YEREMIA 15:1 - ALLAH NIHYET MEM TUNGWATU NYA

¹ tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

YEREMIA 15:1 ပူးပေါင်းရင်းမြစ်များ

NITRITI 19:27

Njap di hyep bu rino Abraham kiju ba, bipbur buug ei mpia po ya ei tuhan Noho bei annani pima.

NIBOU NDIG NYA GI NICAN 17:20

Apino tuhan rok Nide limwa di Israel yahagom bikes hukum di buhun ei yok dip tug hon gima kes yok ei ide siceu di iten-pos nya inda nsi. tuhan ningon cun di nyohou yok bu bi lo, com yok leu dihyei di yai biyok tu.

MAZMUR 106:23

Allah pi bibou bindei sar Nide limwa nya noro Musa di Allah dimig ei pima ngkiem ser yok bicuon igyaisi apino Allah niggati cut leu yok ug a.

MAZMUR 99:6

Musa kin Harun inyeng tibim kin Nide imam nya ba, Samuel ne no di ngat nadi bak Noni ri. Yo dima yahara tuhan lene Noni buhup ighyet.

NIPINGOK NINGONTI 14:35

Nibou ndig nya ijoi sut yo di ijoi bibor di igya kui yok nya noro ikes hukum ei yo di ibindei mbut ide midyai kan bi nya dip.

YEREMIA 10:18

Mpe dini ne tuhan micom mben Yehuda yahagom ug ei ingkiaisi. Noni mibindei sar jahagom bijingwig hak ug. Gima ne tuhan De nisok kep jeti ri.

YEREMIA 11:14

Gima rino na di Yeremia e, ma angat nadi tindei yok au! Ma ahara Da mem gima dimpu yok cem au! Gino mun di buhun bibor cut igkep yok leu api yahara Da mem gima dimpu yok lene mporo digimiap ighyet bi.”

YEREMIA 14:11

tuhan pai bida “Ma ahara mem Da leu binhyepo dimpu yo dima au.

YEREMIA 14:12

Mbro nok gino igyem njita bi mem nituti poi lo, midingig ditingou mem ighyet bi. Mbro nok gino ibon midut nindig mindhe titut kep nimbar humti kin midut njita nibipai sigyo bak Dati lo, dijoi sut yok bi. Noro midiba pran kin ninggum kin nsuwer ajar bihwen yok ningwig a.”

YEREMIA 15:19

Lene tuhan buhup “Gino angkwei hanyen ndam Da lene midijoi sut na leu api anok Ditde awak hanyen bu. Gino ambrap-mbrap wai bu bi noro atri tut nihyet di bon ninyeng leu api midisindui sut ba, anok nabi mem Da hanyen bu. Apino ade limwa nya minduk yam kwei bingwig kep na. Suar ma aug nggok-nggok nyen yok bu au.

YEREMIA 16:13

Gima rino midicok tut je leu minu dini bidicom je ug ei jingkiaisi di jeni kin jidigup bat-jidigai bat nya jingat bou jiyai him bigyo. Mijikuk je bak mbrei nya ide nung nya mem mmun-njap ei minu dima noro midingondut je bi.’ ”

YEREMIA 16:5

Yeremia e, ma acoi ug ei yo di ipim di ibikiek nimai ide ig au. Lene ma apim tut nimai bit yok au. Dinjei mun di kei bak Ditde limwa nya tug hon nibong kei nigwam keisi bi ba, dingon nggriu sut yok bidingondut yok cem bu bi.

YEREMIA 18:20

Niba gi kinei birop niyai munti di kei ne igbit rin e? Noro yo dima itig ndep jui ser da ba, imem kep ser nituti tirigi dicut eisi. Ma akan kep mpe di dimbrap bit Na bidiya hacan mem yok ser nhyema Ade ningon sibui bibor tut yokti micut leu yok.

YEREMIA 22:28

Da di Yeremia dipai “Nibou Ndig Yoyakhin dem kep nok dibijig di kimbo di icom ba, ikou sut tu e? Tug hon nisinati dima icom noni kin nimunggwom bat nya ug ei ingkiaisi di ingat bou igyai him bigyo e?”

YEREMIA 23:39

midohom yok bitut ide minu ndig di diwin mem yok kin idigup bat-idigai bat nya cem leu api midicom yok ug ei minu ting bibor.

YEREMIA 35:19

Gima rino Da di tuhan Di Disindem Bibor di Allah Israel dipreu ei mem je bipia pinai nya di intun Yonadab di Rekhab nipmot him migyai midyai mem Da bram yam bijo kikau nok.”

YEREMIA 52:3

Gima rino tuhan ningon sibui sut timiei minu ndig Yerusalem kin timiei Yehuda nya nindig bibor bijji yok lene gi nyohou yok bu bi. Mpe dima lene Zedekia ham nimbuk kep Nebukadnezar di nok nibou ndig mem minu Babel.

YEREMIA 9:19

Ma jingig jitingou mem mben Sion di ipim kui jei bipai “Nitimek biningwig binimmai sut nyenti. Lewo suar nikes nitimieisi ei binimbut leu. Nyende siceu nya inggek nyende ig nya sinsiou bingwig.”

YEHEZKIEL 14:14

Mbro nok gino Nuh kin Danel kin Ayub nya ibong ei mpia dima lo, ibou ningai dima ide nibon munti di kei teu yonti njem innei he ba, ingwes ngun. Da di tuhan Di Dinyeng Jei Bibor disimbot dat tu.

YEHEZKIEL 22:30

Dinggok no di dem mem gima win ngug tig kan kin gi ya ngkiem ser mpia di ngug tig tti leu su nya cem ei mben Israel ikieti mem gima ya ngkiem ser minu dima ei mpe di dibindei timek ide minu tug hon Ditde nigga bibor nikui mpiati. Noro digingat no dima ei mben Israel ikieti bi.

HOSEA 9:15

tuhan pai “Ikinyon ei ide nibon mun di kinei biborti ei minu ndig Gilgal. Dingon mpo tut yok ei sirigima drek dip ide nibon munti di kinei bibor ba, midijji yok leu Ditde minu dini bidingondut yok bu bi. Nibou di ide nya yahagom ihwen bit Da.

ZAKHARIA 3:3

Mpe dima lene Yosua juk sinsun di rom-rau biya tut.

NINDAT KEP TUHAN NICUKTI NYA 9:26

Lene dingat nadi tindei je bidipai “tuhan Di Ninyeng Jei Bibor e, ma acok tut Ade limwa nya po ateu yok bingwes ngun ba, abuwak yok kwei leu minu Mesir tug hon Ade nisindemti di nindig bibor pima au.

IBRANI 9:24

Lewo Kristus coi ug ei Ninsi Di Kwes-Kwau di tungwatu nya ibon bou inda him di dat Ninsi di jo kikauti bi. Noro noni coi kikau ug ei gwamti biya ei Allah Noho bei leu binhyepo ya hacan mem nye.

NIJAM NIKEI NYA 5:9

Doom da ei mben Israel ide nibou pran nya di iba ingon di llei bibor binjei siceu yahagom yoho bei bidikon inyenga. Jikwei ba, inggei sut tuhan!

SAMUEL GI NIGOM 12:19

Leu api ipai bak Samuel “Andigpoi e, angat nadi bak tuhan di nok ade Allah mem nye ser nhyema nitug ndei nimai bi. Jo nibreisi mem nye tu bipia nibon sisar tirigi po nahara mem nibou ndig di ninyeng tak kep nye pima ba, nibikum ei nyende sisar nindigsi nya hagomti.”

SAMUEL GI NIGOM 12:23

Noro tut dani ne dikou sut gi dibon sisar tut Allah tug hon gi dikes hon ba, dingat nadi tindei je bu bi. Noro midingginau je tut jiyai munti di kei bibor kin mun di suar jiba jingon gom biyai cem.

SAMUEL GI NIGOM 7:9

Gima rino Samuel bui domba mien ningut gom bibon midut nindig mindhe titut kep humti bak Allah. Gima ngwig lene noni ngat nadi leu binhyepo Allah mimpu Nide limwa di mben Israel. Apino Allah buhup nide nadi.