YEREMIA 12:16 - ALLAH NIHYET MEM TUNGWATU NYA

¹⁶ Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.

YEREMIA 12:16 ပူးပေါင်းရင်းမြစ်များ

YEREMIA 4:2

Gino jeheng bitug hon dinyeng ba, jiba ningon srenti kin ningon gomti kin niyaijo igbitti biyai niyai munti lene ngkiai nya yahagom miyahara Da leu binhyepo dinjei mun di kei bak yoni drek dip leu api ibikon dinyenga.”

ZEFANYA 1:5

Midicok tut yo di ikui ug ei ig bou ninjek dip leu binhyepo ikuk yok bak mpia yaisi kin bed mmun kin ham mpia-bbed him nya yahagom poi hak. Midicok tut yo di ikuk yok biDa di iba neheng pai bipia ingon gom tut Da lo, yeheng bitug hon kwar Milkom ninyeng dima hak ug.

YOSUA 23:7

Gino jiyai igbit ditde nipingok jeti dima lene mijiket ei mben nya di igya ngkiem ei jikieti pimati bijingat nadi tug hon ide kwar nya inyeng bijeheng bitug hon kwar dima inyeng mijikuk je bak bijinggei sut ide kwar dima yok cem bi.

ZAKHARIA 2:11

Ei nijam dima lene ngkiai nya imang bibor mikwei ndam tuhan bikuk yok bak binok Nide limwa nya. Noni migwam ei jikieti lene mijikan tut bipia tuhan rino cuk da hwou ndam je a.

YEREMIA 5:2

Mbro nok gino jipai bipia jikuk je bak tuhan noro jiyai igbit jipaisi dima bi.

YEREMIA 3:17

Mpe dima lene tungwatu nya mindat minu ndig Yerusalem ninyeng ‘tuhan De Banggo Mbrei.’ Ngkiai nya yahagom minduk yam ei minu ndig dima mem gima ikuk yok biDa. Yoni mibit yonti ingon kanti di mbum ba, kinei dima bu bi.

YESAYA 65:16

Bikwop timiei minu dima gom-gom dino hara mun di kei mahara Allah di ningon gom mem gima njei mun di kei bak. Bikwop tungwagom-gom di preu ei mem hiter mipreu ei tug hon Allah di ningon gom ninyeng. Lewo mun di buhun di cut igkep yok nipou yo pima pror leu yok ba, ibbwe ser tu.”

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 45:23

Dipreu ei mem tungwatu nya lene bit bon diluei dingonti tut kan bi. Dipai tug hon neheng kin dinyeng cem tungwatu dihyeisi dini hagom miba ibiau bicom mpia ei dimig him ba, iba yonti ighyet bipreu ei mem Da bipia yahagom ingon gom tut Da.

KORINTUS GI NIGOM 3:9

Nyeni nibicom yam nok gom ba, niba nye bikum Allah biniyai kep Nide midyai nya. Jeni ne Allah de miai ngwoisi ri. Jeni ne Allah de ig ri.

ROMA 14:11

Allah Nihyet pai, “Tuhan Nonti preu ei mem nye bipia tungwatu dihyeisi hagom mikuk yonti ei dimig him leu api isimbot dat bipia Dangkom ne Allah ri.”

DIUN MIMUN 1:8

“Na di ubbu ngat ei sop nya ikieti e, nggon rima akan tut mpia dima bi i? Abit nimpung domba nya yoho hak ba, anggok abris nghousi mem yok dideu gembala nya ide prak meng yati nya.

ROMA 11:17

Allah sriot biei zaitun nitu (biei dini ne mben Yahudi ri) di Noni nyohou dima ninda hi leu leu api ngot biei zaitun sisron ninda hi hanyen biluei niceti. Je di ngkiai nya jinok biei zaitun sisron dima ninda ri. Allah ngot je kin biei zaitun nitu leu binhyepo jima mben Yahudi ide mun di kei di ntun niyaijo di bitut ninnei him.

SRAT RUT 3:13

Ma agwam nyahan ei mpia dini binjap kep leu api midimbus no dima ningonti mem njap bigyoti leu binhyepo ningon kanti tut gima noni brim ningkek mem gima nyohou na mijo nibreisi mem da. Gino noni joi sut na lene dem. Gi bi lene diba neheng bipai tug hon Allah di niyaijo ninyeng bipia midibrim dingkek mem gima dinyohou na. Noro ma abong nyahan binjap ug e.”

YESAYA 42:6

“Da di tuhan dihig na kwei bidiyai nisindemti bina leu binhyepo abindei mbut ningon sren-srausi bikieng kep dihyeisi dini ug e. Midipreu ei mem tungwatu nya yahagom bidipiga digai ngkiai nya yahagom tug hon na.

YEREMIA 5:7

tuhan pai “Nggon rima dikos ser Ditde limwa nya ide sisar nya i? Iba inghim biDa bikuk yok bak kwar nya tu. Dikwas njita tut yok ba, igyem bindei yok noro ibon sisar nicut tut yamti ba, icem kep sop di ikrar jut nya.

YEREMIA 6:16

tuhan pai bak Nide limwa nya “Ma jiya hammi puig nahau yamti nya bijiyok jiyai kep mungkun. Ma jihig ser tungwatu nya tut puig gi nipou di kei bibor nya. Ma jikak puig dima leu binhyepo jibong kei jigwam kei.” Noro ibuhup “E bi! Nikou sut puig dima!”

YEREMIA 16:19

tuhan e, Nani rino anyohou da. Ayai nisindemti bida ba, ampu da mem nijam di mun di buhun cut igkep da cem. Ngkiai nya di ikwei leu dihyei nohon keti mikwei ngat Na bipai “Nidigup bat-nidigai bat nya ide kwar nya ibon inyeng bi bibor.

YEREMIA 18:8

apino mben dima ittin ser ide sisar leu api midiluei dingonti tut yok.

ZAKHARIA 1:6

Ditri tut dicukti nya kin disok kepti nya bak jidigup bat-jidigai bat nya tug hon Ditde awak ngot di nabi nya nipou su. Noro igimiap kep dihyet bi apino ibiang igyai munti nibuhunti ug a. Leu api inso yonti bipai bipia Da di tuhan Di Disindem Bibor dikes hukum ei yok dip bit leu ide nitunggweisi ba, gima ne Ditde nikos tutti mem yok ri.”

YESAYA 2:3

Yahagom mipai cuk yam bipai bipia jikwei ba, yahagom ikui ug ei tuhan De Mbigdip ba, ikui ug ei mben Israel ide Allah De Ig. Noni mingginau nye tut mun di suar igyai kep nya. Nyeni mibit puig di Noni ndo binye lewo tuhan nipingok nyeti nya kwei leu minu ndig Yerusalem. Noni miya ei nungug Sion bimbrap bit nye.”