YEREMIA 11:10 - ALLAH NIHYET MEM TUNGWATU NYA

¹⁰ Ibon kep sisar di idigup bat-idigai bat nya ibon kep. Sisar di idigup bat-idigai bat nya ibon kep dima rino igibit dihyet bi ba, ikuk yok bak nung di ngkiai nya ikuk yok bak nya. Igyai mun bibicim tindei Ditde nicuk yokti cem bi. Israel kin Yehuda yahacem injiriek Ditde gi preu di dipreu ei mem idigup bat-idigai bat nya tu.

YEREMIA 11:10 ပူးပေါင်းရင်းမြစ်များ

NINDAT KEP TUHAN NICUKTI NYA 31:16

Lene Noni pai bak Musa “Jei bi lene ayaijo ngwig hon ug ri. Niabiati amai leu mben Israel tu lene yoni ingon gom tut Da bu bi leu api ikrau kep mun po dipreu ei mem yok pima bu bi ri. Yoni mikes Da ei leu api mikuk yok bak nung nya di ingat rin ei minu di sindi icoi bibong kep dima ug ri.

YEHEZKIEL 16:59

tuhan Di Ninyeng Jei Bibor pai “Midibibon na bit leu ade nibon munti nya. Lewo aba angha bak ade nehengti ba, abitunggwei Ditde nipreu ei mem nati cem.

SAMUEL GI NIGOM 15:11

“Dinso Danti tut gi didimig Saul nok nibou ndig lewo noni kiek noho ter leu Da ba, bit ditde nicuk noti bi.” Lene Samuel ningon buhun bibor ba, ngat nadi bibidip huk Allah kikau mem mmun dima.

NIJAM NIKEI NYA 2:19

Noro niabiati nibou pima mai leu yok tu lene yo dima ingkwei hanyen ndam igyai kepti di kinei nya lene ikou sut gi inggek tut igyai munti nya. Lewo ikuk yok bak nung nya kindi-kindok hanyen bu ba, ingkek ndok bibor.

NIJAM NIKEI NYA 2:17

Noro mben Israel iba inghim bak ide nibou dima yok ighyet lewo ingon gom tut tuhan bu bi ba, ikuk yok bak nung nya tu. Idigup bat-idigai bat nya ibit tuhan nicuk yokti nipou su noro tini bu ne yo dini ikiek yoho ter leu Noni ba, ingkek ndok.

IBRANI 8:9

Gi preu nijep dima noyam kin gi preu nitimiei di dibibon mem idigup-idigai bat nya tirigi dibrim yok kwei leu minu Mesir bi. Yoni ingon gom tut gi preu di dibibon mem yok dima bi. Gima rino dikes yok ei leu api dinyohou yok bu bi.

ZEFANYA 1:6

Midibindei sar yo di ikuk yok biDa bi nya kin yo di yahara Da leu binhyepo dibie tut yok bi nya kin yo di iba inghim biDa kin yo di ikou sut gi ibit dihyet yahagom.”

HOSEA 6:7

Noro noyam kin mun di pek kep ei minu mien Adam ba, jinjiriek nipreu di jipreu ei bit Da.

YEHEZKIEL 44:7

Yoni ibindei map kui Ditde Ig tirigi indig kep mindhe-ndhe nimmau ndok kin ninggrom bibikuk yok biDa noro isindui sut ba, ngkiai di ibit midut sunat kin dihyet cem bi icoi kwei ei Ditde Ig a. Tug hon ide nibon munti di bindei ba, diyai ttin ser dima itunggwei Ditde nipreu di dipreu ei mem yok tu.

MAZMUR 78:57

Yaham imbuk kep Allah noyam kin idigup bat-idigai bat nya. Noni ba ningon com yok bi lewo idem kep tibor di koi-ka.

NINDAT KEP TUHAN NICUKTI NYA 9:7

Ma jiyok ngon kep notou jibindei ba, tuhan di nok jide Allah ningon sibui sut je ei iggum ndigsi pima. Habiei tirigi jingwes ngun leu minu Mesir kikau kwei bipek njap dino jikwei krau mpia dini lene jahagom jiyai munti hwen bit Noni.

IMAM NYA IDE MIDYAI 26:15

jipigau gi preu po dipreu ei mem jeni pima ba, jibit dimbrap tutti kin didimig sutti nya bi,

ZAKHARIA 1:4

Ma jiyai kep jidigup bat-jidigai bat di nipou nya igyai kepti nya au. Nipou yo ne nabi nya itri tut dihyet bak yoni leu binhyepo imbuk bibor bibon sisar bu au. Noro igimiap kep dihyet ba, ice tut bibit bi.

HOSEA 7:16

Idor bit kwar di ikuk yok bak di mbun nisindemti hi bi sren dima yok bijo kikau nok. Idem kep hampiap di drot-drau ba, dem mem gima hi ba ningon com yok bi. Nibou di ide nya iba ingon di jei bimbrap. Gima rino yoni mitug ndei nimai tug hon singau simeda apino mben Mesir ipa ndip yok.”

HOSEA 6:4

Noro tuhan pai “Je di mben Israel kin Yehuda nya e, dinggon ndei je i? Jingon di ngakei Da pren-pren nyen haninyai noyam kin bumbuhui kin nggou di pren mem njap tekti.

YEREMIA 31:32

Gi preu nijep dima noyam kin gi preu nitimiei di dipreu ei mem idigup bat-idigai bat nya tirigi dinyohou cen yok kwei leu minu Mesir bi. Mbro nok gino dibon Danti bidinok ijjep lo, ikou sut mun di dipreu ei mem yok.

NIJAM NIKEI NYA 2:11

Mpe dima lene mben Israel ibon sisar tut tuhan tirigi sindi ikuk yok bak kwar Baal nya.

YEREMIA 7:28

Gima rino apai kep yok bipia inok mben di ingkek ndok igkei. Dani ne tuhan rin bidinok ide Allah noro ibit dihyet bi. Hukum di dikes ei yok dip tot ingonti bi. Ide niba ningon com Dati pren hak leu yok ba, isimbot kep biyam tut cem bu bi.”

YEREMIA 9:6

Nisibut tut yamti jo kep nisibut tut yamti ba, niris mun biyamti jo kep niris mun biyamti. Ibon kep nok gima bijo kikau ba, irok tuhan bibor ei cem.

YEREMIA 13:10

Mben di isibut bibor dini igibit dihyet bi lewo ingkek ndok bibor. Ikuk yok bak nung di ngkiai nya ide ba, inok awak mem. Gima rino yoni midem kep minghas di nggun dini.

YEREMIA 17:23

Noro jidigup bat-jidigai bat nya imiap kep dihyet ba, yahati tut Ditde nicuk yokti dima cem bi. Ingkek ndok ba, ikou sut gima ibit dihyet cem ikou sut Ditde nipingok yokti cem.

YEREMIA 44:5

Noro jikou sut gima jimiap kep dihyet. Jingig jitingou mem bi. Jikou sut gi jikes hon nibon midut di kinei bibor nya tug hon gi jinding mindhe-ndhe ei humti ba, jibikuk je bak kwar nya.

YEREMIA 44:16

“Nikou sut gi ningig nitingou mem mun di apai binye gau tuhan ninyeng dima.

YEHEZKIEL 5:6

Noro minu ndig Yerusalem rok Ditde nicukti ei su apino jo nibreisi bipia minu ndig dima kinei bibor dor njiriek ngkiai nya. Minu ndig dima gibit dihyet bi bidor njiriek minu ngkiai nya di jo ttai nya hagom. Minu ndig Yerusalem yai mun tunggwei dicukti nya bikou sut gi bit Ditde niggai serti nya.”

ZAKHARIA 7:11

Noro Ditde limwa nya ingkek ndok ba, idat kep itingou ser leu ba, igimiap dihyet bi.

ZAKHARIA 7:13

Dibuhup ide nadi bi drek dip gino igimiap kep dihyet tirigi dimbrap bit yok bi.

YESAYA 24:5

Nirom mikui dihyeisi dini tug hon timiei nya di itunggwei Allah nicukti nya di iba Nide nidimig sutti nya bikek ba, ingkek ndok tut Nide nipreu ei mem yokti nya cem bijo ninno bijo kikau.

YEREMIA 22:9

Leu api nindigsi nya mibuhup bipia gima yok hagom cut igkep je drek dip gi jiba jinghim bak Da di jide Allah de nipreu eisi di ipreu ei mem yam tu leu api jikuk je bak ngkiai nya ide nung nya.”