YEHEZKIEL 9:6 - ALLAH NIHYET MEM TUNGWATU NYA

⁶ Ma jiyai nimai bak pinai nya kin sop nya kin ndigpoi nya kin pilei nya kin andig-ndau nya kin munggwom nya yahagom. Noro tut yo di bindo pima jo ingwak ne ma jingget yo dima au. Ma jikinyon eisi ei mpia di Ditde Ig joti dini.” Leu api ikinyon ei ide midyai dimati bigyai nimai bak nibou minu Israel di ingat rin ei tuhan De Ig dima bibie sindam.

YEHEZKIEL 9:6 ပူးပေါင်းရင်းမြစ်များ

NITRITI 4:15

Lene tuhan buhup “Dwai. Gino hi hwen na ba, amai lene midibindei ba, ibou muhwindacan itug ndei nimai drek dip na.” Gima rino tuhan yok mun di bindo ei Kain ningkek dip ser nhyepo hi hwen noni bimai ei puig sinon bi.

NIBOHON MBEN ISRAEL GI NICAN 36:17

Gima rino tuhan pingok ei nibou ndig mben Babel ningonti leu binhyepo njei bihwen yok. Nibou ndig dima yai nimai bak limwa Yehuda nya di ipilei yo nya bitut yo di ingat rin ei tuhan De Ig nya cem ba, gingondut tungwagom ngat cem bi. Noro yai nimai bak andigpoi nya kin pilei nya bitut pinai-sop nya kin yo di inggwen nya kin yo di inghuisi kwes nya yahagom hak ug. Allah kes yo dima yahagom ei nibou ndig mem mben Babel ninda nsi.

NEHEI LEUSI 12:23

Tirigi tuhan ya bidem minu Mesir nisurti-nipekti biyai nimai bak mben Mesir lene Noni mingat domba dima ninggrom ei jide ighyei cin kin dimbou hui kin biei njiti di jo nai dimbou hui bou niyai him apino minjiriek jide ig dima yok. Noni misindui sut Malaikati Di Bindei Nimai coi ug ei jide ig dima biyai nimai bije bi.

YEREMIA 16:6

Yo di inyeng kin yo di yuhui mbum mimai ei minu dini noro tungwa hi dima mitig yok bipim tut yok cem bi. Tungwahi dima yai nibok binonti ba, kak nibou nta leu cem nok bindo tut ningon di ngguk tut yok bi sren.

YEREMIA 25:29

Midikinyon ei nibindei timekti dima ei Ditde minu ndig bibie. Leu ma ingon kan bipia midikes hukum ei yok dip bi, Ningat ne midikes hukum ei yok dip lewo midikes pran kwei ei mben di ibong bidem dihyei njek dip dini nisurti-nipekti. Da di tuhan Di Disindem Bibor disimbot dat tu.

YEREMIA 44:7

Ba, nogindini Da di tuhan Di Disindem Bibor di Allah Israel dihig ser je bipia nggon rino jibon mun di binduk mun di buhun di nindig bibor dima ei jenti dip i? Jijoi sut gima jibindei sar pinai nya kin sop nya kin munggwom nya kin munggwom ngwoi nya yahagom leu ba, yo di ntun mben Israel him hi niyaijo bu bi e?

YEREMIA 44:8

Nggon rino jibon kep mun di bibon diggati nya i? Jikwei bong ei minu Mesir di jingkiaisi leu api jikuk je bak kwar nya hanyen bu. Jibon midut nindig mindhe-ndhe ei humti ba, jibikuk je bak timiei minu dini ide kwar nya! Nggon rima jibindei timek jenti bijibindei ba, ngkiai nya yahagom ighyet kinei sut je ba, iba jinyeng bisigion yam i?

YEREMIA 6:11

tuhan e, Ade nigga yokti dima tit hum ei dingonti. Nggruk mem gima doom dingonti tut a.” Leu api tuhan pai bida “Asiber ningon sibuisi dima ug ei munggwom di ingat rin ei puig ndigsi nya kin pilei di idem yam ei gom nya dip. Siceu nya mikat pinai nya kin sop nya ug ei ingkiaisi. Yo di ide njap ug ninno tu cem mingwes ngun leu bi.

YEREMIA 9:21

Lewo nibon kep nimai cig coi nyende kendera mihyet kwei su ba, tau ug ei nibou ndig de ig tu. Nimai kat munggwom nya kak simpak bou nya bihwen pinai pilei nya ei biyati cem.

YEHEZKIEL 11:1

Leu api Allah Ninnei kon da bibuwak da ug ei dimbou pmem di jo ei nite bei mpia nipriti ei tuhan De Ig. Dingat lo, ibou nyatungwagom muhwi ingat rin ei sirima. Lene dingat mben Israel ide nibou nya ibou can di igya hak ei ikieti. Nibou cin dima inyeng rino Yaazanya di Azur nipmot kin Pelaca di Benaya nipmot.

YEHEZKIEL 9:4

“Aug ba, aya bidem minu ndig nuhuisi nya hagom ba, akes bindo ei tungwagom-gom di ningon ngguk tut kin gi ningon buhun tut nibon munti hagom di bindei igyai ttinti di tungwatu ibon ei minu ndig dini ingwak a.”

YEHEZKIEL 9:5

Dimiap gino Allah pai bak nindigsi nya “Jibit no dima bijiya bidem minu ndig nuhuisi nya hagom. Ma jingon nggriu sut tungwatu nya au. Noro ma jiyai nimai bak tungwagom-gom hak ug.

AMOS 3:2

“Jeni ne mben ningat-ngat di didimig ei bidinyohou cem dor njiriek ngkiai nya yahagom ri. Gima rino jide sisar buhun bibor ba, suar dikes hukum ei je dip drek dip.”

LUKAS 12:47

Awak dino kan tut niceu ningon kanti noro pwoi ningon ba, bit ningon kanti cem bi mitug ndei hukum dino ibui noni kinei-kinau.

NINDAT KEP TUHAN NICUKTI NYA 2:34

Mpe dima ne nyeni igyai ide minu ndig nya hagom bigyati leu api inggek ide minu ndig dima gom-gom sindam bitimek lene igyai nimai bak yo di ibong ei minu dima yahagom ba, igyai nimai bak pinai nya kin sop nya kin munggwom nya cem yahagom. Hi ningwes ngun bi.

NINDAT KEP TUHAN NICUKTI NYA 3:6

Nyeni ihwen minu ndig dima yok hagom bisar lene igyai nimai bak ide pinai nya kin sop nya kin munggwom nya cem yahagom noyam kin gi po ibindei Nibou Ndig Sihon ei Hesybon de minu ndig nya pima.

NINDAT KEP TUHAN NICUKTI NYA 32:23

Midibindei ba, mun di buhun mang bibor micut igkep yok bijo ninno bijo kikau leu api midiprindei yok kikau bibou Ditde tibor nya ngwig ug e.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

NINGAT-HI-NGAT NYA 14:4

Yo dini ne pinai nya di igyem njita tut sop nya bi sren rin ba, ingon kwes kei. Ibit-bit nyen Domba Pmot ug ei tirima-tirima. Ba, inok mighumbou di igyati kwes bibie leu tungwatu nindigsi nya mem Allah kin Domba Pmot.

NINGAT-HI-NGAT NYA 7:3

bipai biyok “Ma jinggek tut mam bei kin muk ngeisi kin biei nya au e bibou nitak buk ei ide Allah de awak nya ingwak ug e.”

NINGAT-HI-NGAT NYA 9:4

Noro Allah cuon ser hai ceng nya nhyema igyem mintu-minta kin biei njem kin njita kioi nindigsi nya au. Isindem mem gima yaham tungwatu nya di Allah tak buk ei ingwakti bi.

SAMUEL GI NIGOM 15:3

Gima rino ma aug kon pran bit mben Amalek ba, abindei timek mun di inyeng tut nya hagom hak ug. Lene ma ayai nimai bak pinai nya kin sop nya kin munggwom nya kin ningwoi-ngwoi nya kin sapi nya kin domba nya kin unta nya kin keledai nya hagom hak ug.”