YEREMIA 10:5 - ALLAH NIHYET MEM TUNGWATU NYA

⁵ Kwar dima dem kep nok tungwatu di nijit bi nya di imbrap kan bi ba, imbut imig cem kan bi di itas ei miai bimen dumti. Ba, suar tungwatu nya ikon-kon nyen yok he. Gima rino ma jittin mun dima yok au. Lewo dem mem gima ibon mun di kinei sut je ba, isindem mem gima ibon mun di kei sut je cem kan bi.”

YEREMIA 10:5 ပူးပေါင်းရင်းမြစ်များ

NIBOU NDIG NYA GI NIGOM 18:26

Yoni idimig sapi nikre ningut gom ei bitin ei bidem tu. Lene ingat nadi bak kwar Baal leu njap bigyoti kikau bipek mpia huk pijum. Iba ighyet nindig bibor pai “Na di kwar Baal e, ma abuhup nyeni nihyet o!” Lene ipri-pri nyen bibikrop ttai ide nimbar hum dok noro kwar Baal di ikuk yok bak buhup ighyet bi.

NIBOHON MBEN ISRAEL GI NICAN 25:15

Nibon munti dima bindei ba, tuhan gga Amazia bicuk nabi gom buug ngat noni. Nabi dima pai bak “Nggon rino Na Di Andigpoi akuk na bak mben ngkiai ide kwar di isindem mem gima iteu ide limwa nya leu anda nsi di ingwes ngun ug bi dima i?”

YESAYA 16:12

Mben Moab igruap nikui mbigdip ug ei ide mpia di ibon midut bingat nadi bak ide kwar di ikuk yok bak eisi. Noro nadi di ide dima hi gi miap bi.

YESAYA 45:20

tuhan pai “Je di timiei ngkiai nya di jingwes ngun e, ma jinduk yam kwei! Yo di ittei yam kui-juk nyen tut ide kwar nya bingat nadi bak ide kwar di bit bon teu yok bingwes ngun kan bi yahagom ingon mbum bibor.

YESAYA 46:1

Mben Babel ide kwar nya ningwig honti rinok gini. Nipou ne yo dima ikuk yok bak kwar Bel kin Nebo noro tini bu ne ikon kwar dima bikes ei keledai nya dip bimbut tut. Kwar dima ibuhun tak mindhe nya ba, inghuisi wei.

YESAYA 46:7

Noni cim kwar nimbumbati nya eisi leu api tas ei nijoti ba, bit bon kwar dima son-son nyen biya ser kan bi. Gino tungwagom ngat nadi bak lene bit bon kwar buhup nihyet biteu noni leu mun di buhun di cut igkep noni kan bi.

YEREMIA 10:14

Tungwatu nya ingat gima yok lene ingon huk niti bipia ingon mbum ba, ingon dor niti bi. Tukan mas nya igwam nimmaiti. Lewo ide kwar nya di ikuk yok bak di ibon bou inda him dima nitrowai he ba, ninnei joti bi.

HABAKUK 2:19

Jitug ndei nisigion jeti tu! Lewo jipai bak biei ttou gom “Ada ayai ba, akiju!” Lene jipai bak tig nindig nindak gom “Akiju ba, aya!” Kwar dima sindem mem gima mbot kep tut mun nyeng gom bijeni e? Mbro nok gino jiba perak kin mas binggai kep kwar dima lo, ninnei joti bi.

KORINTUS GI NIGOM 12:2

Jikan tut bipia tirigi jingon tindur yo ne kwar di ibon innei bi nya iris jeni ei nikineisi ba, jisrawir.

KORINTUS GI NIGOM 8:4

Tut munhyet niyem mikwau di ipigig ser ei mem ide kwar ne ikan tut bipia kwar bon ninyeng bindo tut mun di ningat rin bi. Ikan tut bipia Allah gom ngat he ba, hiter ningat rin bi sren.

NINDAT KEP TUHAN NICUKTI NYA 4:28

Mijikuk je bak nung di ngkiai nya ibon bou inda him nok kwar di iba biei kin tig bibon di bit bon ingat mpia bi lene imiap mun bi lene igyem njita bi lene itinip kan bi au.