YEREMIA 11:4 - ALLAH NIHYET MEM TUNGWATU NYA

⁴ Dibon gi preu dima mem idigup bat-idigai bat nya mpe dino dibuwak yok kwei leu minu Mesir mpia di nok komfor hum di cig-cai biyem yok. Disok kep yok leu binhyepo ibit dihyet ba, ibon kep Ditde nicuk yokti nya hagom. Tini bu ne dipai biyok bipia gino ibit dihyet lene yoni minok Ditde limwa nya ba, dinok ide Allah cem.

YEREMIA 11:4 ပူးပေါင်းရင်းမြစ်များ

NITRITI 17:8

Mbro nok gino abong angkiaisi ei minu Kanaan dini lo, mporo midiyai minu dini leu nisurti-nipekti hagom binani kin ade nintun him yamti di bram yam nya bijo ninno bijo kikau bidinok ide Allah ri.”

NIBOU NDIG NYA GI NIGOM 8:51

Lewo yoni ne Ade limwa nya po abuwak yok kwei leu mben Mesir po ihwen bit yok pima ide minu ri.

NIBOU NDIG NYA GI NICAN 18:6

ningon gom tut Noni kikau. Noni srep tut tuhan bi sren noro bit tuhan de nicukti nya di Noni kes tug hon Musa hagom nok mungkun kei.

NEHEI LEUSI 20:6

Noro midingon ngakei yo di ingon ngakei Da bibit dihyet yahagom kikau ug bipek ide nintun him yamti di bram yam nya ibou sribu-ribu bram yam.

YESAYA 30:6

tuhan tri tut nihyet tut mindhe-ndhe nya di ibong ei iggum ndigsi ndam nite bei mpia nibiho bipai “Yo di igya hacan pima ikak puig ug ei nikineisi ba, ei sirima ne singa kin wou piet kin naga di bon ninyehei ilus-lus nyen. Yo di igya hacan igyai ide mun di nibok kak bibor bak ngkiai di bit bon impu yok kan bi.

YESAYA 48:10

Diba ninghuisi wei di noyam kin hum bibingon je noyam kin perak di tukan kwen ei humti bibindei ba, pimbai kei.

YEREMIA 11:7

Mpe dino dibuwak idigup bat-idigai bat nya kwei leu minu Mesir lene disok kep yok bingkiem leu binhyepo ibit dihyet. No disok kep yok tut mun nyeng dima kikau kwei bipek ammani kep.

YEREMIA 24:7

Midiyai ningon di nyei nihim kin ningon di huk niti biyok leu binhyepo ingon huk niti bipia Dani ne tuhan ri. Mpe dima lene yoni inok Ditde limwa nya bidinok ide Allah lewo iba ingon di gom bingkwei hanyen ndam Da.

YEREMIA 26:13

Gima rino ma jiluei jingonti tut jiyaijoti kin jiyai munti nya leu api ma jibit tuhan di jide Allah nihyet. Gi jiyai nok lene Noni miluei ningonti tut mun di buhun di Noni mikes ei je dip.

YEREMIA 32:28

Midisindui sut minu ndig dini ba, Nebukadnezar di nok nibou ndig mem minu Babel miya tut nide tentara nya ba, inyeng tak kep. Yoni migyai bigyati,

YEREMIA 38:20

Lene dibuhup “Nok gima bi. Tentara dima mikes na ei yo dima indati bi. Dibidip huk na di Andigpoi leu binhyepo abit tuhan nicuk nati hak ug. Gino ayai nok gima lene hagom mimbut kin gi kei bibor lewo isindui sut na ba, angwes ngun.

YEHEZKIEL 11:20

Leu api yoni iba ingon di gom bibit didimigsi kin dicukti nya hagom. Yoni minok Ditde limwa nya lene dinok ide Allah.

YEHEZKIEL 14:11

Dibon nok gima yok ser hyema mben Israel yoom yonti ei minu ting leu Da cem bibindei ba, map kui yokti cem bi. Apino inok Ditde limwa nya lene Dani dinok ide Allah. Da di tuhan Di Dinyeng Jei Bibor disimbot dat tu.”

YEHEZKIEL 36:28

Mpe dima lene mijibong ser minu di diyai bak jidigup bat-jidigai bat nya. Mijinok Ditde limwa nya lene dinok jide Allah.

YEHEZKIEL 37:23

Yoni mikuk yok bak kwar di mpiei bibor bi lene ibon sisar di bindei ba, map kui yokti bu bi. Midikwek yok leu ingon di mang di bindei ba, igyai mun kinei sut Da hagom. Midibindei ba, ingon kwes-kwau leu binhyepo inok Ditde limwa nya ba, Dani ne ide Allah ri.

YEHEZKIEL 37:27

Midibong bit yok bidibon Danti nok ide Allah leu api yoni inok Ditde limwa nya.

DANIEL 3:26

Leu api Nebukadnezar ug ya kui mihyeti di itu ei tong nsi di hum cig-cai eisi dima bahara “Sadrakh kin Mesakh kin Abednego e, jo nibreisi mem da bipia jeni ne awak mem Allah Di Ninyeng Jei Bibor ri! Jibipbur bijehei kwei leu hum di cig-cai dima!” Lene yehei leu tong nsi hak ug.

IMAM NYA IDE MIDYAI 26:12

Midingat rin bit je. Midinok jide Allah lene mijinok Ditde limwa nya.

IMAM NYA IDE MIDYAI 26:3

Gino jiyaijo bit leu nok dikos tutti nya ba, jibit dicuk jeti nya,

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

ZAKHARIA 6:15

Tungwatu nya mikwei leu ting bibor bimpu yo di iwin Ditde Ig. Mpe dino iwin Ig dima biput lene mijo nibreisi mem yok bipia Da di tuhan Di Disindem Bibor dipinak na di nabi ndam yok. Mun dini yok hagom mipek kep mem yok gino ibit ide tuhan Allah nicukti di dicuk yok tut nok mungkun kei.”

ZAKHARIA 8:8

bidibuwak yok hanyen kwei leu nite bei mpia nipriti kin nite bei mpia nicutti kwei leu api ibong ei minu ndig Yerusalem hanyen bu. Dibindei ba, inok Ditde limwa nya lene dinok ide Allah. Midiba ningon gom kin ningon sren binyeng tak kep yok.”

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

NINDAT KEP TUHAN NICUKTI NYA 11:27

Mijiyai mun di kei gino jibit jide tuhan Allah nicuk jeti nya di ditri tut bije njap di ammani.

NINDAT KEP TUHAN NICUKTI NYA 4:20

Noro Noni teu je bijingwes ngun leu minu Mesir di nok mpia po jiyai jinghuisi wei nindig bibor eisi pima tu. Lene Noni buwak je kwei ei minu dini bibon je nok Nide limwa nya kikau kwei bipek ammani kep.

NINDAT KEP TUHAN NICUKTI NYA 5:6

tuhan tri tut ‘Dani ne jide tuhan Allah di teu je bijingwes ngun leu minu Mesir mpia po yuubon je nok awak eisi pima ri.

IBRANI 5:9

Yesus yai kep Nide midyai nok No di teu tungwatu nya leu ide sisar dima biput leu api ta Nonti nok nibousi mem niteu leu sisar kin niyaijo nijepti di jo kikau mem yo di ingon gom tut nicuk yokti nya.

SAMUEL GI NIGOM 15:22

Lene Samuel hig ser noni “Allah joi sut mindei ngan i? Noni joi sut yo di ibit nihyet e, he joi sut nibon midut he e? Mun di bon ninyeng ei Noni niyai him rino ibit nihyet leu gino ibon midut nindig domba di kei bibor kei kep humti bak Noni.