YEREMIA 13:16 - ALLAH NIHYET MEM TUNGWATU NYA

¹⁶ Suar jikon jide tuhan Allah ninyeng bijo nai nipou tirigi Noni pinak nidinditi kwei bigyo ba, nipou tirigi ba nidinditi biluei nipigati di jiyok ngon mem bigyo. Leu mpe dima lene mijindrat mpia bijikinoi ei nungug him.

YEREMIA 13:16 ပူးပေါင်းရင်းမြစ်များ

YESAYA 59:9

Mben Israel ipai bak Allah “Nogindini nikan tut nggon rino ateu nye di ningwes ngun leu yo di ico kep nye inda nsi bi a. Nibet ningon mem nipigati lo, nidinditi nggai nye.

YESAYA 8:22

dihyeisi dini lo, yoni mingat mun di bindei di ingon buhun bibor kin nidinditi he ba, yuug dor ei nidinditi di dindi-kai dima.

YESAYA 60:2

Mbro nok gino nidinditi minggai kep dihyeisi dini lene nindibutti kieng kep ngkiai nya lo, tuhan de nipigati micom ndei na ba, tungwatu nya mingat nikei-kau-keisi di kwei ei jikieti bou igyai him.

YESAYA 5:30

Yo di ibong bidem minu Israel nisurti-nipekti mimiap tentara ighyet sra tut pran nibimbiti di nindig bibor bidem kep muk di tti-tti nyen nibimbiti. Jingat i! Minu Israel dindi bimpung-piet tut ningon buhun biborti ba, nipigati wer dindi-kai tut.

NIPINGOK NINGONTI 4:19

Noro puig di yo di isibut nya imbut kak dindi bidem kep mmun mau di dindi-kai ba, indrat mpia bicut lo, igikan tut mun di indrat bi.

YOSUA 7:19

Lene Yosua pai bak Akhan “Apai jit-jit mun di abon tunggwei sut pima ei mpia dini ei Israel ide tuhan Allah Noho bei. Apai sut gini brei bida lene ma aku mun nyeng hi au.”

YEREMIA 23:12

Gima rino midibindei ba, imig dilleu ba, ide puig dindi cem apino yoni ikinoi ba, mun di buhun bibor cut igkep yok cem lewo nituti mem dikes hukum ei yok dip dideu kwei su. Da di tuhan disimbot dat tu.

YEREMIA 4:23

Diyai bong kep dihyeisi dini bidingat lo, dihyeisi dini ngwak bingak cai. Dikiek da bidiyai bong kep mpia-bbed him bidingat lo, mbenjen! Mun nyeng hi piga mpia bi.

MAZMUR 44:19

Naham nimbuk kep Na ba, nigimbres Ade nicuk nyeti nya ei nyeni nitta cem bi.

SAMUEL GI NIGOM 6:5

Gima rino ma jiba mas bibon kwar hi nok ningkek dip dimaham kin ncup di igyem jide njita bingwig leu je cem leu api ma jikon mben Israel ide Allah ninyenga. Tug hon nisinati dima Noni mikes hukum ei jeni kin jide kwar nya kin jide dihyei hanjop nsi nya dip bu bi.

NEHEI LEUSI 10:21

Lene tuhan cuk Musa bipai “Asu anda kui mpia-bbed him leu api nidinditi di dindi-kai minggai kep minu Mesir ug ri.”

PETRUS GI NIGOM 2:8

Lene Allah nihyet hi bu pai “Tig mma dima mibindei bitungwatu nya indrat bicut.” Indrat lewo ingon jo kep nihyet bi. Lo, gima bit leu Allah ningon kanti mem yok.

YOHANES 12:35

Yesus buhup “Nipigati dima mipiga digai je mem njap poi bu he. Gima rino ma jimbut mem nipigati tirigi nipigati piga digai je leu binhyepo nidinditi hatap je bi. No di mbut mem nidinditi krau tunggwei puigya.

NIBWOS-BWOS NYENTI 4:17

Nicem kep ser puig kikau biniyai mpo. Nibet ningon mem yo di mikwei mpu nye noro hi gi kwei mpu nye bi ug o! Niba ningon com mben hi di mimpu nye lo, mben dima yok hi bon mun nyeng di bahati tut nye bi sren o!

YEREMIA 14:19

tuhan e, akou sut timiei Yehuda nya bihigom tu e? Angon mpo tut timiei Sion nya e? Nggon rino abui nye bibor lene abindei ba, bit bon nikei hanyen kan bi i? Nijoi sut bipia nibong kei nigwam kei noro bi. Niba ningon com bipia nikei hanyen noro mun di bindei di ningon ttin bibor cut igkep nye.

YEREMIA 8:15

Ingon ya mem nijam nibong kei nigwam keisi kin nijam niyai ningkek ngun eisi hanyen noro gima mikui-kausi he. Lewo mun di bindei di ingon ttin jo kep nye.

NIBA NINGON SRIP HUKTI 11:8

Gino ade njap kum eisi lene ma apai sigyo. Noro ma ayok ngon kep bipia mbro nok gino ayaijo jei bibor ei dihyeisi dini lo, ade nijam di angat rin ei minu nimai nya ide mijo ninno dor njiriek bu. Ba, mun di mipek kep mem nye ei niabiati bu jo ku. Bit bon ingon dorti tut mun dima yok kan bi.

AYUB 3:5

Abindei ba, mmun ken kin nidinditi di dindi-kai kin bumbuhui nggai kep njap pima bibindei ba, mpia com kan bi.

MAZMUR 107:10

Bihi isima ei nidinditi di dindi-kai. Iba lante biteu yo di isibut nya ba, igyai nidut ei lanteti.

MAZMUR 107:14

Noni buwak yok kwei leu nidinditi di dindi-kai dima bibindei ba, ide lante nya tun bingwig.

YEREMIA 2:6

Mbro nok gino diteu yok ba, ingwes ngun leu minu Mesir lo, ingkek ndok tut Da. Dinyohou yok ei mpia ngoisi di wer iggum dip kin iggum ndigsi di wer mboi-mbang kin ningakti di kinei bibor cem. Tungwatu nya iwin minu ei sirima bi ba, ikriau binjiriek mpia dima.

YEREMIA 6:21

Midibindei ba, indrat ndiyok bikinoi. Pinai nya kin imunggwom bat nya kin yo di inttig-tta nya kin ide adig-ajoi nya yahagom misar bingwig.”

YEREMIA 50:6

Ditde limwa nya idem kep domba di ide gembala nya isindui yok di israwir ei nungug him. Ba, imbut-mbut wai leu nungug hi ug ei nungug hiter bu ba, igikan tut itimieisi bu bi.

YEHEZKIEL 21:15

bindei ba, mimbri micut leu Ditde limwa nya hak apino indrat bicut hak ei dihyeisi. Diba singau simeda di njeng-jau di dem kep kigyei di ninjeng srei dima bijem kum minu ndig di ide mem gima dibihwen rin ba, singau simeda dima tin ei mem gima yai nimai bak timiei minu ndig nya.

YEHEZKIEL 34:12

noyam kin gembala di hek tut nide domba nya di noni jem hanyen kwei leu israwir eisi. Midijem yok hanyen kwei leu minu di israwir eisi hagom mem njap di mmun ken nggai kep yok ei mpe di po icut bak ide siceu nya pima.

YEHEZKIEL 36:15

Dihyei dini mimiap kep ngkiai nya di iba ighyet bicig yok ba, inghim koi sut tungwatu ighyet di kinei sut yok bu bi. Dihyei dini misiber mben di ibong niti nya inggrom bu bi. Da di tuhan Di Dinyeng Jei Bibor disimbot dat tu.”

AMOS 4:13

tuhan Nonti rino pai tes nungug kin houa. Noni ndo ningon kanti nya bak tungwatu nya. Noni pai tes mpia njap kin bed mmun cem ba, Noni mbut nyen ei mbigdip di jei bibor nya. Ninyeng rino tuhan Di Sindem Bibor.

AMOS 5:18

Ningat ne buhun bibor mem je di jiyok jingon mem tuhan de njap nitausi! Njap dima mibiang mun di kei hi kwei mem je bi. Njap dima mitau kep je noyam kin nidinditi di dindi-kai di nipigati srigsi bi.

MAZMUR 29:2

Ma jinggei sut tuhan di dia-diau! Ma jijuk sinsun midut di kwes-kwau leu api jibikuk je bak.

YESAYA 59:10

Nidem kep yo di igyai tu di itibap-tibap wai. Nindrat mpia mem mpia nuhuk pijumti binikinoi noyam kin gino nimbut mem mmun-mmau. Mbro nok gino ningat rin ei yo di igyaijo nya ikieti lo, ninok yo di imai su.

YOEL 2:2

Njap dima mitau kwei sut nidinditi di dindi-kai kin bumbuhui di dindi tut biget leu api hai ceng di nok tentara nimpung di nindig gom mikwei nggai kep nungug him nya noyam kin bumbuhui di ndok bibor. Mun di buhun di nok gini hi cut igkep tungwatu nya nipou bigyo lene micut igkep yok ei nidipti bu bi sren.

MALEAKHI 2:2

Ma jiba jiyai munti nya hagom bikon dinyenga. Gino jikou sut dicuk jeti nya ne midisigion je. Disigion mun di jide limwa nya ikwas tut Da di ibahati tut je cem. Nijit ne disigion mun di ikwas tut je pima hagom tu lewo jipwoi dingon tut dicuk jeti nya bi.