YEREMIA 12:7 - ALLAH NIHYET MEM TUNGWATU NYA

⁷ tuhan pai “Dikes Ditde Ig ei su. Dikou sut mben Israel di didimig yok tu. Dikes Ditde limwa di dingon ngakei yok nya ei ide siceu indati tu.

YEREMIA 12:7 ပူးပေါင်းရင်းမြစ်များ

YESAYA 2:6

Allah e, akes Ade limwa di Yakub de nintun him yamti di bram yam nya ei su! Lewo nikan tut mun di jo nding di kwei leu mben ngkiai ei nite bei mpia nipriti nya kin mben Filistin cem kieng kep minu dini tu. Ade limwa nya igyai bram mben ngkiai ide niyai munti di kinei nya.

YEREMIA 11:15

tuhan pai “Ditde limwa di dingon ngakei yok nya ibon mun di kinei bibor nya tu. Dem mem gima icoi-coi nyen kwei ei Ditde Ig bi. Ikan bipia gino ipreu mun ei bit Da ba, ibon midut nindig mindhe titut kep humti lene igyai munti dima mibikkin ser mun di buhun bibor dima e? Igyai ningon llei bibor tug hon nisinati dima e?

HOSEA 9:15

tuhan pai “Ikinyon ei ide nibon mun di kinei biborti ei minu ndig Gilgal. Dingon mpo tut yok ei sirigima drek dip ide nibon munti di kinei bibor ba, midijji yok leu Ditde minu dini bidingondut yok bu bi. Nibou di ide nya yahagom ihwen bit Da.

LUKAS 21:24

Lewo siceu nya iba simeda bitot bihi bikri bihi ug ei ingkiaisi cem leu api ngkiai nya mico kep minu ndig Yerusalem binnir-wap kikau bibou nijam di Allah kos tut mem yok ngwig ug e.”

YOEL 3:2

Midinduk ngkiai nya yahagom kwei ei Mbang Briep Niya Ei Nikei Noho Bei. Leu api midigwam nok nikei mem yok. Midikes hukum ei yok dip drek dip gi ibibon Ditde limwa nya kinei. Lewo ijji mben Israel bibindei ba, intek gimahap ug ei ingkiaisi leu api ikwas Ditde minu Israel tut yam.

YOEL 2:15

Ma jimiep pun mbrei ei Nide Nungug Sion. Jicuk jide limwa nya leu binhyepo isindui njita mem nituti poi leu api induk yam ei gom mem gima imbus yam ei.

YEHEZKIEL 24:21

bidipai sut nisokti dini bije: Jinggei sut tuhan De Ig nisindemti. Jijoi sut jimian huk nggilun ba, jibicem kep cem. Noro tuhan mibindei bimap kui Nide Ig. Leu api Noni miyai nimai bak jide nimpung ig bei nsi di ipilei yo ndi igyaijo nya di ibong ei minu ndig Yerusalem ei pranti.

YEREMIA 51:5

Mbro nok gino mben Israel ibon sisar tut Da tu lo, Da di tuhan Di Disindem Bibor cem Di Kwes Bibor bidinok mben Israel ide Allah cem midikes mben Israel kin timiei Yehuda nya ei bi.

YEREMIA 7:29

tuhan pai “Je di timiei minu ndig Yerusalem e, ma jingon ngguk bibor! Ma jikak jibou nta bijicom! Ma jipim bijibikiek nimai nya ei mbigdip nya lewo Da di tuhan dingon sibui sut je ba, dikou sut jahagom.

YEREMIA 7:14

Gima rino midikes hukum ei Ditde Ig dini di jiba jingon com di diyai bak jidigup bat-jidigai bat nya kin jeni dip noyam kin hukum di dikes ei Silo dip.

YEREMIA 14:19

tuhan e, akou sut timiei Yehuda nya bihigom tu e? Angon mpo tut timiei Sion nya e? Nggon rino abui nye bibor lene abindei ba, bit bon nikei hanyen kan bi i? Nijoi sut bipia nibong kei nigwam kei noro bi. Niba ningon com bipia nikei hanyen noro mun di bindei di ningon ttin bibor cut igkep nye.

YEREMIA 17:4

Suar jikes jidihyei di diyai bije ei leu api dibindei ba, joom jenti nok awak mem jide siceu nya ei jingkiaisi di jingat bou jiyai him bigyo. Gima hagom nok lewo digga biborti dem kep hum di sror di bit bon hi mu kep kan bi.”

YEREMIA 23:33

tuhan pai bida “Yeremia e, gino Ditde limwa hi e, he nabi hi e, he imam hi e, kwei hig ser na ‘Apai tuhan nihyet bida’ lene ma abuhup ‘Nanti rino abuhun tak tuhan. Gima rino Noni micom na hak ei.’

YEREMIA 23:39

midohom yok bitut ide minu ndig di diwin mem yok kin idigup bat-idigai bat nya cem leu api midicom yok ug ei minu ting bibor.

HOSEA 11:1

tuhan pai a “Dingondut Israel habiei nimien yo ba, dihig dimunggwom dima kwei leu minu Mesir.

NINDAT KEP TUHAN NICUKTI NYA 33:12

Lene noni pai sut keret Benyamin bipai, “tuhan ningon ngakei keret Benyamin biya srak ko hagau yok bidem njap jei ba, Noni ningat rin bibong ei ikieti.”

NIBOU NDIG NYA GI NICAN 21:14

Midikes Ditde limwa niken-ken di igwam yo nya ei ba, yoni minok mikwau mem ide siceu nya di igyem kep yok bisar ba, igya bidem ide minu nya hagom bipos ide ndigban nya hagom ningwig cem.

MAZMUR 78:62

Noni gga Nide limwa nya di ninyeng tak kep yok nya bisindui sut ba, Nide siceu nya iba singau simeda biyai nimai biyok.

MAZMUR 106:40

Gima rino tuhan niggati cig-cai kep yok ba, ningon him wei sut Nide limwa di ninyeng tak kep yok nya.

YEREMIA 22:5

Noro gino jibit Ditde nicukti nya bi ne diba neheng bipai bipia ig nibou ndig de dini mitti binok ig kum kroi bijo ei. Da di tuhan disimbot dat tu.