YEHEZKIEL 8:16 - ALLAH NIHYET MEM TUNGWATU NYA

¹⁶ Lene Noni buwak da ug ei mpia di jo bas hak gom di jo ei tuhan De Ig ninsi bidingat lo, ibou nyatungwagom muhwi ingat rin ei nimbar hum dok kin bisai di ibicoi kwei ei Ig dima nikieti. Iba inghim bak ninsi di kwes lene iba ibiau bicom mpia bikuk yok biba ingwak bikik mpia ndam bei mpia nipriti ba, ikuk yok bak mpia njap di pri kwei.

YEHEZKIEL 8:16 ပူးပေါင်းရင်းမြစ်များ

NIBOU NDIG NYA GI NIGOM 8:29

Handei kon ba, ayok ayai kep Ade Ig dini mem mmun-njap lewo gini ne gumihyep di adimig ei mem Ade limwa nya ikuk yok biNa eisi ri. Handei kon ba, angig atingou mem dihyet tirigi diba doho rok Ade Ig dini bidingat nadi.

NIBOU NDIG NYA GI NICAN 16:14

Lene Ahas ngat lo, nimbar hum dok di iba ngkimom-tembaga bibon di ikes pijum mem tuhan no jo ei Tuhan De Ig kin nimbar hum dok nijep dima ikieti. Gima rino noni bindei ba, nimbar hum dok di iba ngkimom-tembaga bibon dima birok kik Tuhan De Ig nuhui him bu bi lo, isindik bijo ei nonti nide nimbar hum dok nijep dima nijjai.

NIBOU NDIG NYA GI NICAN 21:5

Manasye win nimbar hum dok nya ei mpia di jo bas hak can ei tuhan De Ig nibiho mem gima bikuk no bak ham mpia-bbed him nya.

NIBOU NDIG NYA GI NICAN 23:11

Noni bindei ba, ijji kuda nya di nibou ndig mem timiei Yehuda nya tin ei mem gima ibikuk yok bak mpia njap pima hagom bingwig leu api ndig kroba pran di ibikuk yok bak kwar dima cem. (Kroba pran dima jo keyam ei mpia di jo bas hak ei tuhan De Ig dideu dimbou pmem kin Natan Melekh di ya kui nibou ndig de nghim.)

NIBOU NDIG NYA GI NICAN 23:5

Lene noni nduk imam di nibou ndig timiei Yehuda nya ita yok mem gima ibon midut ei nimbar hum dok di kwar pima ideti bidem minu Yehuda kin minu di gahai minu ndig Yerusalem cem kwei bicut inyeng imam leu yok. Imam dini yok ibon midut bak Baal kin mpia njap kin bed mmun kin singmur kin hambong kin ham nindigsi nya hagom tu.

NIBOHON MBEN ISRAEL GI NICAN 29:6

Idigup bat-idigai bat nya iba ingon di gom bibit tuhan Allah bi. Ba, ikes Noni ei leu api iba inghim bak Nide gumihyep di Ningat rin eisi dini cem.

NIBOHON MBEN ISRAEL GI NICAN 7:7

Leu api Salomo piga mpia di jo bas hak di iba ngug tig bikrop ttai nite ninggimau ngat di jo ei tuhan De Ig dima nuhui him ei mem tuhan. Leu api bindei ba, ibon midut nibui mindhe-ndhe titut kin midut njita nibipai sigyo bak Allahti cem ba, indig mindhe-ndhe nimmau ndok ei gumihyep dima bak tuhan nok nibon midut nibiyai ningon kwes kin Allahti gau noni kin limwa nide nya cem. Ibon midut nindig gima yok hagom titut yam ei mpia dima lewo nimbar hum dok ngkimom-tembaga di ibon ei su pima dem mem mun di ikwas di ibikuk yok bak tuhan dima yok hagom bi.

YEREMIA 2:27

Jahagom mijimmai sut jenti lewo jihig biei ttou gom nok jicig ba, jihig tig nitindak gom nok jipmem. Jikwei kuk je biDa bi noro jikes Da ei. Tirigi mun di buhun cut igkep je lene jahara Da leu binhyepo diteu je bijingwes ngun.

YEREMIA 32:33

Mbro nok gino dingginau yok bijo ninno lo, igimiap kep dihyet ba, ingon guhuk niti cem bi. Apino iba inghim biDa.

YEREMIA 44:17

Miniyai mun nyeng bit leu nyenti ningon kanti. Minibon midut nindig mindhe ei humti ba, nibikuk nye bak Nibou Ndig Sop Gwamti bijo kikau. Nikiber ba anggur ngei nok mun di nibikuk nye bak kwar dima noyam kin gi po nidigup bat-nidigai bat nya kin nyende nibou ndig nya kin nyende nibou di inyeng jei nya ibon bidem minu ndig ngot di jo ei minu Yehuda kin gi ibon bidem puig di mbut ei minu ndig Yerusalem tu pima. Mpe dima njita dem mem nye ba, nibong kei nigwam kei lene mun di buhun cut igkep nye cem bi.

YEREMIA 7:18

Munggwom nya irop biei ba, pinai nya ibindig hum. Leu api sop nya ibon tepun nok roti mem ide kwar di ikuk yok bak di ijem ninyeng bipia Nibou Ndig Sop Gwamti. Lene ibon midut nisiber ba anggur ningei bak nung nindigsi nya cem leu binhyepo ibindei ba, dingon buhun.

YEREMIA 8:2

Iket injum dima leu ijui bijo keyam mem gima itig hanyen ei dihyeiti bu bi. Noro iba injum dima yok bimbin mpia ei dihyei ninjek dip nok mumpiang hak. Injum nya mijo sinsiou hak ei mpia njap kin bed mmun kin ham mpia-bbed him nya di yo dima ikuk yok bak di ingon ngakei cem igyai midyai mem cem ikuk yok bak cem yahara bindo puig biyok cem hagom yoho bei.

YEHEZKIEL 10:3

Tirigi noni coi lene kerub dima yok ingat rin ei tuhan De Ig ei nite bei mpia nibiho. Bumbuhui nggop gom kieng kep mpia di jo bas hak ei ninsi di jo tuhan De Ig pima lene bikieng kep Ig dima titut yam.

YEHEZKIEL 11:1

Leu api Allah Ninnei kon da bibuwak da ug ei dimbou pmem di jo ei nite bei mpia nipriti ei tuhan De Ig. Dingat lo, ibou nyatungwagom muhwi ingat rin ei sirima. Lene dingat mben Israel ide nibou nya ibou can di igya hak ei ikieti. Nibou cin dima inyeng rino Yaazanya di Azur nipmot kin Pelaca di Benaya nipmot.

YEHEZKIEL 23:35

tuhan Di Ninyeng Jei Bibor pai “Suar abiang ade nikrar kepti kin ade nicut tut pinai nyati nibuhunti lewo abbwe ser Da ba, aba anghim biDa cem.”

YEHEZKIEL 23:39

Lene njap di igyai nimai bak imunggwom bat nya di igyai biDa pima ba, indig ingut ei nimbar hum dokti bak ide kwar nya di ikuk yok bak pima rino nikindig-nikinjoi nya dima ikwei ei Ditde Ig bibindei ba, map kuisi!

YEHEZKIEL 40:28

Leu api no dima binut bu bibuwak da ba, ba da bicoi dimbou pmem di birok kik mpia nibiho ba, nicoi ug ei mpia di jo bas hak ninsi. Noni nai dimbou pmem dima bingat lo, nanaisi noyam kin dimbou pmem nya gi nisai ma kwei cem.

YEHEZKIEL 40:6

Leu api noni ug ei dimbou pmem di birok kik nite mpia nipriti bikui lin mbrei di bon ninten ba, ug krau ninggrupti binai dimbou hui ba, ninyanti dem meter ningai.

YEHEZKIEL 43:5

tuhan Ninnei kon da ba, buwak da ug ei mpia di jo bas hak di jo ei sirima bidingat lo, tuhan De Ig mpung tut Nide nisieng-siausi di piga kei di bindo bipia Allah ningat rin ei mpia dima.

YEHEZKIEL 43:8

Nipou yo ne nibou ndig di ide nya iwin ide ig lene itu ide dimbou hui ba, itas ide cou dimbou hui nya simin dimbou hui kin cou dimbou tta nya ei Ditde Ig. Ba, iba dring tig gom ngat he rino bikwas a. Ibindei ba, map kui dinyeng kwesti tug hon ide nibon munti di bindei ba, igyai ttin. Gima rino diba Ditde nigga biborti bindei sar yok.

YEHEZKIEL 45:19

Suar imam yai mindhe di ibui mem midut nibiyai nikos ser sisarti dima ninggrom hi ba, bidip cou dimbou nya kin nimbar hum dok nuhuisi bitaisi nya kin dimbou di ibicoi ug ei mpia di jo bas hak gi ninsi nide cou dimbou nya hagom ei Ditde Ig.

YEHEZKIEL 46:1

tuhan Di Ninyeng Jei Bibor pai “Suar nggam dimbou pmem di birok kik mpia priti di ibicoi ug ei mpia di jo bas hak dima kikau mem njap muhwindagom di limwa nya ibindei mbut ide midyai nya. Disindui sut ba, ikau dimbou pmem dima mem Njap Nigwam Kep Ninghuisi kin Midut Bed Jep he.

YEHEZKIEL 7:23

Minu hagom jo nisinsiouti. Niyai nimai biyamti kieng kep hagom ba, nimbuk tut yamti jo bidem minu ndig titut yam.

YEHEZKIEL 8:15

tuhan pai bida “Na di tungwatu di ayaijo kikau bi e, angat tu e? Mun nyeng mang bibor bu di mibindei ba, ayai ttin ningat no rinaha bu yo.”

YOEL 2:17

Suar imam nya di ibon midut bak tuhan ei nimbar hum dokti kin tuhan De Ig nide bisai ma kwei nikieti igyai nggwei kibor bingat nadi “tuhan e, ma angondut Ade limwa nya. Ma asindui sut ngkiai nya bingwes pri gau nye ba, iba ighyet bicig nye tirigi ipai ‘Mben Israel ide Allah No ritou i?’ ”

NINDAT KEP TUHAN NICUKTI NYA 17:3

kin nicuk jeti tug hon gi ikuk yok bak mun nyeng hi ba, ibiyai ingon gom bak mun nyeng hi ba, ikuk yok bak mpia yaisi kin bed mmun cem ham nya cem,

NINDAT KEP TUHAN NICUKTI NYA 4:19

Nok gima cem ma jisindui sut mun di jingat bou jiyai him ei mpia-bbed him nok mpia njap kin bed mmun kin ham nya biris je bijikuk je biyok au. Lewo tuhan di nok jide Allah sindui sut ngkiai nindigsi nya hagom ei gwam nibehei dini bikuk yok bak mun dima yok.