isindem bibor dima mikinoi ug ei dihyeisi leu api mben di isindem bi po iba ingon com gi hi di isindem bibor pima micut bihigom. Mben cin dima yahacem mitimek bingwig.

YEREMIA 1:16

Midikes hukum ei Ditde limwa nya dip drek dip ide sisar. Yoni iba inghim bak Dani ba, ibon midut bak nung di ikuk yok bak cem ibon kwar bou inda him bikuk yok bak cem tu.

YEREMIA 13:14

Leu api diba yok bibui yam nyen. Midingon nggriu sut ndigpoi nya kin pilei nya bi sren. Midibindei sar yok lewo dingon nem tut yok ba, dingondut yok cem bi. Da di tuhan disimbot dat tu.”

YEREMIA 2:13

Lewo Ditde limwa nya ibon sisar ninyeng can tu. Mbro nok gino dinok minyei niyaijo nijep nibousi mem tungwatu nya lo, iba inghim biDa leu api ibon ide bak di ki ei dip di bit bon minyei ut eisi kan bi.”

YEREMIA 2:17

Jenti jibindei ba, mun dini yok hagom cut igkep je. Jikes Da di tuhan di dinok jide Allah ei ba, jiba jinghim bak Dani tirigi dinyohou bie tut je kak jimbutti ei pui sinon.

YEREMIA 2:19

Jide sisar mibindei ba, hukum cut igkep je. Jitug ndei nihwen bit jeti drek dip gi jikou sut Da di dinok jide Allah. Nogindini jitug ndei niwei kin nidut drek dip gi jiba jinghim bak Dani bijikon dinyeng bi. Da di tuhan dinok jide Allah Di Ninyeng Jei Bibor ba, Disindem Bibor cem disimbot dat tu.”

YEREMIA 20:9

Ne gino dikan “Nna ba misingon prion ser tuhan hak ug ba, sitri tut nihyet tug hon Nonti ninyeng bu bi.” Noro ahyet noyam kin hum mbom di drit ei dingon bei. Dibingon mem gima diku ahyet ei dingonti noro dindei bi.

YEREMIA 44:22

tuhan om ningonti tut gi ngat jibon munti di kinei kin gi suwok dima bu bi tu. Gima rino nogindini jitimieisi timek tu. Tungwatu ibong ser bu bi noro iba minu dima ninyeng bisigion yam. Yo di ingat gima yok nya igyai ttin ningat tu.

YEREMIA 6:11

tuhan e, Ade nigga yokti dima tit hum ei dingonti. Nggruk mem gima doom dingonti tut a.” Leu api tuhan pai bida “Asiber ningon sibuisi dima ug ei munggwom di ingat rin ei puig ndigsi nya kin pilei di idem yam ei gom nya dip. Siceu nya mikat pinai nya kin sop nya ug ei ingkiaisi. Yo di ide njap ug ninno tu cem mingwes ngun leu bi.

YEREMIA 6:12

Ide siceu nya mipos ig di ide nya bitut ide miai nya kin itnem bat nya. Midikes hukum ei timiei minu dini dip bipek nisurti-nipekti.

YEREMIA 6:19

Dihyei ni e, ma ayok ngon kep! Ditde limwa nya ijoi sut Ditde nipingok yokti nya bibit dihyet bi. Gima rino midiyok nisinsiou ei yokti drek dip ide niyok nihyet mem yamti nya.

YEREMIA 7:16

tuhan pai “Yeremia e, ma angat nadi tindei yo dini au. Ma ahara Da mem gima dimpu yok ba, angat nadi mem yok au. Ma abidip huk Da tut yok au. Lewo dikou sut nadi di angat mem yok.

YEREMIA 7:24

Noro ibit dihyet bi ba, ingkek ndok. Ibit leu yonti ingon kanti lewo ingon ndok bibor ba, imbuk bibor cem ba, niyai munti di kei bibor hi ntun yoni him bi noro igyai munti di mbuk bibor kum eisi bu.

YEREMIA 8:5

Nggon rino je di jinok Ditde limwa nya jikriek leu pui di nijit ba, jiba jinghim biDa bijo kikau i? Jikrau kep jide kwar nya di jikuk je bak bingkiem ba, jikou sut gi jingkwei hanyen ndam Da.

YEREMIA 8:9

Yo di ingon ki ei jikieti mitug ndei nimmai sut yonti. Ibou buwei ba, ibiam bon drek dip. Ikou sut Ditde nipingok ingonti apino ningon ki-kut mindei rino jo bit yok i?

YEHEZKIEL 14:9

Gino nabi gom cut ei niris noniti leu api buhup tunggwei ne Dani rino diris nabi dima. Da di tuhan Di Dinyeng Jei Bibor midicom noni leu mben Israel ikieti.

YEHEZKIEL 25:7

Gima rino midikes je ei mben hiter imang bibor inda nsi. Yo dima mipos ndigban jide nya ba, ibiyai hagom ningwig leu je. Midibindei sar je bibor leu ba, mijiwer je mben gom bi ba, mijima minu hi bou je nok jide cem bi. Leu api jingon hukti tut bipia Dani ne tuhan ri.”

YEHEZKIEL 35:3

Ma atri tut mun di Da di tuhan Di Dinyeng Jei Bibor dipai bak timiei minu dima nya, ‘Je di timiei nungug him ei minu Edom e, Da dini ne jide nitok ri. Midibindei jide dihyei ba, mpia mbum-bra bram leu api hi di bong ser bi.

HOSEA 11:7

iba ingkek di ndok bikiek yoho ter leu Da cem. Gima rino yoni mitug ndei mun di buhun di micut igkep yok. Mbro nok gino yahara hiter mem gima kwei mpu yok lo, bit bon hi teu yok bingwes ngun kan bi.”

HOSEA 13:14

Miditeu yo dini bingwes ngun leu gumihyep nimai nide nisindemti bi. We Nimai e, nna ba ade nsuwer ajar ham nye hak ug! We Nimai e, nna ba ade nisindemti bindei cut nye hak ug! Midingondut yo dini bu bi.

HOSEA 4:16

Je di mben Israel e, jingkek ndok bibor! Notou midinyohou je ei abris nghousi nok domba nya i?”

ZEFANYA 1:4

Midikes hukum ei timiei minu ndig Yerusalem kin minu Yehuda titut yam dip. Midicok tut yo di ikuk yok bak Baal niken-ken nya yahagom leu mpia dima yok. Apino tungwatu nya ibbwe ser imam nya di igyai midyai mem Baal nya krebou hak.

ZAKHARIA 7:11

Noro Ditde limwa nya ingkek ndok ba, idat kep itingou ser leu ba, igimiap dihyet bi.