YEHEZKIEL 8:18 - ALLAH NIHYET MEM TUNGWATU NYA

¹⁸ Yoni mitug ndei Ditde niggati di buhun bibor! Dingondut yok bidikos ser ide sisar bi. Mbro nok gino iba nadi bahara tignam-tignam biDa lo, midimiap ighyet bi sren!”

YEHEZKIEL 8:18 ပူးပေါင်းရင်းမြစ်များ

NIPINGOK NINGONTI 1:28

Mpe dima lene mijahara da noro midibuhup jihyet bi. Mijinggok ser da bidem minu noro mijittau kep da bi.

YESAYA 1:15

Mpe dino jingat nadi bijisu jinda lene midikiek Doho ter leu je. Mbro nok gino juhuk nadi bijo ninno bijo kikau lo, midingig ditingou mem jihyet bi. Lewo jiba jinda hwen mun mang tu.

YESAYA 59:1

Ma jikan bipia tuhan ninghuisi jet bibor ser gima teu je bijingwes ngun ba, nitingou nam bibor ser gima miap kep jihyet au.

YESAYA 59:2

Lewo jide nibon munti di kinei rino bindei dino Noni miap kep jide nadi bi a. Jide sisar di jibon nya rino bikwas jeni leu Allah ba.

YEREMIA 11:11

Gima rino Da di tuhan dipingok ingonti. Suar igyok ngon kep bipia midikes mun di buhun bibor kwei ei yoni dip ba, bit bon ingwes ngun kan bi. Gino yahara mem gima dimpu yok lene midimiap ighyet bi.

YEREMIA 14:12

Mbro nok gino igyem njita bi mem nituti poi lo, midingig ditingou mem ighyet bi. Mbro nok gino ibon midut nindig mindhe titut kep nimbar humti kin midut njita nibipai sigyo bak Dati lo, dijoi sut yok bi. Noro midiba pran kin ninggum kin nsuwer ajar bihwen yok ningwig a.”

YEREMIA 23:39

midohom yok bitut ide minu ndig di diwin mem yok kin idigup bat-idigai bat nya cem leu api midicom yok ug ei minu ting bibor.

YEREMIA 44:3

Mun di buhun dima cut igkep yok lewo timiei di ibong eisi ibon sisar apino sisar dima bindei ba, digga yok. Ibon midut nindig mindhe-ndhe ei humti mem gima ibikuk yok bak kwar nya di nipou ne yonti kin jeni kin jidigup bat-jidigai bat nya jahagom jikuk je bak bi sren.

YEREMIA 44:6

Gima ribindei di disiber Ditde nigga biborti ei minu ndig ngot di jo ei Yehuda kin puig ngot di mbut ei minu ndig Yerusalem dip ug a. Dindig hagom bindung-ndiem ba, ngoi hak cem. Ba, jingat gima bou jiyai him tu.

NIBWOS-BWOS NYENTI 1:5

Siceu nya iba ide nisindemti boom kep noni tu o! tuhan bindei ba, noni tug ndei ninghuisi wei drek dip nide sisar di nindig bibor! Ikat timiei nya bisima ug ei ingkiaisi tu o!

NIBWOS-BWOS NYENTI 2:17

tuhan bindei ba, gi pai nihwen di nipou yo tin ei ningon kanti tut bisok kep nye tut pima kwei cut igkep nye tu o! Noni ba ningondut nye bisi bindei timek nye ba, ide siceu di imbuk tut nye ibindei timek nye tu o! Noni bindei ba, siceu nya igyai nillei tut gi ingat nyende nicutti bou igyai him o!

YEHEZKIEL 16:42

Gima leu api Ditde niggati micut ba, dingon jo nyahan hanyen bu. Midigga bidingon kinei sut na cem bu bi.

YEHEZKIEL 23:25

Digga nani. Gima rino midisindui sut yok ba, iba ide nisibutti bibibon nani hak bikos ahwap kin atingou meng leu lene ibindig amunggwom bat nya tut igyai-yaisi ei humti.

YEHEZKIEL 24:13

Minu ndig Yerusalem e, ade niyai munti di kinei bibor nya bindei ba, map kui nati. Mbro nok gino dibingon mem gima dibindei pwoi na lo, dem tut bi. Lewo map kui nati bijo kikau. Apwoi kei hanyen bi bibou dikes Ditde niggati ei na dip ug e.

YEHEZKIEL 9:10

Gima rino dingondut yok bi. Midikiek mun di ibon bak yo di hiter ndam yonti hanyen.”

YEHEZKIEL 9:5

Dimiap gino Allah pai bak nindigsi nya “Jibit no dima bijiya bidem minu ndig nuhuisi nya hagom. Ma jingon nggriu sut tungwatu nya au. Noro ma jiyai nimai bak tungwagom-gom hak ug.

MIKHA 3:4

Jei bi ne jahara tuhan bikwei mpu je noro Noni kou sut gima buhup jihyet lewo jirom je kep jiyai munti di mbuk bibor nya.

NAHUM 1:2

tuhan Allah kou sut yo di iba Noni bikek tug hon gi ikuk yok bak kwar nya. Yo di ico kep Noni mitug ndei hukum hak. Noni ba Nide nigga biborti bibuhup ide nibon munti di kinei bibor hanyen biyok.

ZAKHARIA 1:2

tuhan cuk da leu binhyepo dipai bak Nide limwa nya “Da di tuhan Di Disindem Bibor digga jidigup bat-jidigai bat nya bibor ei nijam gi nipou pini jug.

ZAKHARIA 7:13

Dibuhup ide nadi bi drek dip gino igimiap kep dihyet tirigi dimbrap bit yok bi.

LUKAS 13:25

Ig niceu mikiju binggam mbou leu api je di jiya igbit nisai mijipuk-puk nyen dimbou bijahara ‘Andigpoi e, akau dimbou leu nye o!’ Noro noni mibuhup ‘Dikan tut jikwei leusi bi.’

SAMUEL GI NIGOM 8:18

Tirigi nicunti mem mun dima yok hagom cut igkep je lene jilua sok tut jide nibou ndig di jidimig ei su dima noro tuhan mingig nitingou mem jihyet bi.”