YEREMIA 10:8 - ALLAH NIHYET MEM TUNGWATU NYA

⁸ Yo dima yahagom ibbwe ba, ingon mbum cem. Lewo iba biei nitu bibon ide kwar di ngginau yok tut mun di bon ninyeng kan bi.

YEREMIA 10:8 ပူးပေါင်းရင်းမြစ်များ

MAZMUR 115:8

Nna ba mun dima yok hagom cut igkep yo di ibon kwar dima yok di iba ingon com nya.

MAZMUR 135:18

Handei kon ba, ma mun dima yok hagom cut igkep yo di iba ingon com kwar dima yok.

YESAYA 41:29

Nijit ne kwar dima yok hagom bon ninyeng bi. Yahagom inok kwar di isindem bi di tungwatu nya ibon bou inda him. Yahagom inghuisi jet. Isindem mem gima ibon mun nyeng hi bi.”

YESAYA 44:18

Yo di igyai nok gima ingkek ndok bibor! Imut igyai ba, ingon ndok ser lewo ingon hukti tut mun di igyai dima haigtu bi.

YESAYA 44:19

Neheu kep kwar cig dima kan-kan nyen tut niyai munti dima bi. Noni kan “Sirop biei njem bisindig bihi kep hum lene siba bihi bikang roti ba, sibibam mikwau cem bisiyem. Lene siba biei nindigsi bibon kwar bou sinda him. Ningat ne sikuk sa bak biei ttou dima he!”

YEREMIA 10:14

Tungwatu nya ingat gima yok lene ingon huk niti bipia ingon mbum ba, ingon dor niti bi. Tukan mas nya igwam nimmaiti. Lewo ide kwar nya di ikuk yok bak di ibon bou inda him dima nitrowai he ba, ninnei joti bi.

YEREMIA 2:27

Jahagom mijimmai sut jenti lewo jihig biei ttou gom nok jicig ba, jihig tig nitindak gom nok jipmem. Jikwei kuk je biDa bi noro jikes Da ei. Tirigi mun di buhun cut igkep je lene jahara Da leu binhyepo diteu je bijingwes ngun.

YEREMIA 3:9

Gi mbun immai sut yonti cem kan bi. Ibindei ba, map kui ide minu drek dip ide sisar nikuk no bak tig kin biei nya.

YEREMIA 4:22

tuhan pai “Ditde limwa nya ingon mbum bibor ba, igikan igbit tut Da bi. Idem kep munggwom di ingon huk niti tut mun nyeng hi haninyai bi. Ingon guhuk niti poi mien cem bi hak ug. Tut mun di kinei ne ibon kep igkei noro itunggwei sut nibon mun di keisi nya.”

YEREMIA 5:4

Di kan “Nok ug e. Yo dini ne limwa di ibon inyeng ba, ikan tut mun nyeng hi bi nya ri. Iba ingon mbum bibon mun lewo ikan tut tuhan Allah ningon kanti mem yok kin Nide niyok ningon mem yokti cem bi.

HOSEA 4:12

Jahara biei ttou kin tom leu binhyepo indo puig di kei bije. Bon tom buhup bipingok jingonti e? Jahagom jinok sop wak cam di krar igkei. Jikes Da ei leu api jikes jenti ei nung nya indati.

YUNUS 2:8

Yo di ikuk yok bak kwar di bon ninyeng bi nya yahagom ingon gom bu bi ba, ikes Na bihigom ei su.

HABAKUK 2:18

Kwar di tungwatu nya ibon bou inda him dima kei mem mindei i? Kwar dima ris tungwatu nya ei nikineisi. No di bon kwar bou ninda him ba ningon com kwar dima mikuisi lewo bit bon kwar dima buhup nihyet kan bi!

ZAKHARIA 10:2

Tungwatu nya yahara kwar di ikuk yok bak nya kin yo di inda dut nya leu binhyepo imbot kep tut mun di mipek kep. Lo, nibuhupti di igyai leu yok nya igbit bi lewo isuglai nitu he. Bihi itri tut mumpriem nimbot kepti lo, nimbot kepti dima bindei ba, jisrawir. Ighyet di ibigwam ser jingon cem bon ninyeng bi. Gima rino limwa nya intek gimahap bidem kep nok domba di intek gimahap leu api mun di buhun cut igkep yok lewo igimbun ide gembala di bie tut yok bi.