YEREMIA 13:11 - ALLAH NIHYET MEM TUNGWATU NYA

¹¹ Dipi bibou limwa mben Israel kin Yehuda iba yonti bikri Da bingkiem noyam kin minghas cun di niceu nonti bikri nintig bou a. Tug hon nisinati dima lene inok Ditde limwa di ibindei ba, tungwatu ikon dinyeng ba, ibou cut biDa cem. Noro ikou sut gima ibit dihyet.”

YEREMIA 13:11 ပူးပေါင်းရင်းမြစ်များ

YEREMIA 33:9

Minu ndig Yerusalem minok minu ndig di biyai dingon nggei-hi-nggei kin dingon kei. Ngkiai nya bidem dihyeisi dini hagom mittin tut Da bidigit tut Da bikon dinyeng drek dip mun di kei di dibon mem timiei minu ndig Yerusalem kin nibong kei nigwam keisi di diyai bak minu ndig dima.”

YESAYA 43:21

Yoni ne Ditde limwa di dipai tes yok mem Danti leu binhyepo iba doia bikiek dinyeng jeisi.”

MAZMUR 81:11

Dani ne jide tuhan Allah di buwak je kwei leu minu Mesir ri. Gino jahara Da lene midiyai njita di jisuar bije bijiyem.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.

YEREMIA 32:20

Nipou yo ne abon mindur kin mun di bibon ninggap leusi nya ei minu Mesir. Abon nok gima kikau kwei bipek ammani kep ei mben Israel kin ngkiai nya ikieti apino anyeng di jei bibor tibim ug ei dihyei nisurti-nipekti.

YEREMIA 13:10

Mben di isibut bibor dini igibit dihyet bi lewo ingkek ndok bibor. Ikuk yok bak nung di ngkiai nya ide ba, inok awak mem. Gima rino yoni midem kep minghas di nggun dini.

YEREMIA 7:26

Noro jingig jitingou mem ighyet bijiyok ngon kep ide nicuk jeti nya bi. Jengkom dini jingkek ndok ba, jaham jimbuk kep Da nindig bibor dor njiriek jidigup bat-jidigai bat nya.”

YEREMIA 6:17

Lene tuhan ta yo di igya ser nya mbirimang mem gima iwin kep Nide limwa nya ingonti leu binhyepo imiap pun mbrei di tibim di bitto yok. Noro Nide limwa nya ibuhup “Ningig nitingou mem bi.”

YESAYA 62:12

Tungwatu nya mijem inyeng ‘Limwa Di Ingon Kwes’ kin ‘Limwa Di tuhan Teu Yok Di Ingwes Ngun’ cem. Yoni mijem minu ndig Yerusalem ninyeng ‘Minu Ndig Di tuhan Ngondut kin Minu Ndig Di tuhan Kes Ei Bi’.

MAZMUR 147:20

Noni bibon ngkiai nya hi nok gima bi sren. Yo dima ikan tut Nide niggai serti nya bi. Ma inggei sut tuhan!

MAZMUR 135:4

Noni dimig yo di intun Yakub him ei mem Nonti bikon mben Israel bou No nok Nide.

NINDAT KEP TUHAN NICUKTI NYA 26:18

Gima rino Noni sindui sut je bijinok Nide limwa nya bit leu nok Noni preu ei mem je tu. Lene Noni cuk je leu binhyepo jibit nicuk jeti nya hagom.

NINDAT KEP TUHAN NICUKTI NYA 4:7

Ngkiai nya di isindem bibor nindigsi hi bon nide kwar di ngig nitingou mem ighyet tirigi mun di buhun cut igkep yok bi. Noro tuhan di nok nyeni ide Allah ningat rin bit nye ba, Noni buhup nyeni ighyet hammi tirigi yahara Noni.

LUKAS 10:11

‘Nikit nimig tut jide dihyei ndung di rap nimig jou leu nok mun di bindo di biki jingon. Noro ma jiyok ngon kep bipia Allah ninyeng tak kepti dideu kwei ei jikieti tu!’

YEREMIA 7:13

Mbro nok gino dimbrap bit je kikau su lo, jikou sut dihyet bijibon bidem sisar ninyeng dini yok hagom tu. Tirigi dihig je lene jinghek Da ba, jibuhup dihyet bi.

YEREMIA 7:23

Noro dipai nicukti gom ngat dini biyok. Suar ibit dihyet leu api dinok ide Allah lene yoni inok Ditde limwa nya. Lene dicuk yok bipia suar ibit dicuk yokti nya leu binhyepo ibong kei igwam kei.

YEREMIA 7:24

Noro ibit dihyet bi ba, ingkek ndok. Ibit leu yonti ingon kanti lewo ingon ndok bibor ba, imbuk bibor cem ba, niyai munti di kei bibor hi ntun yoni him bi noro igyai munti di mbuk bibor kum eisi bu.

YEREMIA 13:1

tuhan cuk da mem gima duug pek minghas cun di iba linen ninggrun bibien ba, dibikri dintig bou a. Noro ma ditur minghas cun di iba linen ninggrun bibien dima ei minyeiti au.

YEREMIA 13:12

tuhan Allah pai bida “Yeremia e, atri tut Ditde nisokti bak mben Israel bipia suar yuhug ba anggur ngei ba, ibikwop dibijig ba anggur ngei gom-gom buut hak. Yoni mibuhup hanyen ‘Nggon rima nikan tut gi suar nuhug ba anggur ngei ba, nibikwop dibijig ba anggur ngei gom-gom buut bi i?’

AMOS 3:1

Je di mben Israel e, ma jingig jitingou mem tuhan nisok kep jeti dino Noni sok kep mben nitindur gom di buwak kwei leu Mesir! Noni pai,

NINDAT KEP TUHAN NICUKTI NYA 26:19

Noni mibibon je bijinok mben nindig bibor ba, sindem bibor cem dor njiriek mben nindigsi di Noni pai tes nya tu. Apino tungwatu dihyeisi dini hagom minggei sut je bikon jinyeng cem. Mijinok Nide limwa di ningat-ngat nya bit leu nok Noni preu ei mem je tu.”

YEREMIA 19:15

tuhan Di Sindem Bibor di nok mben Israel ide Allah pai bije “Dibindei ba, hukum di buhun bibor micut igkep minu ndig dini bitut minu mien di gahai nya cem hagom bit leu nok dipreu ei mem jeti lewo jahagom jingkek ndok ba, jingig jitingou mem dihyet bi.”