YEREMIA 1:18 - ALLAH NIHYET MEM TUNGWATU NYA

^18-19 Amiap e! Timiei minu dini bitut nibou ndig nya kin yo di igya kui noni kin imam nya kin ide limwa nya mite tut nani. Noro njap di ammani dibindei ba, anok minu ndig di bon tentara nibousi kin cou nipmem ngkimom nitu kin ngug ngkimom-tembaga. Bit bon ibindei cut nani kan bi lewo midingat rin bit na bidiya srak ko hagau na cem. Da di tuhan disimbot dat tu.”

YEREMIA 1:18 ပူးပေါင်းရင်းမြစ်များ

YESAYA 50:7

Mbro nok gino ighyet wer mpiahi tut da lo, midimmai sut danti bi lewo tuhan Allah mpu da. Midibindei ba, dingon nddong lewo dikan tut bipia ighyet ngwig kep da,

YEREMIA 1:17

Yeremia e, ma atin ei! Aug ngat yok ba, atri tut dicuk nati nya hagom biyok. Ma attin tut yok au. Leu binhyepo dibindei ba, attin yok nindig bibor bu tirigi aya ei yoho bei bi.

YEREMIA 15:10

Dingon kinei bibor! Nggon rino dipmem srek tut da i? Suar disrep tut bikwop timiei minu dini bidipai kep yahagom. Mbro nok gino ditde ningwam jo bak yo di hiter bi ba, yo di hiter cem ide ningwam jo bida bi lo, yahagom imbriom da.

YEREMIA 15:20

Midibindei ba, anok ngug ngkimom-tembaga bou yo dima igyai him. Mbro nok gino ihwen bit na lo, ibindei timek na kan bi. Lewo midingat rin bit na leu binhyepo diya srak ko hagau na. Miditeu na ba, angwes ngun.

YEREMIA 20:11

Noro Na di tuhan asindem bibor ba, atti kin da tu. Yo di ihwen bit da micut lewo isindem bi. Leu api immai sut yonti kikau lewo ingon kanti dima cut igkep da bi. Yo di hiter mingon prion ser ide nimmai sut yontiti bi sren.

YEREMIA 21:4

leu binhyepo yuug pai hanyen bak Zedekia mben Israel ide tuhan Allah pai “Na di Zedekia e, midibindei timek ade tentara nya di ikon pran kikep bit nibou ndig minu Babel kin nide tentara nya. Midipos tentara nya ide minggwen nya hagom leu binhyepo dibirok kik minu ndig nahacanti.

YEREMIA 26:24

Mbro nok gima lo, mun di kei pek kep mem da tug hon Ahikam di Safan nipmot di mpu da apino nibou nya ikes da ei ide limwa nya indati leu binhyepo igyai nimai bida bi.

YEREMIA 34:3

Bit bon anang ba, allu leu ninda nsi kan bi. Noro siceu mikat na bikes na bak nibou ndig minu Babel lene aum noni ba, ambrap pijum bit noni. Leu api nide limwa nya mibuwak na ug ei minu Babel.

YEREMIA 37:7

bidipai bak yo di Zedekia cuk yok kwei bipia “Ma jipai bak Zedekia ‘Tentara Mesir sindi ikinyon kwei mem gima impu na noro jei bi lene yoni mitti kep inghim dip bingkwei hanyen.

YEREMIA 38:18

Ne gino akes nanti ei indati bi ne minu dini micut bak jide siceu di mben Babel leu api yoni mindig minu dini bitimek bingwig. Bit bon angwes ngun kan bi.”

YEREMIA 38:2

bipia tuhan pai “Tungwa tou rino ku no nyahan ei minu dini mitug ndei nimai tug hon pran kin ninggum kin nsuwer ajar. Noro tungwatu tou rino hei leu minu dini bikes nonti ei tentara Babel indati mitug ndei nimai bi noro miningwes ngun.”

YEREMIA 42:22

Gima rino ma jiyok ngon kep bipia mporo jimai ei pran kin ninggum kin nsuwer ajarti ei minu di jibisau sut juug bijibong timiei eisi dima ug ri.”

YEREMIA 6:27

tuhan pai bak Yeremia “Ma abingon Ditde limwa nya noyam kin gino abingon ngkimom nitu. Ma ayok ayai kep igyai munti nya!

YOHANES 1:42

Leu api noni buwak Simon bikwei ngat Yesus. Yesus ngig niyai kep Simon lene pai bak “Anyeng Simon ba, acig ninyeng Yona. Noro hon kep ammani kui ne ijem anyeng Kefas bu.” (Ninyeng Kefas noyam kin ninyeng Petrus ba, ndo tut nungug tigya.)

NINGAT-HI-NGAT NYA 3:12

Dita no di bindei cut sisar nisindemti nok cou nipmem ei Allah De Ig leu api noni mibong kep Ig dima kikau buug hon nohonti bi. Midipas kep Ditde Allah ninyeng kin Nide minu ndig Yerusalem di nijep ninyeng ei no dima dip. Ba, minu ndig Yerusalem di nijep misrek kwei leu Allah ei gwamti. Midipas kep dinyeng di nijep bu ei no dima dip.