YEREMIA 12:6 - ALLAH NIHYET MEM TUNGWATU NYA

⁶ Yo dima ibakilak na tu lo, yoni he bi noro bitut ade adig-ajoi nya cem. Yahagom ibicom yam mem gima ihwen na. Mbro nok gino ikes igkep ighyet di mmau kei lo, ma aba angon com yok au.”

YEREMIA 12:6 ပူးပေါင်းရင်းမြစ်များ

AYUB 6:15

Noro disut bat jen, bit bon diba dingon com je ba, dibram kui je kan bi. Lewo jinoyam kin mbang tirimpoi di pingge drek dip biget di but bi pimo.

MAZMUR 12:2

tuhan e, ampu nyeni o! Lewo tungwa hi bu di kei bi. Yo di ingon gom tut Nani isar bingwig tu.

MAZMUR 12:3

Yahagom iba nihyet di mmau bipai mun di igbit bi biyam ba, iris mun biyam nyen cem.

MAZMUR 69:8

Lewo tungwatu nya inim kep da binjei mun nyeng mang bibor kep da drek dip anyenga.

NIPINGOK NINGONTI 23:8

Jei bi lene anjim tut njita di apinde tu leu api ade ninggei sut no tut njita di ngeisi dima hagom mikui-kausi he.

NIPINGOK NINGONTI 26:25

Mbro nok gino no dima hig nisut bit na lo, ma aba angon com noni au. Lewo nigga biborti mpung ei ningonti tu.

YESAYA 31:4

Lene tuhan pai bida “Mbro nok gino gembala nya yahara bimbrua kep singa lo, bit bon ijji noni leu domba di ttem tu kan bi. Nok gima cem bit bon hi hara bimbrua kep Da di tuhan Di Disindem Bibor ei mpe dino diya srak ko hagau minu ndig Yerusalem kan bi.

YEREMIA 11:19

Didem kep domba di ijem nyahan ug ei mpia di ikos kep domba nya eisi. Ikos tut ingon kanti di kinei dima mem dani lo, digikan tut bi. Yuhum yam nsi “Jikwei ba, iwim biei di ngat ningat kei dini. Icok tut noni hak ug leu binhyepo tungwatu ingon prion ser ninyeng hak ug.”

YEREMIA 11:21

Timiei minu ndig Anatot nya ijoi sut gi igyai nimai bida bipai “Gino atri tut tuhan nisok kep nyeti nya binye bijo kikau lene miniyai nimai bina.”

YEREMIA 20:10

Dimiap tut yo di yahamui nyahan bidem minu ighyet di ipai “Ningon ttin biborti kieng kep minu! Jikwei ba, iba kilak Yeremia bak nibou nya!” Disut bat di dingon kieti nya cem imem kep ser dicutti. Isimbot kep biyam “Ma ibingon mem gima iba ninsi di mmau biris noni leu api noni micut bak nyeni. Leu binhyepo ikat noni ba, iba ingon di mbuk birop hanyen bak.”

YEREMIA 9:2

Handei kon ba, midingat mpia ttou nsi gom di yo di imbut puig sinon ibong kep inghuisi eisi ei iggum ndigsi mem gima dibongti lene midikes mben de nya leu ba, dinang ug ei mpia dima bidibong minu ting leu yok! Yahagom yaham imbuk kep Allah tu. Inok nimpung nibicom yam di ingon gom tut Allah bi.

YEREMIA 9:3

Itindei kep nituti mem gima iris mun bijo kikau. Mun di nijit ninyeng tak kep minu titut yam bi. Noro ningon sren bisi kieng kep minu nisurti-nipekti. tuhan pai “Ditde limwa nya ibon mun di kinei bibor bijo-jo yam dip. Ikon Dani bidinok ide Allah cem bi.”

YEREMIA 9:4

Suar bikwop tungwatu nya ingon sok kep yonti tut isut bat nya. Gi mbun adig-ajoi ningat-ngat nya cem iba ingon com yam kan bi. Lewo idem kep Yakub ba, bikwop yahagom iris bak ide adig-ajoi nya. Bikwop tungwatu nya ibindei hi ninyeng kinei ba, iris mun cem.

YEREMIA 9:5

Yahagom iris yam nyen ba, hi di pai mun di nijit-jau bi. Iris mun biyam kikep ba, insi yai ngan-ngan tu. Ikou sut gima ikes hon ba, ibon sisar bu bi kan bi.

MATIUS 10:21

Mpe dima lene yo di ikinjoi bat yam mitri yam leu api yo di ikrau nisindemti nya mijem nimai gau yok. Nok gima cem andig poi nya mitri imunggwom bat nya ba, munggwom nya mitri icig bat-ipmem bat nya leu api yo di ikrau nisindemti nya mijem nimai gau yok bu.

MARKUS 12:12

Gima rino mben Yahudi ide nibou nya ipi bikat Yesus lewo ikan tut bipia nihyet nibiti nindati dima pai singgre yoni. Noro ittin tut tungwatu ningot ndig dima ba, ikes Noni biyuug leu.

YOHANES 7:5

Ipai nok lewo iba ingon com Noni bi.)

KISAH 16:22

Tungwatu nindigsi imang bibor cem yahagom sindi ihwen bit Paulus kin Silas leu api nibou nya icuk ide limwa nya ba, irik Paulus kin Silas ide sinsun leu yok lene imbas yok.

KISAH 18:12

Tirigi Galio yai ninyeng nibou hanjop Akhaya lene mben Yahudi ikes ingon mem yam ba, ikat Paulus bibuwak noni ug ei nikei noho bei.