YEREMIA 10:12 - ALLAH NIHYET MEM TUNGWATU NYA

¹² tuhan ba nide nisindemti bipai tes dihyeisi dini. Noni ba ningon di ki bibon minu nya hagom lene ba nintin kimboti bikes mpia-bbed him bijo nijoti.

YEREMIA 10:12 ပူးပေါင်းရင်းမြစ်များ

NITRITI 1:1

Ei nimbie him ngat tirigi Allah kinyon ei nipai tes dihyeisi kin mpia-bbed him kin mun di joti nya hagomti,

NITRITI 2:5

njita kioi hei ei dihyeisi bigyo lewo Noni pai tes mpia di but kin tungwatu nya mem igyai miai bigyo.

NIBOHON MBEN ISRAEL GI NIGOM 16:26

Mben hiter nya ide kwar nya di ikuk yok bak ne kwar nya he ri. Noro tuhan ne No di pai tes mpia-bbed him titut yam ri.

AYUB 26:7

Allah kieng mpia-bbed him gau muk ningwa dip. Noni pindur dihyeisi dini ei mpia-bbed him ningwakti lo, mun nyeng hi hati bi.

AYUB 37:18

Anoyam kin Allah e? Bon angig mpia-bbed him ba, abindei bingkiem dem kep nok kisina ngkimom-tembaga di mimmun kan e?

AYUB 9:8

Allah sindem mem gima prion mpia-bbed him ba, hi dima mpu Noni bi. Noni co kep mindhe naga di bong muk jou bidram ninghim cem.

MAZMUR 104:2

lene aba nipigati binggai kep Nanti. Angig mpia-bbed him nok no di hok prak meng ba,

MAZMUR 104:24

tuhan e, aba angon di ki bipai tes mun nyeng mang bibor. Dihyeisi dini mpung tut Ade nipai testi nya.

MAZMUR 119:90

Angon gom tut tungwatuti nya jo kikau bijo nijam jei. Apai tes dihyeisi dini apino dihyeisi dini jo nijoti di bijo a.

MAZMUR 24:2

Noni kes dihyeisi nikiou bijo ei muk ngwa dip. Noni tig cou nipmem nya binok dihyeisi nitriti ei minyei jou.

MAZMUR 33:6

tuhan pai tes mpia-bbed him tug hon nicukti. Noni pai tes mpia njap kin bed mmun kin ham mpia-bbed him nya hagom tug hon nihyet di tibim ei nuhui him.

MAZMUR 65:7

Ata nungug nya hagom bijo nijoti tug hon Ade nisindemti leu binhyepo ando Ade nisindem biborti brei bak tungwatu nya.

MAZMUR 78:69

Noni ngot Nide Ig di noyam kin nitimieisi di ngot ei gwamti. Noni bindei ba, bit bon ig dima tti hanyen kan bi ba, noyam kin dihyeisi dini di ngkiem kei bijo ninno-bijo kikau.

MAZMUR 93:1

tuhan ne Nibou Ndig ri. Ninyeng di jei kin nide nisindemti dem kep nok sinsun nibou ndig di Noni juk. Noni kes dihyeisi dini ei nijoti bibindei nddong kei ba, bit bon ugwa-kwei kan bi.

NIPINGOK NINGONTI 3:19

tuhan ba ningon kiti bipai tes dihyeisi lene ba Nide nintin kimboti bikes mpia-bbed him ei nijoti.

NIPINGOK NINGONTI 30:4

Tou rikui ug ei gwamti bijuk hanyen kwei su i? No dima kat hou nimig ei ninda bia bei tu e, he tau minyei binggai hagom ei nide sinsun nindati tu e, he kos tut dihyeisi dini nohon keti nya e? Gino akan tut no dima ninyeng kin nimunggwom bat nya inyeng ne tou yo i?

YESAYA 37:16

“tuhan Di Ninyeng Jei Bibor di Allah Israel di gwam nai kerub dip e, Nani ne Allah gom ngat hak di anyeng tak kep minu ninyeng tak kepti nya hagom ei dihyei ninjek dip dini ri. Nani rino apai tes mpia-bbed him kin dihyeisi dini.

YESAYA 40:22

No di gwam ei Nide banggo mbrei di jo anai dihyeisi dini bijo mpia-bbed him nuhu kwei pai tes dihyeisi dini. Tungwatu dihyeisi dini inok ako di bigbibor bou niyai him. Noni prion mpia-bbed him dem kep nok no di dis sre kin no di hok prak meng mem gima bong eisi.

YESAYA 42:5

tuhan Allah pai tes mpia-bbed him biprion ei anai. Noni pai tes dihyeisi dini kin mun di hei bidem ninjek dip hagom. Noni yai niyaijo kin ninnei bak tungwatu nya yahagom. Nogindini tuhan pai bak Nide awak,

YESAYA 44:24

Jide tuhan di teu je leu jide sisar bipai tes je ei jipmem bat nya inghopti pai “Dani ne Nipai Tes Mun Cig ri. Dangkom diprion mpia-bbed him ei anai. Tirigi dipai tes dihyeisi lene hi mpu Da bi.

YESAYA 45:12

Dani ne tuhan rin ba, dipai tes dihyeisi dini leu api dipai tes tungwatu nya leu binhyepo ibong kei igwam kei eisi. Diba Ditde nisindemti biprion mpia-bbed him ei anai ba, dinyeng tak kep mpia njap kin bed mmun kin ham mpia-bbed him nya hagom nimbutti nya.

YESAYA 45:18

tuhan di pai tes mpia-bbed him Nongkom ngat he rino tuhan! Nongkom pai tes dihyeisi dini binddong kei cem jo nijoti cem. Noni pai tes dihyeisi dini kinei binok mpia nintiti bi noro nok nibreisi mem tungwatu nya bibong kei bigwam kei eisi. Noni pai “Dangkom he rino tuhan ba, tuhan hiter ningat rin bi.

YESAYA 48:13

Dibon dihyeisi dini nikiou bou dinda him bidikes bijo nijoti ba, diba niban bijun mpia-bbed him cem. Gino dihig dihyeisi kin mpia-bbed him kwei lene ikwei didiyam.

YESAYA 49:8

tuhan pai bak Nide limwa nya “Mpe dino nicunti dem mem gima diteu je bijingwes ngun lene midingondut je bidimpu je lewo jahara Da tu. Midiya srak ko hagau je bidiya ser je cem. Midipreu ei mem tungwatu dihyeisi dini hagom tug hon je. Midipindi jide ig kum kroisi leu binhyepo jiba jekep minu dima bijibong kei jigwam kei eisi hanyen.

YEREMIA 10:13

Noni ba nicukti he bibindei ba, minyei nibimbi bong ei niban di bikwas minyei leu yam ei mpia-bbed him. Noni bindei hei bumbuhui bikiju kwei leu dihyei nohon keti. Noni bindei hei kigyei cem ba, ninjeng srei bigetti leu api bipinak hou cem kwei leu nijo bou dip.

YEREMIA 10:16

Yakub de Allah noyam kin kwar di ikuk yok bak dima yok bi. Noni ne no di pai tes mun nyeng hagom ri. Ninyeng rino tuhan Di Sindem Bibor ba, Noni dimig Israel binok Nide limwa.

YEREMIA 14:22

Bit bon ngkiai nya ide kwar nya ibindei ba, mpia but kan bi. Mpia-bbed him cem sindem mem gima bindei ba, biget mbras kwei ei dihyeisi dini bi. tuhan e, niyok ningon mem Nangkom. Nangkom he rino abindei ba, mun dima yok pek kep mem nye.

YEREMIA 27:5

“Diba Ditde nisindem biborti kin dinda di sindem bibor bipai tes dihyeisi dini kin tungwatu nya kin mindhe-ndhe nya hagom. Diyai gima yok hagom bak no di didimig ei bit leu dingon kanti.

YEREMIA 32:17

“tuhan Di Ninyeng Jei e, Nani rino aba Ade nisindemti di nindig bibor bipai tes mpia-bbed him kin dihyeisi dini. Mun nyeng hi di nggruk mem Nani bi.

ZAKHARIA 12:1

Gini ne tuhan nihyet di sok tut Israel ri. tuhan di prion mpia-bbed him bipai tes dihyeisi biyai niyaijo bak tungwatu pai,

YOHANES 1:3

Allah pai tes mun di hagom tug hon Noni ba, pai tes mun nyeng gom njiriek Noni bi.

KOLOSE 1:16

Allah ba Kristus bipai tes mun nyeng di ningat rin ei gwamti kin mpia-bbed him kin dihyeisi dini hagom bitut mun di tungwatu nya ingat brei kin mun di bit bon ingat bou igyai him kan bi nya bitut ninnei di isindem bibor nya kin ninnei di inyeng tak kep ide limwa nya hagom. Allah pai tes mun nyeng hagom tug hon Kristus lene mem Noni cem.