YEREMIA 14:2 - ALLAH NIHYET MEM TUNGWATU NYA

² “Minu Yehuda ningon ngguk bibor lewo nide minu ndig nya nahanok ma mai. Timiei Yehuda nya ibong ei dihyei njek dip lewo ingon buhun bibor. Minu ndig Yerusalem hara bak no di mikwei mpu no.

YEREMIA 14:2 ပူးပေါင်းရင်းမြစ်များ

AYUB 34:28

Yo dima ibindei ba, yo di yuhui mbum nya yahara Allah leu api Noni miap ide nahara Noti.

MAZMUR 144:14

Asindui sut ba, nyende sapi nya nimangti kum eisi kikau lene hi di pror ba, nipmot tis bi cem. Asindui sut ba, nimiap nahara niweisi kak puig ngot di jo bidem nyende minu ndig bi.

NEHEI LEUSI 2:24

Lene Noni miap ighyet bikan tut bipia inso kwop nyen apino Noni yok ngon kep gi preu po Noni preu ei mem Abraham kin Ishak kin Yakub yoni pima.

YESAYA 15:5

Dingon ngguk tut minu Moab! Timiei nya icat ndigban binang tut ug ei minu ndig Zoar kin Eglat-Selisia. Bihi inang bikui puig di ug ei minu ndig Luhit ba, ibipim kak imbutti. Bihi inang ug ei minu mien Horonaim ba, ibahara inghuisi di wei lewo mun di buhun cut igkep yok.

YESAYA 24:11

Tungwatu ighyet srou kui yamti kak puig nya lewo ba anggur ngei ngwig leu yok. Ninggei-hi-nggeisi pror leu minu dima bijo ninno bijo kikau.

YESAYA 24:4

Dihyeisi dini mui bijet ba, mpia-bbed him kin dihyeisi dini hacem inggwen sur yam.

YESAYA 24:7

Ba anggur kinei ba, nggruk mem gima ipek ningei a. Yo di nipou yo ingon nggei-hi-nggei noro tini bu ne ingon ngguk.

YESAYA 3:26

Tungwatu nya migwam ei dimbou pmem ei minu ndig dima nuhui bingon ngguk bipim nggruet. Minu ndig dima ningat minok sop di juk sinsun leu di nijou hangwang bigwam ei dihyeiti.

YESAYA 33:9

Minu dima hagom nok iggum ndigsi kin ha ngunti. Baham tindurti ei Libanon hagom ngoi-nga tu. Tini bu ne mbang briep Saron di bon ninnumti nipou su rinok iggum ndigsi. Biei nya ei minu Basan kin Nungug Karmel hagom nimeng llet bingwig.

YESAYA 5:7

tuhan Di Sindem Bibor Nide miai ba anggur nghousi dima ne mben Israel ri. Timiei Yehuda nya ne ba anggur nikioi di noni ta eisi nya ri. Noni yok ningon mem gima ingon sren-srau noro yahagom imbuk bibor. Ningon ya mem gi yahati tut mun di nijit noro yo di inso tut nikei nikos tutti di sren bi nya ighyet tibim ei nitingou nsi.

YEREMIA 11:11

Gima rino Da di tuhan dipingok ingonti. Suar igyok ngon kep bipia midikes mun di buhun bibor kwei ei yoni dip ba, bit bon ingwes ngun kan bi. Gino yahara mem gima dimpu yok lene midimiap ighyet bi.

YEREMIA 12:11

I, dingat lo, ibindei Ditde minu bidem kep mpia di mbum-bra di biyai ningon di ngguk. Hagom kinei-kinau leu api hi di ningon buhun tut bi.

YEREMIA 12:4

Dihyei ninjek dip ei minu dini mingak-cai ba, gandum mimui bidem ngoi dumti nya ug bipek apig bu i? Nyende mben ide nisibutti bindei ba, ha nya kin mindhe-ndhe nindigsi nya imai ningwig tu. Yo dima ipai bipia Allah ngat mun di mipek kep mem nye bou niyai him bi.

YEREMIA 18:22

Ma acuk yo di imbuk nya kros bingwig ei yo dima ide biyati mem gima ipos mun nyeng hagom bingwig leu yok bibindei ba, yahara drek dip ide ningon ttin biborti. Yo dima itig jui bimem kep ser nituti tirigi dicut eisi bindin bon ser da.

YEREMIA 4:28

Dihyeisi dini migwam ningon di nggukti ba, mpia-bbed him dindi-kai. tuhan mbrap tu ba, luei ningon kanti tut bi. Noni kos tut ei su ba, misujou nimig ceti gom cem bi.

YEREMIA 46:12

Jide mun di bibon nimmaisi jo brei ba, ngkiai nya ikan tut. Jihyet di jibaharati tibim ba, yahagom imiap tu. Tentara nya yonti indrat yam ba, yahagom ikinoi ug ei dihyeisi tu.

YEREMIA 8:21

Dingon wer mumpiang lewo mben de nya inggwen buhun. Dingon ngguk bibor bidingon mbut-mbut nyen cem.

NIBWOS-BWOS NYENTI 2:8

tuhan kos tut ningon kanti bipia suar siceu nya inggek ngug tig di bikrop ttai Sion nya bilus ug o! Noni nai ngug tig nya leu binhyepo bindei timek hagom o! Nogindini ngug tig nya kin ig tentara di jo-jo yam dip nya timek biwer ig kum-kroi tu o!

NIBWOS-BWOS NYENTI 2:9

Ngug tig di lus dima dram dimbou pmem nya ba, mun di ibikibi dimbou nya dahat ningwig o! Nibou ndig kin yo di igya kui noni di inyeng tak kep limwa nya isima ug ei ingkiaisi o! Imam nya iba tuhan de nicukti nya bingginau limwa nya bu bi o! tuhan sindui sut ba, nabi nya ingat ningat-hi-ngat hi bu bi o!

NIBWOS-BWOS NYENTI 5:10

Niyai niwei tug hon ninggum apino ningkek dut bidem kep nok komfor di indig hum eisi o!

HOSEA 4:3

Gima rino ide minu dini mingak-cai hanyen leu api mun di ninnei tau nuhwap nsi hagom mai bingwig bitut mindhe-ndhe nya kin ha nya kin wau nya cem hagom.”

YOEL 1:10

Jide beisi nya hagom dem kep nok iggum ndigsi ba, dihyei ningon ngguk tut gandum ngat di timek bingwig kin ba anggur ngat di ningei ngwig leu kin biei zaitun di ningei ngwig cem.

YOEL 1:11

Je di jiyai miai e, ma jingon ngguk bibor! Je di jinyohou ba anggur e, ma jiyai nggwei kibor! Lewo hum yem jide gandum nitu kin gandum-jelai hagom bitut njita nindigsi bijjem bingwig leu je tu.

YOEL 1:14

Ma jicuk jide limwa nya leu binhyepo isindui njita mem nituti poi leu api induk yam ei gom mem gima imbus yam ei. Ma jihig jide nibou nya kin yo di inyeng jei nya kin jide limwa di timiei minu Yehuda yahagom kwei ei tuhan De Ig leu binhyepo yahagom yahara Noni kwei mpu yok.

YOEL 2:6

Tirigi hai ceng dima yok injei kwei lene tungwatu nya yahagom idigit tut nindig bibor ba, iimaisi hai sut cem.

HAGAI 1:11

Dibindei ba, mpia ngei-ndung cut igkep jide dihyei kin nungug tou nya kin miai gandum nitu kin miai ba anggur nghousi kin miai biei zaitun nghousi kin njita di hei ei dihyei njek dip kin tungwatu kin mindhe-ndhe nimuhup tu nya kin miyai di jiyai nya ba, hagom mui ningwig a.”

ZAKHARIA 7:13

Dibuhup ide nadi bi drek dip gino igimiap kep dihyet tirigi dimbrap bit yok bi.

SAMUEL GI NIGOM 5:12

Gi hi di itug ndei nimai bigyo itug ndei ningkek dip dimaham pima bidem ingkek dip. Gima rino yahagom yahara ide kwar nya leu binhyepo ikwei mpu yok.

SAMUEL GI NIGOM 9:16

“Njap di hyep bu mem mpia di nok gini lene midipinak tungwagom leu keret Benyamin hwou ngat nani. Ma ata noni nok nibou ndig mem Ditde limwa nya leu api noni miteu yok bingwes ngun leu mben Filistin indati. Lewo dingat bipia mun di buhun bibor cut igkep yok tu ba, yahara Da leu binhyepo dimpu yok.”