YEHEZKIEL 8:6 - ALLAH NIHYET MEM TUNGWATU NYA

⁶ Allah pai bida “Na di tungwatu di ayaijo kikau bi e, angat mindei di pek kep dima i? Angig ayai kep nibon munti di kinei bibor di bindei ba, diyai ttin di mben Israel igyai kep nya. Mun di igyai dima boom Da ei minu ting leu Ditde Ig tu. Noro akwei ba, midindo mun di kinei bibor bu hi kin bu bina.”

YEHEZKIEL 8:6 ပူးပေါင်းရင်းမြစ်များ

NIBOHON MBEN ISRAEL GI NICAN 29:5

bimbrap bit yok ei mpia di jo bas hak di iba ngug tig bikrop ttai dima. Noni pai biyok “Suar je di Lewi nya jidimig jenti pijum hak ei mem tuhan. Lene ma jibindei pwoi jidigup bat-jidigai bat nya ide tuhan Allah De Ig. Suar jicom mun nyeng di bindei dino map kui Ig dima hagom leu ug e.

MAZMUR 78:60

Lene bikes Nide Prak Meng di yohok ei Silo di nok mpia di Noni Ningat rin eisi ei Nide limwa nya ikieti bijo ei.

NIPINGOK NINGONTI 5:14

Sinyeng cut kros bou limwa nya igyai him.”

YEREMIA 11:18

tuhan mbot kep bida tut siceu nya di igyok ingon gom mem gima ihwen da.

YEREMIA 23:11

tuhan pai “Nabi nya kin imam nya ibit dihyet bi. Dingat lo, ibon mun di kinei ei Ditde De Ig.

YEREMIA 26:6

Gino jibit dihyet bi kikau lene midibibon tuhan De Ig dini noyam kin gi dibibon Silo leu api mben dihyeisi dini hagom miba minu dini ninyeng bibimbriom yam.”

YEREMIA 3:6

Mpe di Nibou Ndig Yosia ninyeng tak kep limwa nya lene tuhan pai bida “Angat mun di mben Israel di inok sop di ningon gom bi dima ibon tu e? Ikes Dani ei leu ba, icut ei sisar nicut tut yamti bikwop mbigdip di anai kin bikwop biei ndig di nimeng nggrou nibehei cem hagom.

YEREMIA 32:34

Ibindei ba, map kui Ditde Ig di ingot mem gima ikuk yok biDa eisi tug hon gi itas ide kwar nya di bibon dingon him wei sut eisi.

YEREMIA 7:17

Angat mun di ibon ei ide minu nya kin mun di timiei minu ndig Yerusalem ibon ei simpak nya bou ayai him tu!

YEREMIA 7:30

Timiei Yehuda nya ibon mun di kinei bibor. Ikon ide kwar di dingon mpo tut nya ba, itas ei Ditde Ig bibindei ba, map kui Ig dima.

YEHEZKIEL 10:18

Leu api nipigati di piga kei di bindo tut tuhan di ningat rin ei mpia dima kiju leu dimbou hui di ibicoi ug ei tuhan De Ig dima pri biya anai ei kerub dima yok dip.

YEHEZKIEL 10:19

Dingat lo, kerub dima yok ikon inyehei ba, idimba leu dihyei njek dip ba, yuug lene kroba nimig ninghau dima yok cem bit yok. Leu api yuug ya simin dimbou pmem nuhui di jo nite bei mpia nipriti ei tuhan De Ig lo, nipigati di piga kei jo kikau ei anai yoni dip.

YEHEZKIEL 11:22

Kerub dima yok ikon inyehei bidimba lene kroba nimig ninghau nya cem idimba bit yok. Nipigati di piga mpia kei di bindo tut Allah Israel ningat no jo anai yok dip.

YEHEZKIEL 11:23

Leu api nipigati dima kes minu ndig Yerusalem leu lene pri ug ei nungug him ei minu ndig dima nite bei mpia nipriti.

YEHEZKIEL 14:6

Apai bak mben Israel cem bipia Da di tuhan Di Dinyeng Jei Bibor dipai ‘Ma jittin ser jide sisar di jibon nya. Jiba jinghim bak jide kwar di jikuk je bak di bibon ningon him weisi dima hak ug.’

YEHEZKIEL 18:12

ris ei yo di yuhui mbum nyati cem nggimang ndiyok igkei cem tug mun di bindo hanyen bak no di dahat mun nyeng hi leu noni bi cem ba, ug cem kep mpia di yo di ingon tindur nya ipigig ser mem ide kwar di mpiei bibor nya bikuk no bak,

YEHEZKIEL 43:8

Nipou yo ne nibou ndig di ide nya iwin ide ig lene itu ide dimbou hui ba, itas ide cou dimbou hui nya simin dimbou hui kin cou dimbou tta nya ei Ditde Ig. Ba, iba dring tig gom ngat he rino bikwas a. Ibindei ba, map kui dinyeng kwesti tug hon ide nibon munti di bindei ba, igyai ttin. Gima rino diba Ditde nigga biborti bindei sar yok.

YEHEZKIEL 47:6

Leu api noni pai bida, “Na di tungwatu di ayaijo kikau bi e, ayok ngon kep gini yok hagom mungkun kei.” Leu api noni buwak da binikak minyei nintig dip,

YEHEZKIEL 5:11

Dani ne Allah di niyaijo kin tuhan Di Ninyeng Jei Bibor cem rin ba, ditri tut bipia midikes hukum ei na dip. Dikos ser ade sisar bi. Lewo abindei ba, map kui Ditde Ig tug hon ayai munti di kinei bibor nya di bindei ba, diyai ttin ningat tu.

YEHEZKIEL 8:13

Leu api tuhan pai bida bu “Akwei ngat mun di bindei di ayai ttin di dor njiriek gima bu.”

YEHEZKIEL 8:14

Noni buwak da ug ei dimbou pmem di jo ei tuhan De Ig ei nite bei mpia nijjai lene bindo sop nya di ipim kui jei sut Kwar Tamus nimaisi bida lene dingat gima bou diyai him.

YEHEZKIEL 8:7

Leu api Noni buwak da ug ei dimbou di ibicoi ug ei mpia di jo bas hak di iba ngug tig bikrop ttai gi jo nisai lene bindo mihye di itu ei dring tigti bida.

YEHEZKIEL 8:9

Noni pai bida bu “Ma acoi ba, angat nibon munti di kinei bibor di bindei ba, igyai ttin ninyeng gom di ibon ei dima.”

HOSEA 5:6

Yoni iba ide domba nya kin sapi nya di indig ei nimbar hum dokti binggok tuhan noro hagom dem mem bi. Lewo Noni kes yok ei su. Bit bon igya um Noni kan bi.