YEREMIA 11:11 - ALLAH NIHYET MEM TUNGWATU NYA

¹¹ Gima rino Da di tuhan dipingok ingonti. Suar igyok ngon kep bipia midikes mun di buhun bibor kwei ei yoni dip ba, bit bon ingwes ngun kan bi. Gino yahara mem gima dimpu yok lene midimiap ighyet bi.

YEREMIA 11:11 ပူးပေါင်းရင်းမြစ်များ

NIBOU NDIG NYA GI NICAN 22:16

bindat kep tuhan nihyet di tri tut “Da di tuhan midikes hukum ei timiei minu ndig Yerusalem yahagom dip bit leu nok gi ipas ei srat nicukti di na di nibou ndig akwop tu.

NIBOHON MBEN ISRAEL GI NICAN 34:24

‘Midikes hukum ei minu ndig Yerusalem bitut timiei minu ndig Yerusalem yahagom dip tug hon nisigionti nya di ipas kep ei srat dimati di ikwop bak Na Di Nibou Ndig pima tu.

AYUB 35:13

Yahara tignam ba, ighyet ngwig leu yok lo, gima mikuisi lewo Allah Di Sindem Bibor ba niyai nghuisi bijik kep yok bimiap ighyet bi.

MAZMUR 18:41

Abindei ba, ditde siceu nya ikiju binang leu da apino dibindei sar yo di iba nitok bida cem yahagom.

MAZMUR 66:18

Gino diba doho rok ditde sisar nya lene Allah mikou sut gi miap dihyet di dahara bak Noni.

NIPINGOK NINGONTI 1:28

Mpe dima lene mijahara da noro midibuhup jihyet bi. Mijinggok ser da bidem minu noro mijittau kep da bi.

NIPINGOK NINGONTI 29:1

No di ba ningkek ndok bibuhup bak nindigsi nya di ipingok kep noni ninyen ne mpe di gom noni mitug midut nipou tirigi luei ningonti tut bigyo.

YESAYA 1:15

Mpe dino jingat nadi bijisu jinda lene midikiek Doho ter leu je. Mbro nok gino juhuk nadi bijo ninno bijo kikau lo, midingig ditingou mem jihyet bi. Lewo jiba jinda hwen mun mang tu.

YESAYA 24:17

Timiei dihyeisi dini titut yam e, ma jingig jitingou mem dihyet bijimiap! Ningon digitti kin jui kin bon mem kep ser je tu.

YEREMIA 11:14

Gima rino na di Yeremia e, ma angat nadi tindei yok au! Ma ahara Da mem gima dimpu yok cem au! Gino mun di buhun bibor cut igkep yok leu api yahara Da mem gima dimpu yok lene mporo digimiap ighyet bi.”

YEREMIA 11:17

Da di tuhan Di Disindem Bibor rino diwin minu Israel kin Yehuda. Noro tini bu ne dikos tut bak yoni bipia midikes mun di buhun bibor ei yok dip. Yonti rino ibindei di mun dima cut igkep yok lewo ibon kep mun di kinei tug hon ide midut nindig mindhe titut kep humti ba, ibikuk yok bak Baal. Apino digga yok ug a.”

YEREMIA 14:12

Mbro nok gino igyem njita bi mem nituti poi lo, midingig ditingou mem ighyet bi. Mbro nok gino ibon midut nindig mindhe titut kep nimbar humti kin midut njita nibipai sigyo bak Dati lo, dijoi sut yok bi. Noro midiba pran kin ninggum kin nsuwer ajar bihwen yok ningwig a.”

YEREMIA 14:2

“Minu Yehuda ningon ngguk bibor lewo nide minu ndig nya nahanok ma mai. Timiei Yehuda nya ibong ei dihyei njek dip lewo ingon buhun bibor. Minu ndig Yerusalem hara bak no di mikwei mpu no.

YEREMIA 15:2

Gino ihig ser na bipia yuug ei siritou i? Lene ma abuhup ‘tuhan pai bije bipia yo di didimig yok ei mem gima imai tug hon nsuwer ajar ne nnaba imai nok gima ug! Yo di dikos tut mem itug midut tug hon pran ne nna ba imai ei pranti nok gima ug! Yo di dikos tut mem itug midut tug hon ninggum ne nnaba imai inggum nok gima ug! Yo di dikos tut mem itug ndei hukum dino ide siceu nya ikat yok ug ei ingkiaisi ne nnaba mitug ndei hukum ei ingkiaisi nok gima hak ug!’

YEREMIA 18:11

tuhan pai bida “Nogindini ma atri tut bak timiei Yehuda kin timiei minu ndig Yerusalem nya bipia dikos dat bipia ditte tut yok leu api midikes hukum ei yo dip. Ma asok kep yok leu binhyepo ikiek yo leu igyai munti di kinei bibor nya leu api ikinding igyaijoti kin igyai munti nya bikwes.

YEREMIA 19:15

tuhan Di Sindem Bibor di nok mben Israel ide Allah pai bije “Dibindei ba, hukum di buhun bibor micut igkep minu ndig dini bitut minu mien di gahai nya cem hagom bit leu nok dipreu ei mem jeti lewo jahagom jingkek ndok ba, jingig jitingou mem dihyet bi.”

YEREMIA 19:3

Noni sok nihyet ei da dip leu api ditri tut biyok “Je di nibou ndig minu Yehuda kin je di timiei minu ndig Yerusalem e, ma jingig jitingou mem mun di tuhan Di Sindem Bibor di jide Allah cem pai bije. Midibindei ba, mun di buhun bibor cut igkep mpia dini apino yo di imiap tut nya ingon ttin bibor.

YEREMIA 23:12

Gima rino midibindei ba, imig dilleu ba, ide puig dindi cem apino yoni ikinoi ba, mun di buhun bibor cut igkep yok cem lewo nituti mem dikes hukum ei yok dip dideu kwei su. Da di tuhan disimbot dat tu.

YEREMIA 25:35

Ningat ne bit bon jingwes ngun kan bi.

YEREMIA 35:17

Gima rino Da di tuhan Di Disindem Bibor di Allah Israel midikes mun di buhun hagom di ditin ei dingon kanti tut nya ei je di timiei Yehuda kin minu ndig Yerusalem nya dip bit leu nok gi dipai ei su. Dibon nok gima lewo jigimiap dihyet mpe dino dimbrap bit je ba, jibuhup dihyet mpe di dihig je cem bi.”

YEREMIA 36:31

Midikes hukum ei nani kin yo di intun nani him kin nibou di igya kui nani jahagom dip drek dip jide sisar di jibon nya. Midibindei ba, mun di buhun bibor di dibicuug na hagom micut igkep na. Lewo nani kin timiei minu ndig Yerusalem kin timiei Yehuda nya jahagom jingkek ndok tut disok kep jeti nya.”

YEREMIA 6:19

Dihyei ni e, ma ayok ngon kep! Ditde limwa nya ijoi sut Ditde nipingok yokti nya bibit dihyet bi. Gima rino midiyok nisinsiou ei yokti drek dip ide niyok nihyet mem yamti nya.

NIBWOS-BWOS NYENTI 2:22

Anduk siceu di nittin kwei mem gima ibon pesta nisibut ttai nye o! Igyai nimai bak yo di nyeni ninyohou di ningon ngakei yok yahagom rin o! Hi di nang leu anda nsi mem Ade njap di agga bibor dima kan bi o!

YEHEZKIEL 14:3

“Na di tungwatu di ayaijo kikau bi e, yo dini ikuk yonti bak kwar nya apino icut ei sisarti tu. Leu api nggon rima ihig ser Da i?

YEHEZKIEL 7:5

tuhan Di Ninyeng Jei Bibor pai bak mben Israel “Mun di buhun mijo-jo yam dip kep na.

YEHEZKIEL 8:18

Yoni mitug ndei Ditde niggati di buhun bibor! Dingondut yok bidikos ser ide sisar bi. Mbro nok gino iba nadi bahara tignam-tignam biDa lo, midimiap ighyet bi sren!”

AMOS 5:19

Njap dima noyam kin no di nang leu singa di huk no leu api ug um beruang bu! He noyam kin no di ngkwei hanyen ei nide ig bei bingget dring leu api wou piet ham ninda e!

MIKHA 3:4

Jei bi ne jahara tuhan bikwei mpu je noro Noni kou sut gima buhup jihyet lewo jirom je kep jiyai munti di mbuk bibor nya.

ZAKHARIA 7:13

Dibuhup ide nadi bi drek dip gino igimiap kep dihyet tirigi dimbrap bit yok bi.

TESALONIKA GI NIGOM 5:3

Mpe dino tungwatu nya mitri tut biyam “Yahagom ibong kei igwam kei ba, mpia mbum-bra” lene mun di bindei timek yok micut igkep yok kros noyam kin sop di ninghim dut tut munggwom lene bit bon ingwes ngun kan bi.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.