YEREMIA 10:18 - ALLAH NIHYET MEM TUNGWATU NYA

¹⁸ Mpe dini ne tuhan micom mben Yehuda yahagom ug ei ingkiaisi. Noni mibindei sar jahagom bijingwig hak ug. Gima ne tuhan De nisok kep jeti ri.

YEREMIA 10:18 ပူးပေါင်းရင်းမြစ်များ

SAMUEL GI NIGOM 25:29

Gino tungwagom cut igkep na di Andigpoi ba, bingon ei mem gima yai nimai bina lene tuhan minyohou na di Andigpoi noyam kin no di nyohou ndigban di nibok kak bibor. Noro tuhan micom na di Andigpoi ade siceu nya ug ei minu ting noyam kin no di ba bikumsikik biprindei tigya.

ZAKHARIA 1:6

Ditri tut dicukti nya kin disok kepti nya bak jidigup bat-jidigai bat nya tug hon Ditde awak ngot di nabi nya nipou su. Noro igimiap kep dihyet bi apino ibiang igyai munti nibuhunti ug a. Leu api inso yonti bipai bipia Da di tuhan Di Disindem Bibor dikes hukum ei yok dip bit leu ide nitunggweisi ba, gima ne Ditde nikos tutti mem yok ri.”

YEHEZKIEL 6:10

Apino mijo nibreisi mem yok bipia Dani rino tuhan. Nisok kepti di diyai biyok nya hagom nok ninos yokti di mikui-kausi bi sren.”

YEREMIA 23:20

Nigga biborti dima mingwig hon nohonti bi bibou Noni yai hagom bit leu ningon kanti bidem ug e. Mun dini yok mijo nibreisi mem Nide limwa nya ei nidipti bu.”

YEREMIA 16:13

Gima rino midicok tut je leu minu dini bidicom je ug ei jingkiaisi di jeni kin jidigup bat-jidigai bat nya jingat bou jiyai him bigyo. Mijikuk je bak mbrei nya ide nung nya mem mmun-njap ei minu dima noro midingondut je bi.’ ”

NINDAT KEP TUHAN NICUKTI NYA 28:52

Yoni minjei siceu bihwen bikwop minu ndig di jo ei minu di jide tuhan Allah miyai bije hagom apino ngug tig di jo nai di jibindei sindem di jiba jingon com nya cem mitti hak.

YEREMIA 22:26

Midijji apmem jeni bidicom je ug ei jingkiaisi di jisrek eisi bi leu api jahacem mijitug ndei nimai ei minu dima.

ZEFANYA 1:17

tuhan pai “Midikes mun di buhun mang bibor ei tungwatu nya dip lene gima bindei ba, itibap-tibap nyen noyam kin yo di igyai tu. Ibon sisar tut Da apino nogindini inggrom siber bidem minyei di biam ba, nimbiam ngut mpiei ei dihyei njek dip.”

YESAYA 22:17

Mbro nok anyeng jei lo, midikat na bidicom na ug ei minu ting.