YEREMIA 1:14 - ALLAH NIHYET MEM TUNGWATU NYA

¹⁴ tuhan pai bida “Nirai dima bindo tut mun di buhun di mikwei leu nite bei mpia nijjai dima bindei sar timiei minu dini yahagom ri.

YEREMIA 1:14 ပူးပေါင်းရင်းမြစ်များ

YESAYA 14:31

Minu ndig Filistin nya e, ma jipim kui jei bijahara mem tungwatu nya ikwei mpu je! Ma jahagom jihyet kui yam tut ba, jidigit ei yamti! Bumbuhui ttou gom di nok dihyei ntui kui dat mpia-bbed him leu nite bei mpia nijjai ba, bindo tut nimpung siceu di injei kwei ri. Ba, nibindei ttin cig hi srig ikieti bi.

YESAYA 41:25

Didimig tungwagom di bong bei mpia nipriti ei su leu api dihig noni kwei leu mpia nijjai bikon pran. Noni mico kep nibou ndig nya noyam kin gi ico kep igkrop. Noni ne niba igtuyap bibon kep dibijig cig di co kep igtuyap ri.

YEREMIA 10:22

Ma jingig jitingou mem! Nibimbiti tibim kwei leu nite bei mpia nijjai tut ngkiai nya di ibindei di nugwei bong. Tentara di ide nya mibindei ba, minu ndig hagom ei minu Yehuda minok iggum ndigsi ba, dem kep ha ngunti. Leu api nsien bigbehei nya mitot yaham ei mpia dima yok.”

YEREMIA 11:17

Da di tuhan Di Disindem Bibor rino diwin minu Israel kin Yehuda. Noro tini bu ne dikos tut bak yoni bipia midikes mun di buhun bibor ei yok dip. Yonti rino ibindei di mun dima cut igkep yok lewo ibon kep mun di kinei tug hon ide midut nindig mindhe titut kep humti ba, ibikuk yok bak Baal. Apino digga yok ug a.”

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 31:8

Midibuwak yok kwei leu nite bei mpia nijjai bidinduk yok kwei leu minu nohon keti. Yo di igyai tu nya kin yo di ilit nya yahagom mibit yok kwei bitut sop di inghop kin sop di sindi inghim dut tut munggwom nya cem. Imang ndig mikwei hanyen ei itimieisi dini.

YEREMIA 4:6

Ma jindo hangi puig di ug ndam tuhan de Nungug Sion! Ma jipri haninyai ba, jibinyen au. tuhan tin ei mem mikes mun di buhun kin mun dibindei sar di nindig bibor kwei leu nite bei mpia nijjai.

YEREMIA 46:20

Minu Mesir dem kep sapi pmot di pap-nap kei noro kros gom di kwei leu nite bei mpia nijjai waisi.

YEREMIA 47:2

tuhan pai “Angat i! Minyei biam kwei leu nite bei mpia nijjai ba, kui mpia bidem kep minyei ndig di su bihwen minu dini bitut mun di joti nya kin minu ndig nya bitut timiei di ibong niti nya cem. Tungwatu nya yahara nimpu yokti ba, limwa nya yahagom mipim nggruet.

YEREMIA 50:41

Mben di isindem gom imig jo kep nimbut kwei leu minu ting bibor ei nite bei mpia nijjai kwei su. Igya tut nibou ndig imang bibor kwei mem gima ikon pran.

YEREMIA 50:9

Midiba ngkiai nya di isindem bibor di ikwei leu nite bei mpia nijjai bicom yam mem gima injei bihwen minu Babel. Yoni midimig ide nimpung tentara mem gima ikon pran bibindei timek yok cem. Yo dima ne tentara di ikri tibor kan di iprindei tunggwei kan bi ri.

YEREMIA 6:1

Je di jintun Benyamin him e, ma jinang bijingwes ngun! Jinang leu minu ndig Yerusalem bijo! Jimiep pun mbrei ei minu ndig Tekoa. Jibuhui hum nibitto ei minu mien Bet-Kerem! Lewo jei bi ne mun di yok nisinsiou kin ninggruk biborti ei nyeti micut igkep nye kwei leu nite bei mpia nijjai ri.

YEREMIA 6:22

tuhan pai “Mben di isindem bibor gom minjei kwei leu itimieisi ei nite bei mpia nijjai ei minu ting bibor bikon pran.

YEHEZKIEL 1:4

Dikon dibou bidingat lo, hou di nimig ten bibor cut kwei leu nite bei mpia nijjai. Kigyei ninjeng cem srei ei bumbuhui ttou nindig gom bipiga digai mpia-bbed him di gahai nya hagom. Ba, mun di iba ngkimom-tembaga bibon di sieng kei jo hammi kigyei dima nibousi.

YEHEZKIEL 24:3

Da di tuhan Ditde nihyet nibiti nindati gom mem gima atri tut bak Ditde limwa nya di yaham imbuk kep Da kikau nya pai bipia, Akiber minyei ei yeng brekti leu api akes tut ei humti.

YOEL 2:20

Midijji hai ceng nya di inok tentara nya di ikwei leu bei mpia nijjai leu api bihi minang ug ei iggum ndigsi. Midijji gi hi di bie ug ei Igpong Nsimti leu api midijji gi hi di ya abia ug ei Muk Hacanti. Hai di imai nya impiei dem kep nok mindhe nggruau nimpieisi. Midibindei ba, itimek bingwig drek dip gi ihwen bit je.

ZAKHARIA 6:6

Kroba pran di kuda nimmun nya ikri mbut ndam nite bei mpia nijjai biyuug ei Babel. Kuda nitiei nya imbut ndam nite bei mpia nicutti lene kuda di nillikti nya imbut ndam minu di jo nite bei mpia nibiho.”