YEREMIA 12:4 - ALLAH NIHYET MEM TUNGWATU NYA

⁴ Dihyei ninjek dip ei minu dini mingak-cai ba, gandum mimui bidem ngoi dumti nya ug bipek apig bu i? Nyende mben ide nisibutti bindei ba, ha nya kin mindhe-ndhe nindigsi nya imai ningwig tu. Yo dima ipai bipia Allah ngat mun di mipek kep mem nye bou niyai him bi.

YEREMIA 12:4 ပူးပေါင်းရင်းမြစ်များ

MAZMUR 107:34

Noni bindei ba, dihyei ninnumti luei nitta binok iggum ndigsi drek dip timiei minu dima ide nisibutti.

MAZMUR 50:21

Jiyai kep gima yok hagom lo, digwam nyahan leu. Gima rino jikan bipia Dani dinoyam kin jeni. Noro tini bu ne dinjei kep jeni ba, dibindei mun dima yok hagom bijo nibreisi mem je.

YESAYA 24:4

Dihyeisi dini mui bijet ba, mpia-bbed him kin dihyeisi dini hacem inggwen sur yam.

YESAYA 24:6

Gima rino tuhan sigion dihyeisi dini bikes hukum ei yahagom dip. Yoni mibiang ide sisar nibuhunti. Noni bindei ngkiong yoni leu ba, poi mien he rima ingwes ngun a.

YEREMIA 12:11

I, dingat lo, ibindei Ditde minu bidem kep mpia di mbum-bra di biyai ningon di ngguk. Hagom kinei-kinau leu api hi di ningon buhun tut bi.

YEREMIA 14:2

“Minu Yehuda ningon ngguk bibor lewo nide minu ndig nya nahanok ma mai. Timiei Yehuda nya ibong ei dihyei njek dip lewo ingon buhun bibor. Minu ndig Yerusalem hara bak no di mikwei mpu no.

YEREMIA 23:10

Minu dini mpung tut yo di ingon gom tut tuhan bi. Igyai munti nya kinei bibor ba, ibimangkrei ide nisindemti cem. tuhan sigion abris nghousi di mindhe-ndhe nya igyem apino minu dini noyam kin no di ningon ngguk tut nimai.

YEREMIA 4:25

Dimian ser lo, tungwatu hi ningat rin bi ba, ha nya cem hagom dimba leu su.

YEREMIA 4:28

Dihyeisi dini migwam ningon di nggukti ba, mpia-bbed him dindi-kai. tuhan mbrap tu ba, luei ningon kanti tut bi. Noni kos tut ei su ba, misujou nimig ceti gom cem bi.

YEREMIA 5:13

Jikwei ba, ibibon nabi dima yok nok yo di itri tut nihyet hou he lewo tuhan nihyet di sok kwei jo bit yok bi.”

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

YEREMIA 7:20

Gima rino Da di tuhan Di Dinyeng Jei Bibor midisiber Ditde nigga biborti ug ei Ditde Ig dini kin tungwatu nya kin mindhe-ndhe nya kin biei ninjem nya kin njita beisi hagom dip. Ditde nigga biborti nok hum di cig-cai leu api bit bon hi mu kan bi.”

YEREMIA 9:10

Da di Yeremia dipai “Midingon ngguk tut nungug him nya. Diyai nggwei kibor tut beisi nya lewo hagom ngoi-nga ba, tungwatu nya ikriau binjiriek cem tu. Mindhe di ihyen kep nya idungwek eisi bu bi ba, ha nya kin mindhe-ndhe di niten-pos nya hagom inang bingwig leu su.”

YEREMIA 9:9

Suar ma dikes hukum ei mben dini yok dip bit leu ide nibon munti nya bi e? Midibuhup biyok drek dip ide nibon munti nya bi e? Da di tuhan disimbot dat tu.”

HOSEA 4:3

Gima rino ide minu dini mingak-cai hanyen leu api mun di ninnei tau nuhwap nsi hagom mai bingwig bitut mindhe-ndhe nya kin ha nya kin wau nya cem hagom.”

YOEL 1:18

Sapi nya hagom idungwek tut ninggum lewo abris nghousi hi jo bu bi ba, domba nya cem inghuisi jet.

AMOS 1:2

Amos pai “tuhan yau-yau nyen kwei leu Nide Mbigdip di Sion. Nihyet di tibim kwei leu minu ndig Yerusalem noyam kin kru di nisu bong di bindei ba, abris nghousi kin minta ei Mbigdip Karmel hagom mui bingwig.”

HABAKUK 3:17

Mbro nok gino biei ara ngat ningat bi lene ba anggur ngat ningat di ntun ba ninjem him cem bi. Mbro nok gino biei zaitun ningat hagom ngoi-nga ba, gandum nikioi mui bingwig ei beisi cem lene domba nya hagom imai bingwig ba, sar nsi di sapi nya ibong nyahan eisi ngwak cem lo,

ZAKHARIA 1:12

Lene malaikati dima pai “tuhan Di Sindem Bibor e, agga minu ndig Yerusalem kin minu ndig ngot ei minu Yehuda bibor kikau mem ari bingwam ningot muhwindacan tu. Agga yok bibor nok gima ba, akos ser ide nitunggweisi nya bi ug bipek apig bu i?”

ROMA 8:22

Ikan tut bipia nipai testi hagom ilua kwop tut ninghuisi wei leu nimbie him kwei bipek ammani kep tereu nok sop di ninghim dut tut munggwom.