YEHEZKIEL 8:3 - ALLAH NIHYET MEM TUNGWATU NYA

³ Mun di nok tungwatu dima su ninda bikrau dibou nta leu api diba ningat-hi-ngat pima bingat lo, Allah Ninnei kon da anai ug ei hou him bibuwak da ug ei tuhan De Ig ei minu ndig Yerusalem. Noni kes da kui dimbou di ibicoi ug ei mpia di jo bas hak ei ninsi gom di jo ei nite bei mpia nijjai. Ba, kwar di tungwatu nya ikuk yok bak di bibon tuhan nigga biborti jo ei sirima.

YEHEZKIEL 8:3 ပူးပေါင်းရင်းမြစ်များ

NIBOU NDIG NYA GI NIGOM 18:12

Notou mem da gino duug pai akweisi binoni lo, tuhan Ninnei teu na ug ei minu hiter di dikan tut bi i? Tirigi nibou ndig kwei nggok ser na lo, ngat angat bi lene noni miyai nimai bida drek dip. Ma ayok ngon kep bipia habiei dimien kwei bipek ammani kep lene diba dingon gom bikuk da bak tuhan.

NIBOU NDIG NYA GI NICAN 16:14

Lene Ahas ngat lo, nimbar hum dok di iba ngkimom-tembaga bibon di ikes pijum mem tuhan no jo ei Tuhan De Ig kin nimbar hum dok nijep dima ikieti. Gima rino noni bindei ba, nimbar hum dok di iba ngkimom-tembaga bibon dima birok kik Tuhan De Ig nuhui him bu bi lo, isindik bijo ei nonti nide nimbar hum dok nijep dima nijjai.

NIBOU NDIG NYA GI NICAN 2:16

Bipai binoni “Nyeni nibou ningot muhwi nahagom nimbut sindem. Ma asindui sut nye ba, ninggok-nggok nyen ser ade andigpoi e? Mpaba tuhan Ninnei buwak noni ug ei mbigdip gom e, he ug ei mbang briep gom bikes noni ei mpia dima tu e?” Noro Elisa buhup “E bi! Jinggok ser noni au.”

NIBOU NDIG NYA GI NICAN 21:7

Manasye ttei kwar sop Asyera ningwes bitas pijum ei tuhan De Ig. Noro tuhan pai sut Nide Ig dima bak Daud kin nipmot Salomo nipou su “Ditde ig kin minu ndig Yerusalem di didimig leu keret Israel simnai brimigcan ide hanjop nya dini ne mpia di dindo ei nok gumihyep nibon midut eisi bak Dani ri.

MAZMUR 78:58

Isrep huk Allah tug hon ide mpia di iwin mem ibikuk yok bak kwar nya. Ibindei ba, ningwak mbriu sut yok tug hon ide kwar di ikuk yok bak nya.

NEHEI LEUSI 20:4

Harin dima jibibon kwar di jikuk je bak bou jinda him di noyam kin mun nyeng hi ei mpia-bbed him kin dihyeisi kin gi jo ei minyeiti ei dihyei joua.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 34:14

Harin dima jikuk je bijinggei sut kwar nya a. Lewo Dani ne tuhan rin ba, di nok Allah di kou sut kwar nya.

YEREMIA 32:34

Ibindei ba, map kui Ditde Ig di ingot mem gima ikuk yok biDa eisi tug hon gi itas ide kwar nya di bibon dingon him wei sut eisi.

YEREMIA 7:30

Timiei Yehuda nya ibon mun di kinei bibor. Ikon ide kwar di dingon mpo tut nya ba, itas ei Ditde Ig bibindei ba, map kui Ig dima.

YEHEZKIEL 1:1

Ug ei hon njap gi nimuhwi ei bed gi nibitai mem ari bingwam gi ningot ningai lene da di Imam Yehezkiel di dicig ninyeng Busi dibong bit mben Yehuda ei ingkiaisi simiak Minyei Kebar ei minu Babel. Mpe dima lene dingat lo, mpia-bbed him kau leu api Allah ndo ningat-hi-ngat gom bida.

YEHEZKIEL 10:3

Tirigi noni coi lene kerub dima yok ingat rin ei tuhan De Ig ei nite bei mpia nibiho. Bumbuhui nggop gom kieng kep mpia di jo bas hak ei ninsi di jo tuhan De Ig pima lene bikieng kep Ig dima titut yam.

YEHEZKIEL 11:1

Leu api Allah Ninnei kon da bibuwak da ug ei dimbou pmem di jo ei nite bei mpia nipriti ei tuhan De Ig. Dingat lo, ibou nyatungwagom muhwi ingat rin ei sirima. Lene dingat mben Israel ide nibou nya ibou can di igya hak ei ikieti. Nibou cin dima inyeng rino Yaazanya di Azur nipmot kin Pelaca di Benaya nipmot.

YEHEZKIEL 11:24

Tirigi dingat ningat-hi-ngat dima lene Allah Ninnei buwak da bingkwei da hanyen bikes da bak yo di ibong ei ingkiaisi ei minu Babel leu api ningat-hi-ngat dima pren leu da,

YEHEZKIEL 2:9

Lene dingat ninda di su tut srat kijum gom kwei ndam da.

YEHEZKIEL 3:12

Leu api Allah Ninnei kon da kui lene dimiap nihyet gom ei dinghim dip di nok kru di cut bipai “Ma jinggei sut tuhan nikei-kau-keisi ei gwamti.”

YEHEZKIEL 3:14

tuhan de nisindemti coi kwei ei dingonti sindem bibor ba, Ninnei kon da bittei da apino dingon mpo-mpam ba, wam cem.

YEHEZKIEL 37:1

tuhan ningat rin bit da ba, Nide nisindemti kui bidem dingonti. Leu api tuhan Ninnei buwak da bikes da ei mbang briep gom di mpung tut nimai njum di ngak-cai nya.

YEHEZKIEL 40:2

Allah buwak da ug ei dihyei Israel tug hon ningat-hi-ngat gom bikes da ei nungug di anai gom dip leu api dingat minu ndig gom di bon ig di dimbun di ingot nya ei doho bei.

YEHEZKIEL 43:5

tuhan Ninnei kon da ba, buwak da ug ei mpia di jo bas hak di jo ei sirima bidingat lo, tuhan De Ig mpung tut Nide nisieng-siausi di piga kei di bindo bipia Allah ningat rin ei mpia dima.

YEHEZKIEL 43:8

Nipou yo ne nibou ndig di ide nya iwin ide ig lene itu ide dimbou hui ba, itas ide cou dimbou hui nya simin dimbou hui kin cou dimbou tta nya ei Ditde Ig. Ba, iba dring tig gom ngat he rino bikwas a. Ibindei ba, map kui dinyeng kwesti tug hon ide nibon munti di bindei ba, igyai ttin. Gima rino diba Ditde nigga biborti bindei sar yok.

YEHEZKIEL 5:11

Dani ne Allah di niyaijo kin tuhan Di Ninyeng Jei Bibor cem rin ba, ditri tut bipia midikes hukum ei na dip. Dikos ser ade sisar bi. Lewo abindei ba, map kui Ditde Ig tug hon ayai munti di kinei bibor nya di bindei ba, diyai ttin ningat tu.

YEHEZKIEL 7:20

Nipou yo ne inggei sut ide tig permata di kei-kau-kei nya di ibimau yonti lo, iba tig permata dima bibon kwar di ikuk yok bak di suwok nya. Apino tuhan bindei di ingon mpo tut ide ndigban dima.

YEHEZKIEL 8:5

Allah pai bida “Na di tungwatu di ayaijo kikau bi e, acap nite bei mpia nijjai.” Dibit nihyet dima bidingat kwar di tungwatu nya ikuk yok bak di bibon Allah nigga biborti jo nimbar hum dok nite di dideu puig di ibicoi mpia di jo bas hak dima.

YEHEZKIEL 9:2

Noni pai nok rino ibou muhwindagom ittau sur yam leu dimbou pmem di jo tuhan De Ig nijjai nisai ma kwei ba, yahagom ikrau ide minggwen bijo indati. No di juk sinsun di iba minghas linen binap di krau mun pas srat ei nindati cem ningat rima bit yok. Yahagom icoi kwei bigya dideu nimbar hum dok ngkimom-tembaga.

DANIEL 10:10

Leu api ninda gom ngget da bibindei ba, dikiju lo, diba dinda kin dibiau buhu dihyei.

DANIEL 10:18

Lene noni su ninda bingget da mbigom kin bu. Leu api dingkek kan lo, ditde nisindemti kum eisi.

DANIEL 5:5

Tirigi ibon nok rino tungwatu ninda he tau kros bipas hurup bokti nya ei dring nggetti lene njeng mbrei piga digai hagom bisieng-siau kei. Nibou ndig cem ngat ninda dima bou niyai him.

KISAH 8:39

Hammi tirigi ikiju kui leu minyei ugyousi rino Allah Ninnei teu Filipus leu mpia ttou nsi dima. Andigpoi dima ngat noni bu bi. Noro ba ningon di llei bibor bikak puig dima kikau.

NINDAT KEP TUHAN NICUKTI NYA 32:16

Gi ikuk yok bak kwar nya bindei ba, tuhan ibou dut ser yok. Gi icut ei sisarti bindei ba, ningon sibui sut yok.

NINDAT KEP TUHAN NICUKTI NYA 32:21

Yoni ribindei dino dingon sibui sut ide kwar di ikuk yok bak nya lewo mun di ikuk yok bak dima yok hagom nok mun di igbit bi. Gima rino midiba mben hiter di nok mben di mungkun bi bidibindei ba, Ditde limwa nya igga bibor. Midiba mben hiter di ingon mbum bidibindei ba, Ditde limwa nya ibou dut bibor.

NINDAT KEP TUHAN NICUKTI NYA 4:24

Lewo tuhan di nok jide Allah dem kep nok hum di cig-cai ba, Noni kou sut mun di jikuk je bak nya.

NINDAT KEP TUHAN NICUKTI NYA 5:9

Harin dima jikuk je bak kwar di nok gima bijinggei sut a. Lewo Dani ne jide tuhan Allah rin ba, dem tut gima jiba Da bingon mun nyeng hi cem bi. Lewo midikes hukum ei yo di ikinei sut Dani dip kin ide nintun him yamti di bram yam nya dip bitut ignyon bat-idrot bat nya kin yo di intun yok him bram yam cem dip.

NINDAT KEP TUHAN NICUKTI NYA 6:15

Gino jikuk je bak nung nya lene tuhan di nok jide Allah ningon misibui sut je apino mijimai bijingwig. Lewo tuhan di nok jide Allah di ningat rin ei jikieti kou sut gima jikuk je bak nung nya.

YOSUA 24:19

Lene Yosua pai biyok “Krop kei mem jikuk je bak Noni bi. Suar jiba jingon titut bibit nihyet lewo Noni ningon sren-srau. Bit bon Noni kos ser jide sisar dino,