YEREMIA 1:10 - ALLAH NIHYET MEM TUNGWATU NYA

¹⁰ Njap di ammani dipinak na leu binhyepo aba ahyet buhun bisok kep mben dihyeisi dini kin ninyeng tak kep limwa nyati hagom. Aba ahyet buhun dima bisrep tut nibou ndig nya ba, abinggek tut inyeng di tak kep ide limwa nya bingwig cem. Abindei sar yok cem leu api awin minu jep ba, ayai miai cem.”

YEREMIA 1:10 ပူးပေါင်းရင်းမြစ်များ

NIBOU NDIG NYA GI NIGOM 17:1

Mpe di gom lene nabi Elia leu Tisbe ei hanjop Gilead ug pai bak Nibou Ndig Ahab “Andigpoi e, dinok awak mem mben Israel ide tuhan Allah di niyaijo. Dipai tug hon Nonti ninyeng bipia hon kep ammani kui lene mpia ngei ndung ba, nggou mipren leu dihyei ninjek dip kikau mem ari bingwam can ningai dini kui bibo danti dipai sut hanyen ug e.”

NIBOU NDIG NYA GI NIGOM 19:17

Tungwa tou rino ningwes ngun leu Hazael de simeda mitug midut tug hon Yehu de simeda. Lene tungwa tou rino ningwes ngun leu Yehu de simeda mitug midut tug hon Elisa de simeda.

NIBA NINGON SRIP HUKTI 3:3

nituti mem igyai nimai bak kin nituti mem ibindei ba, nibok jut hanyen cem ba, nituti mem inggek mun kin nituti mem ingot mun cem ba,

YEREMIA 1:5

“Nipou tirigi dipai tes na ei apmem ninghopti ba, noni srek tut na bigyo lene didimig na bidikon anyeng nok nabi mem mben dihyeisi dini hagom.”

YEREMIA 24:6

Midiya ser yok ba, dibuwak yok hanyen kwei ei itimieisi dini yo. Midiwin kep ingonti lene dinggek yok bi. Midita yok lene dohom yok bi.

YEREMIA 25:13

Midiba mun di buhun bibor hagom di ditin ei dingon kanti tut ei mem ngkiai nya kin gi dipai sut tug hon Yeremia ba, dibihwen mben Babel. Gima ne mun di buhun bibor hagom di ipas kep ei srat diniti tu ri.

YEREMIA 31:28

Bit leu nok gi po dinyohou yok leu api disrep tut nibou ndig nya cem dinggek tut ide ninyeng tak kep limwati nya bingwig cem dibindei sar yok cem ei niabiati bu tu pima lene midinyohou ta yok binddong kei bidiwin yok hanyen.

YEREMIA 31:40

Tungwatu nya mipigig sut mbang briep di itig nimai ngut ei ba, icom mumpiang cem eisi mem Dani bitut hanjop nsi nya ei Minyei Kidron nijjai kikau ug bipek kin Dimbou Hui Kuda ei nite bei mpia nipriti. Tungwatu nya minggek minu ndig Yerusalem bibindei timek bingwig bu bi sren.”

YEREMIA 36:2

“Ma aug yai srat kijum gom kwei ba, apas kep mun nyeng hagom di disok ei na dip eisi bak mben Israel kin timiei Yehuda nya kin ngkiai nya ei dihyeisi dini hagom. Suar apas kep mun di sindi dipai bina habiei tirigi Yosia kui nok nibou ndig kikau kwei bipek ammani kep eisi.

YEREMIA 44:27

Midibindei ba, jitug ndei mun di buhun ba, jibong kei jigwam kei bi kikau bibou jahagom jimai ningwig ug e. Jimai ei pranti ba, jimai tug hon nsuwer ajar cem.

YEREMIA 45:4

Barukh e, Da di tuhan digwam kep midyai ninggek mun di diwin bitti ba, ditiba mun di dita. Midiyai nok gima tut dihyeisi dini hagom.

YEHEZKIEL 21:19

“Na di tungwatu di ayaijo kikau bi e, aba wa bindo puig can dima nibou ndig minu Babel mikwei sut nide singau simeda bimbut kak a. Suar puig can dima nitriti hacem mbut kwei leu minu gom. Atas biei sra gom hammi puig hati ba, abindo puig cin di ug ndam minu ndig cin dima.

YEHEZKIEL 23:36

Lene tuhan pai bida, “Na di tungwatu di ayaijo kikau bi e, atin ei mem gima ambus Ohola kin Oholiba ingonti tu e? Apai kep yok tut mun di kinei bibor di ibon tu nya.

YEHEZKIEL 32:18

“Na di tungwatu di ayaijo kikau bi e, ma angon ngguk tut limwa minu Mesir nya ug. Apinak yok ug ei minu nimai nya ide bit minu di isindem nindigsi nya.

YEHEZKIEL 36:36

Mijo nibreisi mem ngkiai nya di gahai di ingwes ngun nya bipia Da di tuhan dipindi minu di timek bingwig nya bidiyai miai ei iggum ndigsi nya hanyen tu. Da di tuhan disimbot dat tu bidiyai hagom bit leu nok gi dipreu ei mem yokti.”

YEHEZKIEL 43:3

Ningat-hi-ngat dima noyam kin gi hi di dingat mpe di Allah kwei mem gima bindei timek minu ndig Yerusalem ba, noyam kin gi dingat ei Minyei Kebar nyai pima cem. Leu api ditti ug ei dihyeisi bidiba dingwak bikik dihyei bidikuk da bak.

HOSEA 6:5

Gima rino dicuk Ditde nabi nya hwou ndam je leu binhyepo itri tut dikos datti nya bije bidipai bipia jei bi ne mijitug ndei hukum bijitimek bijingwig. Diyok dingon mem mun nyeng can di kwei leu jeni ba, hacem jo nibreisi.

AMOS 3:7

tuhan Di Ninyeng Jei Bibor kinyon ei Nide midyaiti nipou tirigi Noni tri tut bak Nide awak di nabi nya bigyo bi sren.

AMOS 9:11

tuhan pai “Ei nidipti bu ne midipindi Daud ninyeng tak kepti di tti tu di noyam kin ig di nggun ba, kei hanyen. Dikinding ngug tig di krop ttai minu dima binoyam kin ngug tig gi nitimiei hanyen.

ZAKHARIA 1:6

Ditri tut dicukti nya kin disok kepti nya bak jidigup bat-jidigai bat nya tug hon Ditde awak ngot di nabi nya nipou su. Noro igimiap kep dihyet bi apino ibiang igyai munti nibuhunti ug a. Leu api inso yonti bipai bipia Da di tuhan Di Disindem Bibor dikes hukum ei yok dip bit leu ide nitunggweisi ba, gima ne Ditde nikos tutti mem yok ri.”