YEREMIA 12:12 - ALLAH NIHYET MEM TUNGWATU NYA

¹² Siceu nya di ikwei leu nungug him ibikwam ug ei iggum ndigsi mem gima ipos ndigban. Dibindei ba, pran cut lene diba pran dima binggek minu titut yam. Apino tungwa hi dima bong kei gwam kei bu bi.

YEREMIA 12:12 ပူးပေါင်းရင်းမြစ်များ

AMOS 9:4

Gino ide siceu nya ikat yok ug ei ingkiaisi ne midibindei ba, igyai nimai biyok. Dita dibou ei gima dibindei timek yok bingwigti lene dimpu yok bi.”

YEREMIA 47:6

Jahara ‘tuhan de singau simeda e, ma ahwen nye bipek apig bu i? Ma angkwei hanyen ei ahamti ba, agwam kep anghuisi ei sirima hak ug!’

YEHEZKIEL 14:17

Hi rima dipinak pran kwei ei minu dima tug hon tentara di ikrau minggwen di sindem kei nya bikwei mem gima diba yok bicok tut tungwatu kin mindhe-ndhe nya leu minu dima cem.

YESAYA 34:6

Nimbiam nggrom kui tuhan de singau simedati lene singau simeda dima mpung tut immau di kuisi bidem kep mindhe-ndhe di indig ei nimbar hum dokti ninggrom kin nimmau pimo. Lewo tuhan tin ei midut dini ei nimbar hum dokti ei Bozra. Noni miyai nimai bak timiei Edom nya ba, iwer nimbiam nindig bibor.

NINGAT-HI-NGAT NYA 6:4

Leu api kuda di ninta ngwoi ningut gom ttau kwei. No di bri bigwam dip yai nisindemti mem gima bindei ba, tungwatu dihyeisi dini iba nitok biyam bikon pran bit yam. No dini krau singau simeda di nindig krop.

ZEFANYA 2:12

tuhan mikes hukum nimai ei timiei minu Sudan nya cem dip.

YEHEZKIEL 5:2

Suar andig nittou nsi gom ei minu ndig dima ninggimau yon tirigi niyon ttai minu ndig dima kes hon leu tu. Aba ade singau simeda bikkin abou nta dima lene abimbut ba, abigahai minu ndig dima. Leu api akrau nittou nsi gi ningwigsi ba, agimahap ug ei hou him. Leu api midiba Ditde singau simeda buhuk bram gima.

YEREMIA 48:2

Minu Moab ninyeng jeisi cut tu. Siceu nya igyai minu ndig Hesybon bigyati tu. Itin ei ingon kanti mem gima icok tut mben Moab yahagom hak ei sirima. Siceu mibindei ba, ighyet di kui yam ei minu ndig Madmen ntus. Lewo tentara nya injei siceu ndam minu ndig dima bihwen.

YEREMIA 34:17

Gima rino Da di tuhan disimbot dat bipia apo jigimiap kep dihyet ba, jigikwek je di mben Israel gom leu nuubon yok nok awakti bi e? Gima rino nogindini ditri tut gi dikwek je leu nuubon je nok awakti tug hon gi jitug ndei nimai ei pranti kin nsuwer ajar di hwen jeti kin gi jimai ninggumti. Dibibon jeni bit leu nok gi jibibon sapi di jibui nok mikwau. Dibindei ba, ngkiai nya ei dihyeisi dini hagom igyai ttin tirigi ingat Ditde niyai munti di bitut jeni bou igyai him a.

YEREMIA 15:2

Gino ihig ser na bipia yuug ei siritou i? Lene ma abuhup ‘tuhan pai bije bipia yo di didimig yok ei mem gima imai tug hon nsuwer ajar ne nnaba imai nok gima ug! Yo di dikos tut mem itug midut tug hon pran ne nna ba imai ei pranti nok gima ug! Yo di dikos tut mem itug midut tug hon ninggum ne nnaba imai inggum nok gima ug! Yo di dikos tut mem itug ndei hukum dino ide siceu nya ikat yok ug ei ingkiaisi ne nnaba mitug ndei hukum ei ingkiaisi nok gima hak ug!’

YEREMIA 3:2

Jikon jibou bijimian kui ug ei mbigdip ninggram him nya! Ba, jingat mpia di tou rino juug ei di jicut ei sisar nikrar kep yamti bigyo i? Jiyai munti dima dem kep mben Arab ei iggum ndigsi. Jigwam sir puig ninghas bijimem kep ser no di kwei yem njita tut sop di nikrar jut. Jibindei ba, map kui minu dini tug hon jide nicut ei sisar niyem njita tut sop hiterti kin jide nibon mun di kinei biborti cem.

YESAYA 57:21

Bit bon yo di ibon sisar nya mibong nyahan kan bi. Da di tuhan disimbot dat tu.”

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.

NINDAT KEP TUHAN NICUKTI NYA 32:42

Inggrom misilipti Ditde tibor lene midiba Ditde simeda bihwen yo di ibigen ser Da yahagom ba, imai bingwig. Midisindui sut yok ba, bihi ihwen bit Da bi. Yo di ibok-ba kin yo di dipos yok tu nya yahagom mitug ndei nimai.

YEREMIA 3:21

Tungwatu nya imiap nihyet hwen yamti kin nihyet kui yamti ei nungug dip nya. Nihyet dima ne limwa mben Israel ighyet di ipim ba, yahara ser ri. Lewo yoni ibon sisar ba, ibbwe ser ide tuhan Allah tu.

YEREMIA 4:27

Nipou ne tuhan pai bipia dihyeisi dini titut yam minok iggum ndigsi noro Noni mibindei sar hagom bingwig hak bi.)

YEREMIA 16:5

Yeremia e, ma acoi ug ei yo di ipim di ibikiek nimai ide ig au. Lene ma apim tut nimai bit yok au. Dinjei mun di kei bak Ditde limwa nya tug hon nibong kei nigwam keisi bi ba, dingon nggriu sut yok bidingondut yok cem bu bi.

YEREMIA 25:11

Midisindui sut ba, minu dini titut yam timek bingwig bidem iggum ndigsi bram. Ngkiai nya di ibong ttai nya inok awak mem nibou ndig minu Babel mem nijam ari bingwam ningot muhwindacan.

YEREMIA 30:5

“Dimiap yo di idigit-digoi nya ighyet di yahara tu. Dimiap yo di ingon ttin bibor di ibong kei igwam kei bu bi nya ighyet tu.

YEREMIA 46:10

Noro da di Yeremia dipai bipia njap di ammani ne tuhan Di Ninyeng Jei ba, Sindem Bibor cem Nide njap ngon bou ri. Noni buhup bak Nide siceu nya yahagom mem njap di ammani. Nide singau simeda miyem yok lene midut inggrom cem bindei. tuhan Di Sindem Bibor bui Nide mun di bibon midut nya ei nite bei mpia nijjai dideu Igmem Ndig Efrat mem njap di ammani.

NIBWOS-BWOS NYENTI 3:17

Dibong kei digwam kei bi mimbrek tu o! Dibbwe ser ningon nggei-hi-nggeisi tu o!

YEHEZKIEL 21:4

Midiba Ditde singau simeda bitot yahagom ei nite bei mpia nijjai kikau ug bipek kin mpia nibiho cem.

YEHEZKIEL 21:28

“Na di tungwatu di ayaijo kikau bi e, ma atri tut mun di mipek kep ei nidipti bu! Apai bak mben Amon di ighyet wer mpiahi tut mben Israel bipia Da di tuhan Di Dinyeng Jei dipai ‘Singau simeda nipup gom jo mem niyai nimai bak tungwatu nya. Hi sien singau simeda dima binjeng-jau nok kigyei di ninjeng srei leu binhyepo biyai nimai bak tungwatu nya.

YEREMIA 8:15

Ingon ya mem nijam nibong kei nigwam keisi kin nijam niyai ningkek ngun eisi hanyen noro gima mikui-kausi he. Lewo mun di bindei di ingon ttin jo kep nye.

YEHEZKIEL 21:8

Lene tuhan pai bida,

YEHEZKIEL 21:9

“Na di tungwatu di ayaijo kikau bi e, ma atri tut mun di mipek kep ei nidipti bu! Apai bak tungwatu nya bipia Da di tuhan dipai, ‘Singau simeda nipup gom di ibindei ba, nggwen-gwau tu no rinaha.