YEREMIA 11:13 - ALLAH NIHYET MEM TUNGWATU NYA

¹³ Timiei Yehuda nya ide nung mang bibor ba, nimangti dem igbit ide minu ndig nimangti. Timiei minu ndig Yerusalem nya iwin ide nimbar hum dokti ba, nimangti dem puig di mbut ei minu ndig Yerusalem nimangti ba, ibikuk yok bak Kwar Baal tug hon midut nindig mindhe titut kep humti.

YEREMIA 11:13 ပူးပေါင်းရင်းမြစ်များ

YEREMIA 2:28

Jide kwar di jibon bou jinda him yuug ei siritou i? Gino mun di buhun bibor cut igkep je lene ma jahara kwar dima yok leu binhyepo iteu je bijingwes ngun gino isindem mem gima iteu je! Je di timiei Yehuda e, jide kwar nimangti noyam kin jide minu ndig nimangti!

NIBOU NDIG NYA GI NICAN 23:13

Noni bindei ba, map kui nimbar hum dok di Salomo bon dideu minu ndig Yerusalem bei mpia nipriti dideu Nungug Zaitun bei mpia nibiho cem. Salomo pigig ser nimbar hum dok dini ei mem mben Sidon ide kwar Asytoret kin mben Moab ide kwar Kamos kin mben Amon ide kwar Milkom noro hagom bindei ba, tungwatu nya igyai ngkek ttin.

HOSEA 12:11

Dimbrap bit nabi nya ba, diyai ningat-hi-ngat mang bibor biyok. Ditri tut dingon kanti di ditin ei mem je di jinok Ditde limwa nya tug hon nabi dima yok.

YEREMIA 32:35

Ba, iwin nimbar hum dok nya mem ibikuk yok bak Baal ei Mbang Briep Hinom bibui munggwom di ide nya bindig ei nimbar hum dokti dima yok ba, ibikuk yok bak Kwar Molokh. Digicuk yok mem gima ibon sisar di kinei bibor dima ba, ibindei dino ide limwa di mben Yehuda nya cem ibon sisar dima bi sren. Dikan-kan nyenti di nok gima hi jo dibou ngwakti bi sren.”

YEREMIA 19:5

Ba, ibon nimbar hum dok mem Baal leu binhyepo ibon midut nindig imunggwom bat nya tut igyai noha kep hum. Dicuk yok tut ba, dingon kanti di nok gima hi bi sren.

YEREMIA 7:9

Jinggimang cem jihwen mun cem jicut tut yam cem jiba neheng om ser mun ei nikei noho bei cem jindig mindhe ei Baal de nimbar hum dokti cem jikuk je bak ngkiai nya ide kwar nya cem.

YEREMIA 3:24

Nikuk nye bak Baal di nok kwar di biyai nimmai bindei ba, nimunggwom bat nya isar ningwig leu nye. Ba, mindhe-ndhe nimuhup tu nok sapi kin domba nya di nidigup bat-nidigai bat nya ibrim ingkek tut di nipou yo nya cem sar leu nye tu.

YESAYA 2:8

Kwar di ikuk yok bak nya jo bidem minu nisurti-nipekti ba, ikuk yok bak kwar di yonti ibon bou inda him nya cem.

YEREMIA 11:17

Da di tuhan Di Disindem Bibor rino diwin minu Israel kin Yehuda. Noro tini bu ne dikos tut bak yoni bipia midikes mun di buhun bibor ei yok dip. Yonti rino ibindei di mun dima cut igkep yok lewo ibon kep mun di kinei tug hon ide midut nindig mindhe titut kep humti ba, ibikuk yok bak Baal. Apino digga yok ug a.”

YEREMIA 19:4

Dibibon je nok gini drek dip Ditde limwa nya di iba inghim bak Dani. Yoni ibindei ba, map kui mpia dini drek dip midut di ibon bak ngkiai nya ide kwar nya di yoni kin idigup bat-idigai bat nya kin nibou ndig minu Yehuda nya yahagom ingon dorti tut bi. Yoni yuhug yo di ingon ngun nya inggrom ba, ut ei mpia dini tu.

YEREMIA 44:21

“Jikan bipia tuhan kan tut jidigup bat-jidigai bat nya kin jide nibou ndig nya kin jide nibou di inyeng jei nya kin ide limwa di timiei Yehuda nya kin jenti jide midut nindig mindhe-ndhe ei humti mem jibikuk je bak kwar ei minu ndig ngot di jo ei Yehuda kin puig ngot di mbut ei minu ndig Yerusalem po jibon pima bi e, he Noni bbwe ser hagom tu e?

YEREMIA 48:35

Midibindei ba, mben Moab ikes inda tut gino ibon midut nindig mindhe-ndhe nya ei humti ei mpia di ikuk yok bak kwar eisi nya. Da di tuhan disimbot dat tu.

YEHEZKIEL 16:24

leu api awin mpia di mem akuk na bak kwar nya eisi ba, acut tut pinai nya eisi bidem minu ndig nya cem simin puig nghas hagom cem.

HOSEA 9:10

tuhan pai “Nimbie him ngat di dittau kep mben Israel ne dingon nggei-hi-nggei bidem kep no di ttau kep ba anggur nghousi ei iggum ndigsi. Nimbie him ngat di dingat jidigup bat-jidigai bat nya ne dingon kei bidem kep no di ngat biei ara ningat gi nimbie him ngat. Noro mpe di yoni yuug krau Nungug Peor ne ikinyon ei nikuk no bak kwar Baalti. Apino map di kui kwar di ingon ngakei dimati kui yokti bu.

NIBOHON MBEN ISRAEL GI NICAN 28:25

Noni kiju biwin mpia di ikuk yo bak kwar eisi nya mang-mang bikwop minu ndig kin nimien nya ei minu Yehuda nisurti-nipekti. Leu binhyepo nide limwa nya indig biei nggrai di ui-gwang kei bak mben ngkiai ide kwar nya ei niti. Tug hon nibon munti dima lene bindei ba, nidigup bat-nidigai bat ide tuhan Allah gga noni.

YEREMIA 3:25

Gima rino nna ba nigwam nimmaiti ug. Nna ba niwer mindhe tut ug. Lewo niya tut nidigup bat-nidigai bat nya ba, nibon sisar tut nyende tuhan Allah ninno tu ba, nigibit Nide nicuk nyeti nya cem bi sren.”

YEREMIA 17:1

tuhan pai “Je di timiei Yehuda e, jikilis kep jide sisar ei jingonti kin jide nimbar hum dok nuhuisi nya dem kep nok no di ba buk nika di ba ngkimom nitu bibon bicim tig permata intan ei niyenti.

YEREMIA 18:15

Noro Ditde limwa nya ingon prion ser Da leu api indig biei nggrai di ui-gwang kei bak kwar nya. Ikinoi kak puig timiei di suar imbut kak nya lene ite leu puig timiei nya ba, israwir kak puig di hi dime kep bisur yam bigyo cem tu.

YEREMIA 44:5

Noro jikou sut gima jimiap kep dihyet. Jingig jitingou mem bi. Jikou sut gi jikes hon nibon midut di kinei bibor nya tug hon gi jinding mindhe-ndhe ei humti ba, jibikuk je bak kwar nya.

HOSEA 10:1

Nipou ne mben Israel idem kep biei anggur di ningat hun tut. Ndigban di inyeng tut kum eisi bimang lene nimbar hum dok di iwin cem kum eisi bimang. Mun nyeng hagom di dem mem yok kum eisi lo, itas cou tig di kei-kau bibiyok ngon kep ide kwar di ikuk yok bak nya.