YEREMIA 14:8 - ALLAH NIHYET MEM TUNGWATU NYA

⁸ Nye di mben Israel niyok ningon mem Nangkom. Nangkom rino ateu nye ba, ningwes ngun leu mun di buhun bibor. Nggon rino abon Nanti nok ngkiai ei nyende minu dini i? Nggon rino anok no di mbut binggi minu ba, kwei bong bit nye mem mmun gom ngat he i?

YEREMIA 14:8 ပူးပေါင်းရင်းမြစ်များ

YEREMIA 17:13

tuhan e, Ade limwa di mben Israel iba ingon com Nani. Yo di iba inghim bak Nani yahagom migwam nimmaiti. Hi mingat yok ei dihyeisi dini bu bi lewo yuug ei minu nimai nya ide leu su. tuhan e, Nani ne minyei niyaijo nibousi di yo dima ikes ei su ri.

YEREMIA 50:7

Ba, yo di ittau kep yok yahagom ihwen yok ba, igyai ninghuisi wei biyok cem. Ide siceu di iba nitok biyok nya ipai ‘Nyeni itunggwei sut mun di ibon biyok nya bi lewo yoni ibon sisar tut tuhan. Idigup bat-idigai bat nya iba ingon com tuhan ba, ningat ne ma suar yoni cem iba ingon di gom bibit Allah kikau.’

YESAYA 43:3

Lewo Dani ne tuhan ba, mben Israel ide Allah Di Kwes-Kwau ri. Diteu je bijingwes ngun. Ditri minu Mesir ba, dibipek je hanyen. Ditri minu Sudan kin Seba nya leu binhyepo jiya luei yohoti.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

YOEL 3:16

tuhan ba niyau-yau nyenti bikwei leu Nide mbigdip di Sion. Nihyet di tibim kwei leu minu ndig Yerusalem noyam kin kru di nisu bong bibindei ba, dihyeisi kin mpia-bbed him ugwa-kwei. Noro Noni miya hacan mem Nide limwa nya biya srak ko hagau mben Israel.

YESAYA 45:21

Ma jikwei ya ei nikei noho bei bijisimbot dat jide munhyet ba, yo di ibicom yam nya isimbot kep biyam tut. Tou ripai nisinati ei nimbie him tut mun di cut igkep je i? Dangkom di Allah rino dipai sut bi e? Lewo kwar di ikuk yok bak ne allah nijit rin bi. Dani ne Allah di kwes-kwau rin ba, diteu Ditde limwa nya bingwes ngun. Dangkom ngat he rino Allah!

YESAYA 43:11

Dangkom ngat he rino tuhan. Bit bon hiter teu je bijingwes ngun kan bi noro Dangkom he.

TIMOTIUS GI NIGOM 1:1

Srat dini leu da di Paulus ba, diyai dinyeng nok no di ya kui Yesus tug hon Allah di teu nye leu sisar biyai niyaijo nijep binye nicuk dati kin Kristus Yesus di iba ingon com nicuk dati.

KISAH 28:20

Gima rino disok dihyet bije leu binhyepo jikwei mbrap bit da. Lewo ningat ne yo dima iba lante dini biteu da drek dip No Di Teu Tungwatu Nya Biyai Niyaijo Nijep Biyok di nye di mben Israel yahagom itum ingon mem ninno tu.”

YESAYA 45:15

Allah di teu mben Israel bingwes ngun ne Allah di ku No nding leu tungwatu nya igyai him ri.

MAZMUR 138:7

Mpe di mun di buhun yon ttai da ne acuon diyaisi. Ahwen ditde siceu di iten-pos nya lene aba Ade nisindemti biteu da bidingwes ngun.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

MAZMUR 46:1

Nimpung Korah ide doia mem no di bie tut doia nimpung. Iba doia Alamot bibrim.

MAZMUR 9:9

Noni ba ningon gom binyeng tak kep ngkiai nya hak. Noni ba ningon di sren kei bimbus ingonti cem.

MAZMUR 10:1

tuhan e, nggon rino Nani ting bibor i? Nggon rino aku Na leu nye mpe di mun di buhun om kep nye i?

NIJAM NIKEI NYA 19:17

Tirigi andig-ndau ndima ngat no di ntun Lewi him di gwam ei mpia di jo bas hak dima lene hig ser “Disut na e, akwei leu hantou ba, aug ei hantou i?”

MAZMUR 71:5

Lewo diba dingon com Na di tuhan Nangkom he bidiba dingon com Nani habiei leu dipilei kwei tu.

YESAYA 63:8

tuhan pai “Jit, yo dini ne Ditde limwa nya ba, munggwom di ibindei di dingon pus tut yok bi ri.” Gima rino Noni teu yok bingwes ngun,

YEREMIA 30:7

Tto bou di kwei sut mun di buhun bibor dideu su. Bit bon hi binai sut njap di buhun bibor dima kin njap hiter kan bi. Njap dima ne njap di bindei ningon mbut-mbut nyenti mem Ditde limwa nya rin noro miditeu yok bingwes ngun.”

ZAKHARIA 9:12

Je di jisima ei jingkiaisi e, ma jingkwei hanyen kwei lewo No di jiyok jingon mem Nonaha. Ma jikwei gwam coi jitimieisi hanyen. Jimiap e, midinjei mun di kei bak jeni mbican bram yam drek dip ninghuisi wei di cut igkep je ei jingkiaisi.

MAZMUR 46:2

Allah ne mpia di igya coi ba, ide nisindemti cem ri. Noni yai nibou tut gima mpu nye ei mpe dino mun di buhun bibor cut igkep nye.

YESAYA 33:2

tuhan e, ma angondut nye. Niyok ningon mem Na. Ma acuon nyeni niyaisi bikwop njap ngwa hagom. Ma ateu nye biningwes ngun tirigi mun di buhun cut igkep nye.

YEREMIA 16:19

tuhan e, Nani rino anyohou da. Ayai nisindemti bida ba, ampu da mem nijam di mun di buhun cut igkep da cem. Ngkiai nya di ikwei leu dihyei nohon keti mikwei ngat Na bipai “Nidigup bat-nidigai bat nya ide kwar nya ibon inyeng bi bibor.